http://beta.jang.com.pk Get latest and breaking news about Pakistan and World, Sports, Business, visit http://beta.jang.com.pk Tue, 21 May 2013 00:00:00 +0500 en-us http://beta.jang.com.pk/details.asp?nid=93999 http://beta.jang.com.pk/details.asp?nid=93999 http://images.thenews.com.pk/jang/93999_s.jpg کراچی (طاہر عزیز / اسٹاف رپورٹر) بلدیہ عظمیٰ کراچی کو آئندہ مالی سال 2013-2014ء کا بجٹ تیار کرنے میں مشکلات کا سامنا ہے۔ 1979ء کا لوکل گورنمنٹ آرڈیننس بحال ہوجانے کے باعث کے ایم سی کو ملنے والا آکٹرائے ضلع ٹیکس کا 19/فیصد حصہ ڈسٹرکٹ میونسپل کارپوریشنز کو منتقل ہوجائے گا اوزیڈٹی کا موجودہ تناسب کے ایم سی 52/اور ڈی ایم سیز 48/فیصد تبدیل ہوکر بالترتیب 33/فیصد اور 67/فیصد ہوجائے گا۔ کے ایم سی فی الحال سندھ لوکل گورنمنٹ آرڈیننس 2011ء کے تحت ہی بجٹ تیار کررہی ہے کیونکہ ایس ایل جی او 1979ء جو کہ اب نافذ ہے، اس کے تحت تعلیم، صحت، لوکل ٹیکسز اور ڈسٹرکٹ کونسل کے ملازمین جن کی تعداد تقریباً 11/ہزار ہے، یہ واپس ڈی ایم سیز کو منتقل ہوجائیں گے جس کے بعد ان کی تنخواہوں کی ذمہ داری متعلقہ ڈسٹرکٹ میونسپل کارپوریشنز کی ہوگی۔ کے ایم سی ذرائع کے مطابق محکمہ تعلیم کے 7933، ہیلتھ 2154، لوکل ٹیکسز103 اور ڈسٹرکٹ کونسل کے 341/ملازمین کے ایم سی سے ڈی ایم سیز کو منتقل ہوجائینگے۔ کے ایم سی سندھ لوکل گورنمنٹ کی جانب سے تعلیم، صحت، لوکل ٹیکسز اور ڈسٹرکٹ کونسل کے ملازمین کی ڈی ایم سیز کو منتقلی کے ایڈمنسٹریٹو آرڈر کا انتظار کررہی ہے۔ بجٹ کی تیاری میں تاخیر کا دوسرا سبب نئی حکومتوں کی تشکیل بھی بتایا جاتا ہے۔ رواں مالی سال میں کے ایم سی کیلئے ڈسٹرکٹ اے ڈی پی کی مد میں 3/ارب روپے مختص ہیں۔ دیکھنا ہے کہ آئندہ اس رقم میں حکومت سندھ کتنا اضافہ کرتی ہے۔ بجٹ کی تیاری کے سلسلے میں جب کے ایم سی کے متعلقہ افسران سے بات ہوئی تو ان کا کہنا تھا کہ ہم نے اپنے مختلف ڈپارٹمنٹس کے بجٹ فائنل کرلئے ہیں بجٹ کو حتمی شکل صوبائی حکومت کے بجٹ کے بعد ہی دی جاسکے گی۔ کے ایم سی حکام کو امید ہے کہ آئندہ پرونشل اور ڈسٹرکٹ اے ڈی پی میں حکومت سندھ خاطرخواہ رقم مختص کرے گی تاکہ جاری منصوبوں کو بروقت مکمل کرنے کے ساتھ نئے پروجیکٹ شروع کئے جاسکیں۔Tue, 21 May 2013 00:00:00 +0500 http://beta.jang.com.pk/details.asp?nid=94000 http://beta.jang.com.pk/details.asp?nid=94000 http://images.thenews.com.pk/jang/94000_s.jpg کراچی (اسٹاف رپورٹر) پاکستان رینجرز سندھ نے لیاری کے علاقے میں آپریشن کر کے بدنام منشیات فروش سمیت متعدد افراد کو گرفتار کر لیا۔ سولجر بازار پولیس نے ایک ملزم کو گرفتار کر کے 4 سوزوکی ہائی روف برآمد کرلیں۔ ملزم چوری شدہ گاڑیاں پک اینڈ ڈراپ سروس کیلئے استعمال کرتا تھا۔ تفصیلات کے مطابق پاکستان رینجرز سندھ کی بھاری نفری نے خفیہ اطلاع پر لیاری کے علاقے دریا آباد میں کارروائی کرتے ہوئے بدنام منشیات فروش منا سمیت متعدد افراد کو گرفتار کر کے اسلحہ اور منشیات برآمد کرلی۔ رینجرز ذرائع کے مطابق گرفتار شدگان کو مزید تفتیش کیلئے تحقیقاتی مرکز منتقل کر دیا گیا ہے۔ سولجر بازار پولیس نے ایک اطلاع پر کارروائی کرتے ہوئے ملزم محمد فیاض ولد عبدالرحمن کو گرفتار کرلیا، پولیس کے مطابق ملزم کے قبضے و نشاندہی پر 4 سوزوکی ہائی روف گاڑیاں برآمد کرلیں۔ پولیس کے مطابق ملزم کے قبضے سے برآمد ہونے والی گاڑیاں حیدری، فیروز آباد اور سپر مارکیٹ کے علاقوں سے چوری کی گئی تھیں پولیس نے بتایا کہ ملزم چوری شدہ گاڑیاں اسکول کے بچوں کو پک اینڈ ڈراپ سروس دینے کیلئے استعمال کرتا تھا اور گاڑیوں پر جعلی نمبر پلیٹ لگاتا تھا پولیس نے ملزم کے خلاف مقدمہ درج کر کے تفتیش شروع کر دی ہے۔Tue, 21 May 2013 00:00:00 +0500 http://beta.jang.com.pk/details.asp?nid=94001 http://beta.jang.com.pk/details.asp?nid=94001 http://images.thenews.com.pk/jang/94001_s.jpg کراچی(اسٹاف رپورٹر) سندھ ہائیکورٹ کے مسٹر جسٹس مقبول باقر اور مسٹر جسٹس سید محمد فاروق شاہ پر مشتمل ڈویژن بنچ نے پی ایس 85 کا الیکشن ریکارڈ سربمہر کرنے کا حکم دیا ہے اور ووٹوں کی گنتی سے روک دیا ہے، درخواست گزار سسی پلیجوکا موقف تھا کہ اسے دھاندلی کے ذریعہ ہرایا گیاہے، جس پر عدالت نے 24 مئی تک سسی بلیجو کے حق میں حکم امتناع جاری کردیا، فاضل عدالت نے نئی حلقہ بندیوں کے خلاف سابق صوبائی وزیر سید مراد علی شاہ کی درخواست پر نوشہروفیروزمیں نئی حلقہ بندیا ں کرنے سے روک دیا ہے اور مزید سماعت کیلئے 24 مئی مقرر کی ہے جبکہ ریکارڈ سربمہر کرنے کا حکم دیا ہے، دریں اثناء انسداد دہشت گردی کی خصوصی عدالت نے 2 لاکھ روپے بھتہ طلب کرنے کے ملزمان راجہ راشد، اللہ رکھا اور احسان بروہی کو عدم ثبوت کی بناء پر بری کردیا۔# انسداد دہشت گردی کی خصوصی عدالت کے جج بشیراحمد کھوسو نے پولیس اہلکاروں کے قتل میں نامزد ملزم محمد ابراہیم عرف قادری کے خلاف مقدمے میں 2گواہان کے بیانات قلمبند کرلیے ہیں جبکہ ایک گواہ نے ملزم کو شناخت بھی کرلیا ہے۔ تفصیلات کے مطابق پیرکو سماعت کے موقع پر پولیس اہلکار آصف جاوید اور سب انسپکٹر سعادت بٹ نے اپنے بیانات قلمبند کروائے اس موقع پر سب انسپکٹر سعادت بٹ نے ملزم کو شناخت کرتے ہوئے عدالت کو بتایا کہ اس نے ملزم کو گرفتار کیا تھا۔ استغاثے کے مطابق پولیس اہلکار محمد نثار اور اے ایس آئی دھنی بخش تھانہ پی آئی بی کی حدود میں گاڑی میں ڈیوٹی ادا کر رہے تھے کہ ملزم نے دیگر ملزمان کے ساتھ ملکر فائرنگ کی جس سے 2/پولیس اہلکار ہلاک ہوگئے تھے۔ ملزم کے خلاف تھانہ پی آئی بی میں مقدمہ درج ہے۔ انسداد دہشت گردی کی خصوصی عدالت کے جج بشیر احمد کھوسو نے بینک میں ڈکیتی اور مزاحمت پرگارڈ سمیت 3/افرادکو قتل کرنے کے مقدمے میں 2/گواہان کے بیانات قلمبند کرلیے ہیں۔ پیرکو سماعت کے موقع پر بینک ملازم کامران حسین اورسب انسپکٹر لیاقت علی نے اپنے بیانات قلمبندکروائے۔ کامران حسین نے اپنے بیان میں کہا کہ یہ وہ ملزمان نہیں جنہیں اس نے بینک میں ڈکیتی کرنے کے دوران دیکھا تھا۔ استغاثہ کے مطابق کالعدم تنظیم سے تعلق رکھنے والے ملزمان محمد قاسم طوری اور محمد دانش پر الزام عائد ہے کہ انہوں نے اپنے دیگر مفرور ساتھیوں کے ساتھ ملکر سعودآبادمیں بینک میں ڈکیتی کے دوران گارڈ، راہ گیر سمیت 3/افراد کو فائرنگ کرکے قتل کردیا تھا ۔Tue, 21 May 2013 00:00:00 +0500 http://beta.jang.com.pk/details.asp?nid=94002 http://beta.jang.com.pk/details.asp?nid=94002 http://images.thenews.com.pk/jang/94002_s.jpg کراچی (اسٹاف رپورٹر) بلدیہ عظمیٰ کراچی کے ایڈمنسٹریٹر سید ہاشم رضا زیدی نے سماجی شعبے میں نئے منصوبے تیار کرنے کی ہدایت کی ہے جبکہ تمام چیف انجینئرز کو ہدایت کی ہے کہ آئندہ کسی بھی ترقیاتی منصوبے کیلئے الگ سے کوئی کنسلٹنٹ مقرر نہ کیا جائے بلکہ کے ایم سی اور کے ڈی اے کے انجینئرز کنسلٹنسی کے تمام فرائض خود انجام دیں۔ سڑکیں اور پل بنانے کے ساتھ ساتھ سوشل سیکٹر کی طرف توجہ دی جائے، تعلیم، صحت اور میونسپل سروس کے شعبہ میں مختلف اسکیموں کو تیزی سے مکمل کرنے کے ساتھ ساتھ نئی اسکیمیں بنائی جائیں تاکہ عام لوگوں کو زیادہ سے زیادہ سہولیات ملیں اس کے علاوہ بارشوں سے قبل بڑے نالوں کی تعمیر و مرمت مکمل کی جائے۔ یہ بات انہوں نے کے ایم سی اور کالعدم کے ڈی اے کے چیف انجینئرزکے ایک اجلاس سے خطاب کرتے ہوئے کہی۔ اس موقع پر ڈائریکٹر جنرل ٹیکنیکل سروسز نیاز سومرو اور تمام اضلاع کے چیف انجینئرز اور پروجیکٹس کے چیف انجینئرز بھی موجود تھے۔ ایڈمنسٹریٹر کراچی نے ہدایت کی کہ کے ایم سی کے تمام پروجیکٹس میں فنڈز کا استعمال منصفانہ ہونا چاہئے۔ سول اور الیکٹریکل انجینئرنگ سے متعلق تمام کام بشمول PC-I کی تیاری چیف انجینئرز خود کریں، اس کے علاوہ تمام منصوبوں میں کوالٹی کنٹرول اور انسپکشن کا کام بھی چیف انجینئرز ہی انجام دیں گے۔ انہوں نے ہدایت کی کہ آئندہ ایڈوانس کام نہ کرائے جائیں اور نہ ہی پیشگی منظوری کے بغیر کوئی ورک آڈر جاری کیا جائے۔ آئندہ کنٹریکٹر سے ایگریمنٹ کے وقت یہ شق معاہدہ میں شامل کی جائے کہ وہ تعمیراتی کاموں کیلئے کے ایم سی کے اسفالٹ پلانٹ سے تعمیراتی میٹریل لیں، سپر ہائی وے پر کے ایم سی کے 120 ٹن گنجائش کے اسفالٹ پلانٹ کو بحال کیا جائے تاکہ اسے تعمیراتی کاموں کیلئے استعمال کیا جاسکے۔ ایڈمنسٹریٹر کراچی نے چیف انجینئرز کو ہدایت کی کہ تعمیراتی شعبے میں استعمال ہونے والی تمام بھاری مشینری کو 15 جون تک درست حالت میں لانے کا انتظام کیا جائے اور مہران ہائی وے فیز II کی تعمیر میں حائل رکاوٹوں کو جلد سے جلد دور کرکے اس اہم منصوبے کو مکمل کیا جائے جس سے صنعتی علاقے کو ترقی ملے گی اور آمدورفت کی سہولت بہتر ہونگی۔ ایڈمنسٹریٹر کراچی نے مزید ہدایت کی کہ شاہراہ نور جہاں کے دوسرے فیز کی تعمیر کیلئے اسکیم بنائی جائے تاکہ حکومت سندھ سے ان منصوبے کی فنڈنگ کیلئے بات چیت کی جاسکے۔Tue, 21 May 2013 00:00:00 +0500 http://beta.jang.com.pk/details.asp?nid=94003 http://beta.jang.com.pk/details.asp?nid=94003 http://images.thenews.com.pk/jang/94003_s.jpg کراچی (اسٹاف رپورٹر) پاکستان تحریک انصاف سندھ خواتین ونگ کی سنیئر نائب صدر زہرہ شاہد حسین کا سوئم پیر کو بعد نماز ظہر خواتین کے لئے ان کی رہائش گاہ ڈیفنس فیز 4 جبکہ مردوں کے لئے سلطان مسجد میں منعقد ہوا۔ سلطان مسجد میں سوئم میں تحریک انصاف کے مرکزی رہنماؤں عمران اسماعیل، ڈاکٹر عارف علوی، پی ٹی آئی سندھ کے صدر نادر اکمل لغاری، جمال صدیقی، سبحان علی ساحل، سید حفیظ الدین کے علاوہ دیگر سیاسی و مذہبی جماعتوں کے رہنماؤں، مختلف شعبہ ہائے زندگی سے تعلق رکھنے والوں کے علاوہ پی ٹی آئی کے کارکنوں کی بڑی تعداد نے شرکت کی۔ اس موقع پر میڈیا سے بات چیت کرتے ہوئے پی ٹی آئی کے مرکزی رہنما عمران اسماعیل، سندھ کے صدر نادر اکمل لغاری، سید حفیظ الدین اور دیگر نے کہا کہ زہرہ شاہد کا قتل تحریک انصاف کا نہیں بلکہ پورے کراچی کے عوام کا قتل ہے۔ انہوں نے کہا کہ ان کا قتل کراچی کے عوام کے لئے لمحہ فکریہ ہے۔Tue, 21 May 2013 00:00:00 +0500 http://beta.jang.com.pk/details.asp?nid=94004 http://beta.jang.com.pk/details.asp?nid=94004 کراچی (اسٹاف رپورٹر) جماعت اہلسنت کراچی کے امیر شاہ تراب الحق قادری نے کہا ہے کہ صوفیائے کرام نے اسلام کو تشدد اور طاقت کے زور پر نہیں پھیلایا بلکہ محبت، رواداری، حسن سلوک و خدمت خلق صوفیاء کا مشن ہے، خصوصاً خواجہ معین الدین چشتی نے برصغیر میں حسن اخلاق کے ذریعے گمراہی میں مبتلا انسانوں کو صراط مستقیم پر گامزن کیا، آج ضرورت اس امر کی ہے کہ امت میں نفرت اورانتشار پیدا کرنے والوں کے مقابلے کیلئے صوفیائے کرام کے محبت و رواداری اور امن کے مشن کو فروغ دیکر اسلام کے حقیقی تصور کو اجاگر کیا جائے۔ دریں اثناء جماعت اہلسنت کراچی کے نائب امیر مولانا خلیل الرحمان چشتی نے نیو میمن مسجد بولٹن مارکیٹ میں اجتماع سے خطاب کرتے ہوئے کہا کہ مزارات اولیاء سے اکتساب فیض صلحٰاء امت کا وطیرہ رہا ہے۔ انہوں نے کہا کہ بعض عناصر اولیائے کرام کے مزارات پر بے ہودہ رسومات اور خرافات پھیلا کر اپنے ناپاک عزائم کے تحت بزرگان دین سے لوگوں کو دور کرنا چاہتے ہیں، واضح رہے کہ مزارات پر ہر قسم کی بے ہودگی اور خرافات اولیائے کرام کی تعلیمات کے منافی ہیں لوگوں کو چاہئے کہ ان خرافات سے خود بھی بچیں اور دوسروں کو محفوظ رکھیں، انہوں نے حکومت سے مطالبہ کیا کہ صوفیائے کرام کے مزارات پر حاصل ہونے والے فنڈ سے ان کی تعلیمات کو عام کرنے کیلئے ادارے قائم کئے جائیں۔Tue, 21 May 2013 00:00:00 +0500 http://beta.jang.com.pk/details.asp?nid=94005 http://beta.jang.com.pk/details.asp?nid=94005 http://images.thenews.com.pk/jang/94005_s.jpg کراچی (اسٹاف رپورٹر) پاکستان پیپلز پارٹی کے رہنما آل پاکستان ٹریڈ یونینز آرگنائزیشن کے مرکزی چیئرمین حبیب الدین جنیدی نے کہا ہے کہ پاکستان پیپلز پارٹی نے ماضی میں ہمیشہ بڑے بڑے بحرانوں کا مقابلہ انتہائی دلیری اور تحمل کے ساتھ کیا اور وہ آج بھی عوامی طاقت کے بل بوتے پر ہرقسم کے چیلنجز کا مقابلہ کرنے کیلئے تیار ہے۔ وہ مختلف ٹریڈ یونینز اور سماجی تنظیموں کے ایک مشترکہ وفد سے خطاب کر رہے تھے جس نے ان سے ان کے دفتر میں ملاقات کی اور ملک کی موجودہ تبدیل شدہ سیاسی صورتحال میں محنت کشوں کے مسائل اور ٹریڈ یونین تحریک کے حوالہ سے گفتگو کی۔ حبیب الدین جنیدی نے کہا کہ مزدور تنظیمیں اور ٹریڈ یونین تحریک جمہوریت پر کامل یقین رکھتی ہے اور عوام کی جانب سے مرکز اور صوبوں میں مختلف سیاسی جماعتوں کو دیئے گئے مینڈیٹ کا احترام اور انہیں مبارکباد پیش کرتی ہیں لیکن اس کے ساتھ ہی یہ واضح کردینا بھی ضروری سمجھتے ہیں کہ محنت کشوں کے حقوق پر کوئی سمجھوتہ نہیں کیا جائیگا۔ انہوں نے کہا کہ یہ ایک حقیقت ہے کہ پورے ملک کے مزدور اور ملازم پیشہ طبقات کا اعتماد آج بھی پی پی پی ہی کو حاصل ہے اور ہمیں یقین ہے کہ صوبہ سندھ میں عنقریب قائم ہونے والی پی پی پی کی حکومت بہترین گورننس کی مثال قائم کرکے سندھ کے غریب عوام اور محنت کشوں کی خدمت کے نئے ریکارڈ قائم کریگی۔Tue, 21 May 2013 00:00:00 +0500 http://beta.jang.com.pk/details.asp?nid=94006 http://beta.jang.com.pk/details.asp?nid=94006 کراچی (اسٹاف رپورٹر)کمشنر کراچی شعیب احمد صدیقی نے کہا ہے کہ تبادلے کے باوجود بھی فرض شناس اور محنتی افسران سابقہ ادارے میں اپنی اچھی کار کردگی کے باعث ہمیشہ عزت اور اچھے ناموں سے یاد رکھے جاتے ہیں اوردوسروں کیلئے مثال بن جاتے ہیں، ان خیالات کا اظہار انہوں کمشنرآفس کراچی سے چیف سیکریٹری کے آفس میں ٹرانسفر ہونے والے اسٹاف آفیسر سید آفاق حسین کے اعزاز میں کمشنر آفس کے اسٹاف کی جانب سے دی جانے والی الوداعی تقریب کے موقع پر افسران سے اپنے خطاب میں کیا ، اس موقع پر ایڈیشنل کمشنر کراچی اور دیگر افسران بھی موجود تھے ، کمشنر کراچی نے اس موقع پر کہا کہ اچھی کار کردگی کے حامل محنتی اورقابل افسران کو جب بھی کوئی ٹاسک دیاجاتا ہے وہ اسے ضرور پورا کرتے ہیں ، انہوں نے کہا کہ ضلعی انتظامیہ کراچی کے افسران و ملازمین اسی نظام کو مفاد عامہ کیلئے مزید مفید اور موٴثر بنانے کیلئے اقدامات کر رہے ہیں ،اگر افسران عوام سے اپنے روابط مضبوط کر لیں اور خوش گوار تعلقات استوار کر لیں تو اس سے عوام کے مسائل اور مشکلات کو دور کرنے میں مزید آسانیاں پید اہو سکتی ہیں اور سسٹم کو بہتر بنایا جا سکتا ہے ، شعیب احمد صدیقی نے کہا کہ محنتی اور فرض شناس افسران کے باعث نہ صرف محکمے کی کارکردگی بہتر ہوتی ہے بلکہ خود ان کے وقار اور عزت میں اضافہ ہوتا ہے اور ادارے کیلئے وہ افسر فخر کا باعث بھی بنتا ہے ، اس موقع پر کمشنر کراچی نے سید آفاق حسین کو کمشنر آفس کی جانب سے یادگار شیلڈ بھی پیش کی گئی ۔اس موقع پر خطاب کرتے ہو ئے سید آفاق حسین نے کہا کہ میں نے تھوڑے ہی عر صے میں شعیب احمد صدیقی سے بہت کچھ سیکھا ہے اور یہ سیکھا ہوا کام ہمیشہ میری رہنمائی کریگا اور مستقبل میں میرے کام آئیگا ،کمشنر آفس کے اسٹاف و افسران نے جس طرح میری پذیرائی کی ہے وہ مجھے ہمیشہ یاد رہے گی ، میں یہاں سے خوشگوار تاثرات کے ساتھ جارہاہوں اور اسٹاف کا تعاون مجھے ہمیشہ یاد رہے گا۔Tue, 21 May 2013 00:00:00 +0500 http://beta.jang.com.pk/details.asp?nid=94007 http://beta.jang.com.pk/details.asp?nid=94007 http://images.thenews.com.pk/jang/94007_s.jpg کراچی (اسٹاف رپورٹر) ٹریفک پولیس کی جانب سے کراچی میں ٹریفک مینجمنٹ اور ٹریفک کے دیگر ایثوز مثلاً جام پارکنگ وغیرہ میں باقاعدہ حکمت عملی کے تحت اصلاحات لائی جارہی ہیں تاکہ شہریوں کو ٹریفک سہولتوں کی فراہمی کے ساتھ ساتھ ٹریفک پولیس سے وابستہ افسران و اہلکاروں کی ویلفیئر بھی بہتر انداز میں کی جا سکے، آئی جی سندھ شاہد ندیم بلوچ کو یہ بات ٹریفک پولیس کی جانب سے ارسال کی گئی ایک رپورٹ میں بتائی گئی، رپورٹ کے مطابق ڈی آئی جی ٹریفک عبدالخالق شیخ نے اس ضمن میں انفورسمنٹ افسران کے ایک اجلاس کی صدارت کی اور ٹریفک مسائل کے حل کی تفصیلات کا جائزہ لیا، اجلاس میں فیصلہ کیا گیا کہ سول سوسائٹی اور مختلف شعبہ ہائے زندگی سے وابستہ افراد سے باقاعدہ روابط کو مربوط بناتے ہوئے ٹریفک کے مسائل کو حل کیا جائے گا اور کیمونی کیشن گیپ کے خاتمے کے لیے انتہائی موٴثر اقدامات کیے جائیں گے، اجلاس میں یہ بھی فیصلہ کیا گیا کہ غفلت، لاپروائی، بدعنوانی اور اختیارات کا ناجائز استعمال کرنے والے ٹریفک پولیس کے افسران و اہل کاروں کو ہرگز برداشت نہیں کیا جائے گا، آئی جی سندھ کو ارسال کی گئی رپورٹ میں بتایا گیا کہ اجلاس میں کیے جانے والے فیصلوں کے مطابق کاروباری و تجارتی علاقوں میں صرف سنگل کارپارکنگ کی اجازت ہو گی، ٹریفک پوائنٹس پر پارکنگ کی سختی سے ممانعت ہو گی، مقامی پولیس اور متلعقہ یونین کی معاونت سے سڑکوں کے اطراف میں قائم دکانوں کے باہر رکھا گیا فروخت کے سامان کو ہٹایا جائے گا، قائد آباد پر ریڑھی بانوں/ ٹھیلوں کی ڈبل ٹرپل قطاروں کی ترتیب کی حوصلہ شکنی کرتے ہوئے انہیں درست کیا جائے گا، اجلاس کے اختتام پر ڈی آئی جی ٹریفک نے عمدہ کارکردگی کا مظاہرہ کرنے والے انفورسمنٹ افسران میں نقد انعامات تقسیم کیے، آئی جی سندھ نے ٹریفک ولیس کی رپورٹ کا جائزہ لیتے ہوئے ہدایات دیں کہ پولیس ایف ایم ریڈیو اسٹیشن اور ایس ایم ایس الرٹس کی اہمیت اور افادیت کے تناظر میں شہریوں کو ٹریفک سہولتوں کی فراہمی کے حوالے سے ہر ممکن اقدامات کیے جائیں اور اس سروس کے ذریعے شہریوں کو سڑکوں پر ٹریفک جام، متبادل روٹس اور ٹریفک کی روانی کے حوالے سے آگاہ رکھنے کے لیے تمام ضروری امور کو یقینی بنایا جائے۔Tue, 21 May 2013 00:00:00 +0500 http://beta.jang.com.pk/details.asp?nid=94008 http://beta.jang.com.pk/details.asp?nid=94008 کراچی(این این آئی) پاکستان پیپلز پارٹی (شہیدبھٹو) کی چیئرپرسن غنویٰ بھٹو نے کہا ہے کہ اب تک پاکستان کی ریاست کے ناکام ہونے کے بارے میں مختلف آراء کا اظہار کیا جاتا رہا ہے لیکن حالیہ عام انتخابات میں صحیح عوام دوست اور عوام کے مسائل حل کرنے کا عزم رکھنے والی جماعتوں کو ناکام ثابت کرنے کیلئے اور عوام کے ووٹ کو دھونس ، دھاندلی اور دولت نے تبدیل کرنے کیلئے ریاستی مشینری حکمرانوں کے حق میں استعمال کرنے سے یہ بات ثابت ہوگئی کہ ریاست ناکام ہوچکی ہے اور ریاست پاکستان کے حقیقی وارث عوام کے درمیان خلیج وسیع سے وسیع تر ہوچکی ہے ۔ان خیالات کا اظہار غنویٰ بھٹو نے 71 کلفٹن پر سندھ بھر سے آئے ہوئے پارٹی کے قومی و صوبائی اسمبلی کے نامزد امیدواروں (ٹکٹ یافتہ) کے ایک اجلاس سے خطاب کرتے ہوئے کیا۔ اس موقع پر مذکورہ تمام نامزد امیدواروں سے چیئرپرسن کو آگاہ کیا کہ چیئرپرسن کے حلقہ انتخابات 204، 207، 228، 251، 36اور 108 میں کی جانے والی دھاندلی کی طرح ان کے حلقہ انتخابات میں بھی اسی طرح دھاندلی کی گئی ۔ غنویٰ بھٹو نے کہا کہ خواہ انتخابات کے نتائج کچھ بھی ہوں لیکن پیپلز پارٹی (شہیدبھٹو) امیدواروں بشمول وہ فتح حاصل کر چکے ہیں کیونکہ عوام نے انہیں ووٹ دیا ہے گوکہ عوام کے ان ووٹوں کو بعد میں تبدیل کردیا گیا۔ غنویٰ بھٹو نے کہا کہ ان کی جماعت نے سندھ میں تشکیل پانے والی دس جماعتوں کے اتحاد میں اس لئے شامل نہیں ہوئی کیونکہ اسے علم تھاکہ وہ اتحاد بھی ووٹوں کی منڈی میں خرید و فروخت کے کاروبار میں ملوث ہوجائیگا جیسا کہ لاڑکانہ کے حلقہ 204 میں دیکھنے میں آیا ۔ غنویٰ بھٹو نے مذکورہ نامزد امیدواروں اور پارٹی کے کارکنوں پر زور دیا کہ وہ عوامی رابطہ مہم تیز سے تیز تر کریں کیونکہ عوام ہی شہید ذوالفقارعلی بھٹو کے نظریہ فکروعمل اور ووٹوں کے اصلی وارث ہیں ۔Tue, 21 May 2013 00:00:00 +0500 http://beta.jang.com.pk/details.asp?nid=94009 http://beta.jang.com.pk/details.asp?nid=94009 http://images.thenews.com.pk/jang/94009_s.jpg کراچی(اسٹاف رپورٹر)مسلم لیگ قائداعظم سندھ کے صدرحلیم عادل شیخ نے کہاہے کہ اگر19مئی کوفوج کی نگرانی میں انتخابات کرائے جاسکتے ہیں تو11مئی کوفوج کی نگرانی میں انتخابات کرانے میں کیامضائقہ تھا۔18کروڑ عوام کے مستقبل اور حقیقی نمائندوں کے چناؤ کے لیے الیکشن کمیشن نادرا کو 50کروڑ روپے جاری کرے تاکہ انگوٹھے کی مدد سے انکوئری کے بعد دودھ کا دودھ اور پانی کا پانی ہوجائے۔بجلی کی قیمتوں میں اضافہ غریب عوام پر ڈورون حملہ ہے۔بجلی کی قیمتوں میں جان بوجھ کر ایک منصوبے کے تحت اضافہ کیاگیا تاکہ 6روپے بڑھا کرآنے والی حکومت ایک سے 2روپے کمی کر کے اسکا کریڈٹ لے سکے۔ ان خیالات کا اظہار انہوں نے مسلم لیگ کے صوبائی سیکرٹریٹ میں پرنٹ میڈیاکے ایک وفد سے ملاقات کے دوران کیا۔حلیم عادل شیخ نے کہاکہ یہ پوری قو م کا مطالبہ تھا کہ 11مئی کو بھی فوج کی نگرانی میں الیکشن کرائے جائیں مگر جان بوجھ کر ایسا نہیں کیا گیا این اے 250میں انتخابی عمل میں فوج کی نگرانی سے یہ بات سامنے آتی ہے کہ11مئی کو قوم کے مستقبل کا سودا کیا گیا ۔ قو م نے دیکھ لیا کہ شفاف انتخابات کی آڑ میں انہیں کس طرح بے وقوف بنایا گیا ہے، الیکشن کمیشن کی جانب سے جس انداز میں شفاف انتخابات کرانے کے لیے جدیدسسٹم کو متعارف کرانے کی باتیں کی جا رہی تھی وہ سب ڈھونگ تھا، سب کچھ آنے والی حکومت کے ہاتھوں چند اچھے کاموں کو کرانا ہے انہوں نے کہاکہ کراچی کی عوام تبدیلی چاہتی ہے مگر افسوس یہاں پر شریفانہ سیاست کاحصول ناممکن بنادیا گیا ہے۔مسلم لیگ قائداعظم پہلے کی طرح ملکی استحکام اور امن وامان کے لیے اپنا کرادر جاری رکھے گی۔Tue, 21 May 2013 00:00:00 +0500 http://beta.jang.com.pk/details.asp?nid=94010 http://beta.jang.com.pk/details.asp?nid=94010 کراچی(اسٹاف رپورٹر) پاکستان سنی تحریک کے سربراہ محمد ثروت اعجاز قادری نے کہا ہے کہ قتل و غارت گری و دہشت گردی سے حق کا راستہ نہیں روکا جاسکتا۔ کراچی میں سیاسی و مذہبی کارکنوں کا قتل معمول بن گیا پولیس قاتلوں کو گرفتار کرنے میں تاحال ناکام ہے، عوام نے ثابت کردیا ہے کہ وہ ملک و قوم کی تقدیر بدلنے کا عزم رکھتے ہیں، اس کی مثال 11مئی کو دہشت گردی اور طاغوتی قوتوں کے خوف سے بالا تر ہوکر عوام نے اپنے ووٹ کا حق رائے دہی استعمال کیا ، مگر افسوس کراچی میں عوام کے حق رائے دہی پر ڈاکہ مارا گیا اور الیکشن کمیشن کراچی کے معاملے پر متنازعہ اور بے بس نظرآیا۔ان خیالات کااظہار انہوں نے مرکز اہلسنّت پر پی این ٹی کالونی، جہانگیر روڈ سے آئے ہوئے معززین کے وفد سے گفتگو کرتے ہوئے کیا۔ ثروت اعجاز قادری نے کہاکہ ہم قائد و بانی شہید محمد سلیم قادری کے راستے پر چلتے ہوئے مظلوم کو اس کا حق دلائیں گے اور طاغوتی و بارودی قوتوں کے خلاف سیسہ پلائی دیوار ثابت ہونگے، کسی کو بھی اسلحے کے زور پر اپنا نظریہ سوچ مسلط کرنے نہیں دینگے۔Tue, 21 May 2013 00:00:00 +0500 http://beta.jang.com.pk/details.asp?nid=94011 http://beta.jang.com.pk/details.asp?nid=94011 http://images.thenews.com.pk/jang/94011_s.jpg کراچی (خالد محبوب/ اسٹاف رپورٹر) بااثر چیئرمین اولڈ ایج بینیفٹ انسٹیٹیوشن (ای او بی آئی) ظفر اقبال گوندل کو ان کے اصل محکمے آڈیٹر جنرل آف پاکستان واپس بھیج دیا گیا، ان کی جگہ ڈائریکٹر جنرل ای او بی آئی پرویز احمد کو چیئرمین کا اضافیہ چارج دے دیا گیا ہے، وزارت ہیومن ریسورس ڈیولپمنٹ (ایچ آر ڈی) کے جاری کردہ آفس آرڈر نمبر 4(7)2009-eobi اور اسٹیبلشمنٹ ڈویژن کے نوٹیفکیشن نمبر 49/12009-E-I کے مطابق ظفر اقبال گوندل کو فوری طور پر اصل محکمے میں واپس جانے کی ہدایت کی گئی ہے، ای او بی آئی کے ایک سینئر افسر نے نام نہ شائع کرنے کی شرط پر بتایا کہ سابق چیئرمین (ای او بی آئی) ظفر اقبال گوندل، سابق وفاقی وزیر نذر محمد گوندل کے بھائی اور چیئرمین پبلک اکاوٴنٹس کمیٹی ندیم افضل چن کے ماموں ہیں، ظفر اقبال گوندل نے اپنے 3/ سالہ دور میں قواعد و ضوابط کے خلاف سیکڑوں سیاسی شخصیات کے رشتہ داروں کو ادارے میں بھرتی کر کے میرٹ کی دھجیاں اڑا دیں جبک مزدوروں کے پنشن فنڈز سے اربوں روپے کی اراضی خریدنے کے علاوہ محکمے کے کروڑوں روپے سے غیرقانونی طور پر غیرسرکاری اداروں میں سرمایہ کاری کرتے رہے، ادارے کے آڈٹ ڈپارٹمنٹ کا خاتمہ بھی انہی کے دور میں ہوا، اُنہوں نے ادارے میں دیگر اداروں کے من پسند افسران کا ڈیپوٹیشن پر تقرری کا جمعہ بازار لگا دیا تھا جن میں فنانشل ایڈوائزر نجم الثاقب صدیقی، ڈپٹی ڈائریکٹر جنرل اسحاق خسرو اور انوسٹمنٹ ایڈوائزر اسپیشل اسسٹنٹ شیر محمد خاص طور پر قابل ذکر ہیں، شیر محمد جو ریٹائرمنٹ کے بعد بھی تاحال براجمان ہیں اور سرکاری گاڑی GW-915، پیٹرول، سرکاری ڈرائیور اور دیگر وسائل کا استعمال کر رہے ہیں، شیر محمد پہلے در پردہ اپنے 2/بیٹوں اور داماد کو خلاف ضابطہ ادارے میں بھرتی کرا چکے ہیں جن میں دونوں بیٹے اسلام آباد اور داماد مردان میں تعینات ہیں، سینئر افسر کا مزید کہنا ہے کہ ایف آئی اے کی ایک ٹیم نے ادارے کی رقوم کی غیرقانونی سرمایہ کاری کی تحقیقات بھی شروع کر دی ہیں، ان کا کہنا ہے کہ اگر شفاق تحقیقات کی گئی تو مالی بدعنوانی کے سنسنی خیز انکشافات متوقع ہیں، سابق چیئرمین ظفر اقبال گوندل کے جانے سے غیرقانونی اور خلاف ضابطہ براہ راست بھرتی کیے گئے ملازمین و افسران شدید بے چینی کا شکار ہیں۔Tue, 21 May 2013 00:00:00 +0500 http://beta.jang.com.pk/details.asp?nid=94012 http://beta.jang.com.pk/details.asp?nid=94012 کراچی (پ ر)امیر جماعت اسلامی کراچی محمد حسین محنتی نے کہا ہے کہ جماعت اسلامی کی دعوت اقامت دین کی دعوت ہے انتخابات دعوت پھیلانے کا ذریعہ اور عوامی رابطے کا موثر طریقہ ہیں ‘ دعوت دین کی جدوجہد انتخابات کے بعد بھی جاری رہے گی ۔ کارکنان صبر واستقامت اورہمت و بہادری کے ساتھ میدان عمل میں ڈٹے رہیں ۔انہوں نے مزید کہا کہ انتخابات میں دھاندلیوں کے خلاف پرامن احتجاج اور جدوجہد پر مرد اور خواتین کارکن خراج تحسین کے مستحق ہیں۔ جماعت اسلامی کے کارکنوں نے ثابت کیا ہے کہ وہ تمام تر مشکلات و مصائب او ررکاوٹوں کے باوجود میدان عمل میں کھڑے رہنے کی ہمت و حوصلہ اور صلاحیت رکھتے ہیں اور سمعنا و اطعنا کی روح کے مطابق اجتماعیت کے تمام تقاضوں کو پور اکرنا جانتے ہیں۔ انہوں نے کہا کہ شہر کراچی کی مجموعی صورتحال اور حالات کے جبر نے ہمیں انتخابا ت کے بائیکاٹ کے فیصلے پرمجبور کیا۔ اور یہ فیصلہ ذمہ داران جماعت کی مشاورت سے کیا گیا اور بعد کے حالات نے ثابت کیا کہ ہمارا فیصلہ درست تھا اور ایک ایک کر کے تمام جماعتوں نے انتخابی عمل کو ڈھونگ قرار دیتے ہوئے اس کا بائیکاٹ کردیا۔Tue, 21 May 2013 00:00:00 +0500 http://beta.jang.com.pk/details.asp?nid=94013 http://beta.jang.com.pk/details.asp?nid=94013 کراچی (اسٹاف رپورٹر) سینئر سیاست دان اور سابق صوبائی وزیر سید ضیاء عباس نے کہا ہے کہ ملک میں جمہوری عمل کو جاری رکھنے کے لئے تمام سیاسی جماعتوں کو اپنا کردار ادا کرنا ہوگا۔ انہوں نے کہا کہ صدر آصف زرداری کی جانب سے پنجاب میں ریٹرنگ افسر کے انتخاب لڑنے کی باتوں پر تبصرہ کرتے ہوئے انہوں نے کہا کہ صرف پنجاب میں نہیں سندھ میں بھی ریٹرنگ افسران نے حصہ لیا مگر انہوں نے اس کا اعتراف نہیں کیا۔ سندھ میں سرکاری مشینری کے ذریعے حکمراں جماعت کے مخالفین کو شکست سے دوچار کیا گیا اور اب بھی جیتے ہوئے امیدواروں کو ناکامی میں تبدیل کیا جا رہا ہے۔ انہوں نے کہا کہ مسلم لیگ ن کی جانب سے سیاسی جماعتوں کے مینڈیٹ کو تسلیم کرنا خوش آئند ہے۔ دیگر جماعتوں کو بھی اس مینڈیٹ کو قبول کرنا چاہئے۔ ضیاء عباس نے کہا کہ وہ اپنے طویل سیاسی تجربے کی روشنی میں یہ بات کہنے میں کوئی عار محسوس نہیں کرتے کہ ملک میں موجودہ سیاسی نظام کو خطرات سے دوچار کرنے کی سازش کی جا رہی ہے۔Tue, 21 May 2013 00:00:00 +0500 http://beta.jang.com.pk/details.asp?nid=94014 http://beta.jang.com.pk/details.asp?nid=94014 http://images.thenews.com.pk/jang/94014_s.jpg کراچی (اسٹاف رپورٹر)عوامی نیشنل پارٹی سندھ کے صدر سینیٹر شاہی سید نے کہا ہے کہ گزشتہ عام انتخابات میں دھاندلی کے نت نئے طریقے اپنائے گئے اور بزور طاقت مخصوص جماعتوں کو انتخابی مہم چلانے سے روکا گیا، ہمیں جس بیدردی کے ساتھ انتخابی مہم میں نشانہ بنایا گیا، وہ کسی سے ڈھکا چھپا نہیں ہے، کسی نے جمہوری طرزعمل سیکھنا ہے تو ہم سے سیکھے، سخت ترین تحفظات کے باوجود انتخابی نتائج کو خندہ پیشانی سے قبول کیا، اگر ہماری کارکردگی اتنی خراب تھی تو ہمیں مارا کیوں گیا؟ جیو اور جینے دو پر یقین رکھتے ہیں، کارکنان کو کسی طور مایوس نہیں ہونے دیں گے، نئے عزم اور جوش و جذبے کے ساتھ اپنی جدوجہد جاری رکھیں گے، کارکنان خود کو بدلتے حالات اور درپیش مشکلات کا مقابلہ کرنے کیلئے خود کو تیار رکھیں۔ ان خیالات کا اظہار عوامی نیشنل پارٹی سندھ کے صدر اور پختون ایکشن کمیٹی (لویہ جرگہ) کے چیئرمین سینیٹر شاہی سید نے مردان ہاؤس میں پارٹی وفود سے ملاقات کے موقع پر بات چیت کرتے ہوئے کیا۔ انہوں نے کہا کہ عوامی مینڈیٹ کا احترام کرتے ہوئے مل جل کر شہر کو امن کی طرف لے جانا ہوگا۔Tue, 21 May 2013 00:00:00 +0500 http://beta.jang.com.pk/details.asp?nid=94015 http://beta.jang.com.pk/details.asp?nid=94015 کراچی (اسٹاف رپورٹر) عوامی مسلم لیگ سندھ کے صدر محفوظ یار خان ایڈووکیٹ نے کہا ہے کہ موجودہ حالات میں پاکستان کے استحکام، ملکی جغرافیائی اور نظریاتی سرحدوں کی حفاظت صرف پاکستان کی خالق جماعت مسلم لیگ ہی کرسکتی ہے جوکہ ٹکڑیوں میں بٹی ہوئی ہے مسلم لیگ کا اتحاد وقت کی اہم ضرورت ہے انہوں نے پاکستان مسلم لیگ (ن) کے سربراہ نوازشریف کو حالیہ انتخابات میں کامیابی پر مبارکباد دیتے ہوئے کہا کہ نوازشریف تمام مسلم لیگیوں کو متحد کریں۔Tue, 21 May 2013 00:00:00 +0500 http://beta.jang.com.pk/details.asp?nid=94016 http://beta.jang.com.pk/details.asp?nid=94016 کراچی (اسٹاف رپورٹر) پاکستان مسلم لیگ (ن) سندھ کے سیکرٹری اطلاعات علی اکبر گجر نے کہا ہے کہ میاں محمد نوازشریف کی قیادت میں پاکستان کی تمام اقلیتی برادریوں کو مکمل تحفظ فراہم کیا جائے گا۔ کرسچین برادری کو پاکستان مسلم لیگ (ن) سے کبھی مایوسی نہیں ہوگی۔ کرسچین برادری کو پاکستان مسلم لیگ (ن) کے منشور کے مطابق ہر وہ حق ملے گا جس کا وعدہ کیا گیا تھا۔ پاکستان مسلم لیگ (ن) سندھ کے میڈیا سیل میں کرسچین لائرز فورم کے ایک وفد نے مائیکل اینڈریاس سندھوکی قیادت میں صوبائی سیکرٹری اطلاعات علی اکبر سے ملاقات کی اور میاں محمد نوازشریف کی قیادت پر بھرپور اعتماد کا اظہار کرتے ہوئے پاکستان مسلم لیگ (ن) میں شمولیت کا اعلان کیا۔ کرسچین لائرز فورم کے وفد میں فورم کے چیئرمین مائیکل اینڈریاس سندھو کے علاوہ چوہدری صابر مسیح ایڈووکیٹ، آئیرین، پاسٹر رفیق ایم خان، افضل جان، عاطف ندیم، نسیم، ولیم صادق بھی شریک تھے۔Tue, 21 May 2013 00:00:00 +0500 http://beta.jang.com.pk/details.asp?nid=94017 http://beta.jang.com.pk/details.asp?nid=94017 کراچی (اسٹاف رپورٹر) انسداد دہشت گردی کی خصوصی عدالت نے شاہ زیب قتل کیس کی سماعت فل بنچ کی رخصت کے باعث منگل کے لیے ملتوی کردی ہے۔Tue, 21 May 2013 00:00:00 +0500 http://beta.jang.com.pk/details.asp?nid=94018 http://beta.jang.com.pk/details.asp?nid=94018 http://images.thenews.com.pk/jang/94018_s.jpg کراچی (پ ر) جماعت اسلامی کراچی کے امیر محمد حسین محنتی ، سیکرٹری نسیم صدیقی، نائب امراء برجیس احمد، راجہ عارف سلطان، حافظ نعیم الرحمن، نصراللہ خان شجیع، ڈاکٹر واسع شاکر، سید محمد اقبال، ڈپٹی سیکرٹری علی محمد، عبدالرشید بیگ، مسلم پرویز، سیکرٹری اطلاعات زاہد عسکری اور دیگر رہنماوٴں نے لانڈھی غربی زون کے امیر محمد شفیق کے والد محمد صدیق کے انتقال پر اپنے گہرے رنج و غم کا اظہارکرتے ہوئے مرحوم کی مغفرت ، بلندی درجات اور لواحقین و پسماندگان کے لیے صبرجمیل کی دعا کی ہے۔Tue, 21 May 2013 00:00:00 +0500 http://beta.jang.com.pk/details.asp?nid=94019 http://beta.jang.com.pk/details.asp?nid=94019 کراچی (پ ر) خطیب مسجد باب العلم مولانا شہنشاہ حسین نقوی جو گزشتہ دنوں ٹریفک حادثہ میں زخمی ہوگئے تھے مقامی اسپتال میں زیر علاج ہیں ان کی صحت یابی کیلئے علامہ حسن ظفر نقوی، مولانا محمد عون نقوی، علامہ عباس کمیلی، شبر رضا، مولانا مرزا یوسف حسین، لخت حسنین زیدی، مولانا اکرام حسین ترمذی، علامہ جعفر رضا نقوی، تذکرة المعصومین ٹرسٹ کے انوار حسین زیدی، شاہد حسین زیدی اور دیگر نے دعا کی اپیل کی ہے۔Tue, 21 May 2013 00:00:00 +0500 http://beta.jang.com.pk/details.asp?nid=94020 http://beta.jang.com.pk/details.asp?nid=94020 کراچی (پ ر) پاکستان ٹریڈ یونین کمپین سندھ جنرل سیکرٹری زبیر رحمن نے اپنے بیان میں سینئر صحافی محمد بخش کی والدہ کے انتقال پر رنج و غم کا اظہار اور مرحومہ کی مغرفت کی دعا کی ہے۔Tue, 21 May 2013 00:00:00 +0500 http://beta.jang.com.pk/details.asp?nid=94021 http://beta.jang.com.pk/details.asp?nid=94021 کراچی (اسٹاف رپورٹر) پورٹ قاسم کے قریب کام کے دوران کرنٹ لگنے سے ایک شخص جاں بحق ہوگیا۔ اطلاعات کے مطابق بن قاسم کے علاقے پورٹ قاسم پاک سوزوکی کمپنی کے قریب علی حسین انجینئرنگ میں کام کے دوران کرنٹ لگنے سے 28 سالہ عاشق علی سومرو ولد محمد صدیق جاں بحق ہوگیا۔ متوفی کو نجی اسپتال منتقل کیا گیا جہاں سے ورثاء بغیر کارروائی کے لاش ہمراہ لے گئے۔Tue, 21 May 2013 00:00:00 +0500 http://beta.jang.com.pk/details.asp?nid=94022 http://beta.jang.com.pk/details.asp?nid=94022 http://images.thenews.com.pk/jang/94022_s.jpg کراچی (اسٹاف رپورٹر) سندھ ہائی کورٹ کے مسٹر جسٹس مقبول باقر اور مسٹر جسٹس سید محمد فاروق شاہ پر مشتمل ڈویژن بنچ نے شاہ زیب قتل کیس میں ملزم شاہ رخ جتوئی کی آئینی درخواست نمٹاتے ہوئے حکم دیا ہے کہ ملزم کا دوبارہ طبی معائنہ کیا جائے تاکہ ملزم کی عمر کا صحیح تعین ہوسکے۔Tue, 21 May 2013 00:00:00 +0500 http://beta.jang.com.pk/details.asp?nid=94023 http://beta.jang.com.pk/details.asp?nid=94023 کراچی(اسٹاف رپورٹر) لیاقت آباد ٹاؤن کے بلاک نمبر8 میں پانی کی سپلائی ایک ہفتے سے بند ہے جس کی وجہ سے اہل علاقہ سخت مشکلات کا شکار ہیں، لوگ رات کو جاگ کر پانی کا انتظار کرتے ہیں لیکن پھر بھی پانی نہیں آتا متعلقہ حکام کو بھی اطلاع دی لیکن کوئی کارروائی نہیں ہوئی تحریری درخواست بھی متعلقہ آفس میں جمع کرادی ہے متعلقہ افسران سے گذارش ہے کہ پانی کا مسئلہ فوری طور پر حل کیا جائے تاکہ عوام سکون کا سانس لے سکیں۔Tue, 21 May 2013 00:00:00 +0500 http://beta.jang.com.pk/details.asp?nid=94024 http://beta.jang.com.pk/details.asp?nid=94024 کراچی(اسٹاف رپورٹر) اسپشل بنکنگ کورٹ نے پانچ اشتہاری ملزمان الطاف خانانی، جاوید قاسم، اقبال کیبائی، محمد عامر ، عبدالعزیز خانانی کی بریت کی درخواست منظور کرلی ملزمان کے وکیل شوکت زبیری ایڈووکیٹ نے یہ موقف اختیار کیا کہ اصل ملزمان پہلے ہی بری ہوچکے ہیں ۔Tue, 21 May 2013 00:00:00 +0500 http://beta.jang.com.pk/details.asp?nid=94025 http://beta.jang.com.pk/details.asp?nid=94025 کراچی (اسٹاف رپورٹر) معروف اداکارہ ثوبیہ شیخ کی کار کلفٹن کے علاقے سے چوری کرلی گئی، اطلاعات کے مطابق اداکارہ ثوبیہ شیخ کی 2005ء ء ماڈل کی کار AEK-023 کلفٹن تھانے کی حدود توحید کمرشل سے چوری کرلی گئی، واقعہ کی رپورٹ کلفٹن تھانے میں درج کروا دی گئی ہے۔Tue, 21 May 2013 00:00:00 +0500 http://beta.jang.com.pk/details.asp?nid=94026 http://beta.jang.com.pk/details.asp?nid=94026 ایک رپورٹ میں بتایا گیا ہے کہ امریکا میں دماغی بیماریوں کی شرح میں خوفناک حد تک اضافہ ہوگیا ہے۔ نوجوان لڑکے اور لڑکیاں ڈپریشن، مالی خولیا، ذہنی اضطراب اور خودفکری میں مبتلا ہیں جبکہ ان میں خودکشی کا رجحان بھی بڑھتا جارہا ہے۔ وطن عزیز میں عام لوگوں میں یہ تاثر پایا جاتا ہے کہ امریکا میں سب ٹھیک ہے ڈبل ہے استاد، جانے دے والا معاملہ ہے۔ بعض پاکستانی گرین کارڈ کی آس میں امریکا کی مالا جپتے جپتے بوڑھے ہوجاتے ہیں۔ اپنے وطن کی روٹی، بوٹی اور پیلے اسکول کی تعلیم حاصل کرنے کے بعد جب وہ سوچنے سمجھنے کے قابل ہوجاتے ہیں تو ان کی زبان پر ایک ہی نام ہوتا ہے اور صورتحال کچھ اس طرح ہوجاتی ہے #فدا میں کیا میری زندگی کیاکسی کا نام لے کر جی رہا ہوںامریکا کی معاشی مشکلات، اس کے استعماری عزائم اور اب نوجوانوں کی ذہنی حالت دیکھ کر ترس آتا ہے۔ امریکی نوجوان بڑی تعداد میں ذہنی مریض بنتے جارہے ہیں مگر امریکی حکومت ان کی ذہنی صحت کا خیال رکھنے کی بجائے دوسری اقوام کے نوجوانوں کو ذہنی مریض بنانے کی مہم چلا رہی ہے۔ لیکن ہمارا معاملہ کچھ اور ہے #خیر ہم تو کاٹ ہی لیں گے تڑپ کر شام غمہاتھ آئے گا تمہارے ہم کو تڑ پانے سے کیاامریکی نوجوانوں میں ذہنی امراض کو قطعی نظرانداز نہیں کیا جاسکتا۔ یہ تحقیق طلب موضوع ہے۔ ایسا تو نہیں کہ امریکی نوجوان طالبان کے خوف سے ذہنی مریض بن رہے ہوں۔ یا پھر یونیورسٹیوں میں طالبان، افغانستان اور مبینہ اسلامی دہشت گردوں پر تحقیق کرنے والے امریکی نوجوان ذہنی امراض میں مبتلا ہوگئے۔ یہ بھی ممکن ہے کہ حالیہ انتخابات میں پیپلز پارٹی کی شکست کے باعث امریکی نوجوانوں میں خودکشی کا رجحان بڑھ گیا ہے۔ ذہنی امراض میں مبتلا امریکی نوجوانوں کو یہ غلط فہمی بھی ہوسکتی ہے کہ نوازشریف حکومت دراصل طالبان حکومت ثابت ہوگی۔ ان میں ذہنی بیماریوں کی ایک وجہ صدر اوباما کا بلا وجہ مسکراتے رہنا بھی ہوسکتی ہے۔ رپورٹ میں بتایا ہے کہ ذہنی امراض میں مبتلا امریکی نوجوانوں کی اکثریت نو عمر لڑکے اور لڑکیوں پر مشتمل ہے۔ اس عمر میں ہوش کم اور جوش زیادہ ہوتا ہے۔ اگر جذباتی توازن بگڑ جائے تو ذہنی بیماریاں ہی جنم لیتی ہیں۔ ہم ہر چیز کا خوش آئند پہلو دیکھتے ہیں لہذا امریکا میں بڑھتے ہوئے ذہنی امراض کے باعث پاکستانی ماہرین نفسیات کی لاٹری کھل جائے گی۔ میری سوچ کا دائرہ فی الحال محدود ہی ہے لیکن اگر آپ ملت بیضہ (بیضہ انڈے کے معنوں میں نہیں) کا درد دل میں رکھتے ہیں تو آپ عالم اسلام کے ماہرین نفسیات کو بھی امریکا روانہ کرسکتے ہیں۔ ہم بھی اقبال کی طرح اس خیال کے حامی ہیں کہ ارض پاک کی مٹی ذرا نم ہوجائے تو یہ بہت ذرخیز ہے۔ اسی مناسبت سے آپ کی خدمت میں عرض کرتے چلیں کہ #رائیگاں تو نہیں گئی آخرکچھ شہیدوں کے خون کی لالیجلد وہ دن بھی آرہا ہے جبہم منائیں گے یوم خوشحالیایک رات آئے گی کہ ٹی وی پرخوب ڈٹ کر سنیں گے قوالیTue, 21 May 2013 00:00:00 +0500