http://beta.jang.com.pk Get latest and breaking news about Pakistan and World, Sports, Business, visit http://beta.jang.com.pk Tue, 21 May 2013 00:00:00 +0500 en-us http://beta.jang.com.pk/details.asp?nid=93890 http://beta.jang.com.pk/details.asp?nid=93890 http://images.thenews.com.pk/jang/93890_s.jpg اسلام آباد (اے پی پی) وفاقی وزیر اطلاعات و نشریات عارف نظامی نے کہا ہے کہ الیکشن کمیشن کی جانب سے نومنتخب ارکان کے نوٹیفکیشن کے اجراء کے بعد قومی اسمبلی کا اجلاس بلایا جائے گا، نگراں حکومت مقررہ مدت سے ایک لمحہ بھی زائد نہیں رکنا چاہتی، ممکنہ وزیر خزانہ اسحاق ڈار بجٹ بنارہے ہیں جو جون کے پہلے ہفتہ میں آ جائے گا، ذاتی حیثیت میں سمجھتا ہوں کہ الطاف حسین کے بیان کا نگران حکومت کو نوٹس لینا چاہئے۔ پیر کو انفارمیشن سروس اکیڈمی میں سوشل میڈیا کی اہمیت، سرکاری ملازمین کو اس کے استعمال کی مہارت کی افادیت اور حکومتی سطح پر سوشل میڈیا کیلئے پالیسی کی تیاری کے موضوع پر منعقدہ سیمینار کے بعد صحافیوں سے گفتگو کرتے ہوئے انہوں نے کہا کہ میری رائے میں انتخابات کے بعد سرکاری ملازمین کے تقرر اور تبادلوں کی گنجائش نہیں ہو سکتی، یہ تقرر اور تبادلے میری دانست میں بیوروکریسی کے کارندے کر رہے ہیں۔انہوں نے کہا کہ منتخب ارکان کی کامیابی سے متعلق الیکشن کمیشن جیسے ہی نوٹیفکیشن جاری کرے گا اس کے بعد صدر مملکت اسمبلی کا اجلاس بلائیں گے، آئین میں دی گئی متعین مدت میں یہ عمل پورا ہو جائے گا، نگران حکومت اپنی ذمہ داریوں کی بجاآوری کے بعد جلد ا ز جلد ذمہ داری منتخب نمائندوں کے حوالہ کرنا چاہتی ہے۔ بجلی کی لوڈ شیڈنگ سے متعلق سوال پر وزیر اطلاعات نے کہا کہ انتخابات کے تین دن لوڈ شیڈنگ نہیں ہوئی، شدید گرمی کی بناء پر طلب میں اضافہ اور پانی کی کمی کی وجہ سے بجلی کی پیداوار میں کمی ہوئی، وزارت خزانہ کی اپنی حدود ہیں، متوقع حکومت نے اس مسئلہ کو اعلی ترین سطح پر اٹھایا ہے اور منصوبہ بندی کر رہی ہے، غالباً خواجہ آصف وزیر پانی و بجلی ہوں گے، میرے خیال میں نگراں حکومت کو اس وقت اقدامات کرتے ہوئے خواجہ آصف اور ان کی ٹیم سے بھی رائے لینی چاہئے۔ ایک اور سوال پر انہوں نے کہا کہ متوقع وزیر خزانہ اسحاق ڈار بجٹ بنانے میں مصروف عمل ہیں، بجٹ جون کے پہلے ہفتے میں آ جائے گا۔ ایم کیو ایم کے قائد الطاف حسین کے بیان پر نگراں حکومت کی جانب سے نوٹس نہ لینے کے سوال پر وزیر اطلاعات عارف نظامی نے کہا کہ دیگر فریقین اس معاملہ پر پہلے ہی بول رہے ہیں، ذاتی حیثیت میں اگر مجھ سے پوچھیں تو میرے خیال میں اس بیان کا نوٹس لینا چاہئے۔Tue, 21 May 2013 00:00:00 +0500 http://beta.jang.com.pk/details.asp?nid=93891 http://beta.jang.com.pk/details.asp?nid=93891 http://images.thenews.com.pk/jang/93891_s.jpg لاہور( این این آئی)سابق وزیر اعلیٰ پنجاب شہباز شریف نے کہا ہے کہ دھرنے پر بیٹھنے والوں سے کہتا ہوں کہ وہ عوام کا مینڈیٹ مان لیں، ہمیں بھی کئی مقامات پر شکست ہوئی لیکن ہم نے واویلا نہیں کیا، آئندہ پانچ سال کام ،کام اور صرف کام ہو گا‘ عوام نے ہمارے گزشتہ ادوار کی کارکردگی کو دیکھتے ہوئے دوبارہ خدمت کا موقع دیا ہے انشا اللہ انہیں مایوس نہیں کرینگے ۔نو منتخب رکن قومی اسمبلی افضل کھوکھر کی رہائشگاہ پر میڈیا سے گفتگو کرتے ہوئے شہباز شریف نے کہا کہ ہارنے کا یہ مطلب نہیں کہ دھرنے دیئے جائیں اور احتجاج کیا جائے۔ جہاں تحریک انصاف کامیاب ہوئی ہے اسے مبارکباد دیتے ہیں لیکن جہاں اسے شکست کا سامنا کرنا پڑا ہے اسے تسلیم کرنا چاہیے ۔ انہوں نے کہا کہ پنجاب میں نگراں حکومت نے چپڑاسی سے لیکر چیف سیکرٹری تک تبدیل کیا جبکہ اسکے مقابل سندھ میں آصف علی زرداری کے بہنوئی کو ایڈیشنل چیف سیکرٹری کا اضافی چارج دیدیا گیا ،اس سے زیادہ اقربا پروری اور دھاندلی کے منصوبوں کے اور کیا ثبوت ہو سکتے ہیں ۔ انہوں نے کہا ہمارے پاس اب وقت نہیں ہے،آئندہ پانچ سال کام ،کام اورصرف کام ہو گا۔شہباز شریف نے کہا کہ مسلم لیگ (ن) کو ووٹ دینے پر عوام کے مشکور ہیں اور ان کے مسائل حل کرنے کے لئے ہر ممکن طریقہ اختیار کیا جائے گا۔عوام کو درپیش مسائل کے حل کیلئے ہوم ورک کر لیا ہے۔ انشا اللہ حکومت بنتے ہی عملی اقدامات شروع کر دیں گے۔ انہوں نے صدر زرداری کے دورہ لاہور بارے کہا کہ زرداری صاحب شوق سے لاہور آئیں اور جس سے مرضی ملیں کسی کو کوئی اعتراض نہیں۔ انہوں نے کہا کہ مسلم لیگ (ن) کے سربراہ محمد نواز شریف عوام کو درپیش مسائل کے حل کیلئے انتہائی سنجیدہ ہیں اور انہوں نے اپنی ٹیم کو ہدایت کی ہے کہ وہ ان سے نمٹنے کے لئے شبانہ روز محنت کریں اور عملی اقدامات تجویز کریں۔Tue, 21 May 2013 00:00:00 +0500 http://beta.jang.com.pk/details.asp?nid=93892 http://beta.jang.com.pk/details.asp?nid=93892 http://images.thenews.com.pk/jang/93892_s.jpg کراچی(رپورٹ :ابرار بختیار ) افغانستان سے آئندہ برس امریکی فوجی انخلاء کے بعد حکومتی سیٹ اپ میں طالبان کی ممکنہ شرکت کو روکنے طالبان مخالف افغان قوتیں شمالی اتحاد اور کرزئی حکومت میں شامل اہم عناصر سرگرم ہوگئے ہیں پاکستان میں طالبان کے غیر مخالف نواز شریف اور عمران خان کی انتخابی کامیابی سے ان عناصر کی پریشانی بڑھ گئی ہے اور سازشوں میں تیزی آگئی ہے۔Tue, 21 May 2013 00:00:00 +0500 http://beta.jang.com.pk/details.asp?nid=93893 http://beta.jang.com.pk/details.asp?nid=93893 http://images.thenews.com.pk/jang/93893_s.jpg اسلام آباد (محمد صالح ظافر خصوصی تجزیہ نگار) کوئی ہوش مند شخص یہ تسلیم نہیں کرسکتا کہ حالیہ عام انتخابات میں پیپلزپارٹی کی عبرت انگیز شکست پنجاب کے ریٹرننگ افسروں، طالبان کی دھمکیوں، سید یوسف رضا گیلانی اور راجہ پرویز اشرف کی انتخابی مہم کے لئے عدم دستیابی کا شاخسانہ ہے پھر یہ کہنا کہ منصب صدارت میرے پاؤں کی زنجیر تھا جس نے سیاسی اور انتخابی کردار ادا کرنے سے روک رکھا، دراصل سندھ میں ریٹرننگ افسروں نے جو کردار ادا کیا پنجاب میں اسے نقل نہیں کیا گیا۔پیپلزپارٹی کی شکست کی تنہا ذمہ داری اس کی پانچ سالہ عہد اقتدار کی شرمناک کارکردگی اور قصر صدارت کی سرپرستی میں روا رکھی گئی لوٹ مار جس نے ملک کی ساکھ اور اداروں کو تباہ حال کردیا کے سوا کسی دوسرے عنصر پر عائد نہیں کی جاسکتی۔ اس سے بڑھ کر فریب دہی کیا ہوسکتی ہے کہ صدرمملکت ایک مہینے سے زیادہ سمندر کنارے بیٹھ کر سندھ میں اپنی پارٹی کی کامیابی کے لئے اپنے مہروں کی چالیں چلتے رہے اور اس صوبے میں کامیابی کے ”جھنڈے گاڑ“ دیئے جہاں گیارہ دن گزر جانے کے باوجود اس ناقابل یقین کامیابی پر احتجاج اور ماتم جاری ہے، اپنی ناکامیوں کو قومی اور بین الاقوامی سازش سے منسوب کرنا کوئی کم فریب کاری نہیں جس گیس پائپ لائن منصوبے کا حوالہ دیا جارہا ہے اس پر گزشتہ پانچ سال میں ایک قدم کی ٹھوس پیش رفت نہیں ہوئی، ایرانی صدر کے ساتھ چاہ بہار میں تصویری سیشن محض ڈھونگ تھا جس میں کسی معاہدے پر دستخط تک نہیں ہوئے اور پائپ لائن بدستور ایرانی حدود میں رک کر رہ گئی ہے جس میں ایک انچ کی پیش رفت نہیں ہوئی۔ پیپلزپارٹی اور اس کے کارپردازان کے لئے بہترین راہ عمل یہی ہے کہ وہ لکیر پیٹنے اور شام غریباں برپا کرنے کی بجائے نئی حکومت کو کام کرنے دیں اور اس کی راہ میں روڑا بننے کی کوشش نہ کریں تاکہ ماضی کے گند کو صاف کیا جاسکے اور اچھے مستقبل کی بنیاد رکھی جاسکے۔ دوسری جانب مسلم لیگ نون کے سربراہ نے لاہور میں اپنے منتخب ارکان اسمبلی سے خطاب کرتے ہوئے خوبصورت گفتگو کی ہے جس میں تصنع کی آمیزش نہیں تھی یہ خوشگوار ابتداء تھی بشرطیکہ وقت گزرنے کیساتھ ساتھ وہ ا س آموختے کو بھول نہ جائیں۔ انہوں نے ملک کے ذمے قرضے کی بھاری رقوم کا تذکرہ کیا عوام جاننا چاہتے ہیں کہ یہ رقوم کہاں گئیں، ان کا حساب کتاب کون لے گا اگر کوئی لوٹ کر لے گیا ہے تو اسے گردن سے کون پکڑے گا ان کا یہ اعلان خوش آئند ہے کہ حکومت اپنے اخراجات میں تیس فیصد کمی لائے گی پھر سب سے بڑھ کر حکومت کے پہلے سو دن ہی نہیں تیس ایام میں ہی اس کی سمت درست ہونے کا بخوبی انداز ہ ہوجائے گا۔ ان کا یہ انتباہ ہر گز کوئی انکشاف نہیں کہ خزانہ خالی ہے جن لوگوں نے اس خزانے کو چٹ کیا ہے ان کے پیٹ سے دولت کو نکلوانا بھی نئے حکمرانوں کا فرض منصبی ہے۔کوئٹہ سے خبر آئی ہے کہ پاکستان مسلم لیگ نون میں جوق در جوق آزاد ارکان اسمبلی شمولیت اختیار کررہے ہیں پیر کو گزشتہ پانچ سال کے دوران بلوچستان کے وزیر خزانہ رہے رکن اسمبلی نے بھی مسلم لیگ نون میں شمولیت کا اعلان کردیا ہے بدقسمتی سے متذکرہ وزیر خزانہ نے قومی خزانے سے ارکان اسمبلی کے درمیان اربوں روپے سالانہ بنیاد پر تقسیم کئے جنہیں کہیں خرچ ہوتا ہوا دکھائی نہیں دیا گیا۔ ایک روایت کے مطابق سابق اسمبلی کے ارکان نے ان رقوم کو اپنی جیبوں میں ڈال لیا تھا اس تمام تر کے ذمہ دار وزیر خزانہ کومسلم لیگ نون نے اپنی صفوں میں جگہ دی ہے تو اس سے لازماً اب دریافت کرنا ہوگا کہ وہ اربوں کی رقوم کس کے کہنے پر بانٹتے رہے اور اس معاملے میں خود ان کا اپنا کردار کیا رہاہے۔ کراچی سے سیاسی کشیدگی کی دھشت ناک خبریں موصول ہورہی ہیں جہاں تحریک انصاف کی خاتون رہنما کو موت کے گھاٹ اتاردیئے جانے اور پھر قومی اسمبلی کے حلقہ 250/ میں اس کے امیدوار ڈاکٹر عارف علوی کی کامیابی کے تناظر میں فضا تصادم کے لئے ہموار ہورہی ہے۔ تحریک کے سربراہ عمران خان نے خاتون کے قتل کے فوری بعد اس کا الزام متحدہ کے سربراہ الطاف حسین پر عائد کردیا۔ اب یہ عمران خان پر ذمہ داری عائد ہوتی ہے کہ انہوں نے الزام تو عائد کردیا ہے لیکن اس بارے میں ثبوت بھی وہ فراہم کریں۔ انہوں نے ایک نہیں دو مرتبہ الزام کو دھرایا ہے۔ رہنما کی شہادتیں تو ایک طرف اگر خان صاحب کے پاس کوئی ٹھوس شہادت موجود ہے تو انہیں اسے سامنے لانے میں قطعی تاخیر سے کام نہیں لینا چاہئے۔ تحریک انصاف اور متحدہ کے درمیان چپقلش کا دائرہ کراچی سے نکل کر ملک بھر میں پھیل رہاہے ملکی سرحدیں تو یہ پہلے ہی عبور کرچکا تھا۔ عمران خان کے الزام کا جواب دیتے ہوئے متحدہ نے بھی جوابی حملے کئے ہیں جن میں شائستگی کا بھی خون ہواہے انتخابی عمل کے دوران پیدا شدہ گرما گرمی اور درجہ حرارت کو نیچے لانے کے لئے د ونوں طرف کی قیادت کو مدبرانہ کردار ادا کرنا چاہئے جس کا تاحال مظاہرہ نہیں ہوا۔Tue, 21 May 2013 00:00:00 +0500 http://beta.jang.com.pk/details.asp?nid=93894 http://beta.jang.com.pk/details.asp?nid=93894 http://images.thenews.com.pk/jang/93894_s.jpg کوئٹہ (نمائندہ جنگ)بلوچ نیشنل فرنٹ نے بلوچستان کے مختلف علاقوں میں الیکٹرانک و پرنٹ میڈیا کاگزشتہ دو ماہ سے جاری بائیکاٹ ختم کرنے کا اعلان کرتے ہوئے کہا ہے کہ بلوچ قوم کسی انتخابات کا حصہ تھی اور نہ بنے گی ،شکست سے دوچار جماعتوں کی جانب سے احتجاج بی این ایف اور آزادی پسند قوتوں کی طاقت و قوت کو زائل کرنے کی کوشش ہے۔ امید ہے کہ میڈیا بلوچستان میں بلوچ قوم کے خلاف جاری ریاستی ظلم و جبر کو دنیا کے سامنے لانے میں اپنا موٴثر وعملی کردار ادا کرتے ہوئے غیر جانبداری کا ثبوت دے گا۔ ان خیالات کا اظہاربی این ایف کے جنرل سیکرٹری ڈاکٹر عبدالمنان بلوچ نے کوئٹہ پریس کلب میں ٹیلی فونک پریس کانفرنس کے دوران کیا۔انہوں نے کہا کہ پارلیمنٹ کی تمام جماعتیں اور ارکان بلوچ قوم کے خلاف جاری ظلم و جبرمیں ریاست کے معاون ہیں ۔ گیارہ مئی کے انتخابی ڈرامے کی ناکامی نے ریاست اور اس کی حامی پارلیمانی جماعتوں کو حواس باختہ کردیا ہے۔ ان پارلیمنٹ پرست جماعتوں کی جانب سے احتجاج اور ہڑتال درحقیقت بی این ایف اور دیگر آزادی پسند قوتوں کی قوت کو زائل کرنے کی ناکام کوشش ہے ۔انہوں نے کہاکہ بین الاقوامی قوتوں کو اب یہ سمجھ لینا چاہیئے کہ بلوچ قوم کی آزادی کو تسلیم کئے بغیر خطے میں امن و استحکام کا کوئی بھی خواب شرمندئہ تعبیر نہیں ہوسکتا ۔انہوں نے بی این ایف کی جا نب سے بلوچ علاقوں میں الیکٹرانک و پرنٹ میڈیا کے بائیکاٹ ختم کرنے کا اعلان کرتے ہوئے اس امیدکا اظہار کیا کہ میڈیا بلوچستان میں بلوچ قوم کے خلاف جاری ریاستی ظلم و جبر کو دنیا کے سامنے لانے میں اپنا موٴثر وعملی کردار ادا کرتے ہوئے غیر جانبداری کا ثبوت دے گا۔Tue, 21 May 2013 00:00:00 +0500 http://beta.jang.com.pk/details.asp?nid=93895 http://beta.jang.com.pk/details.asp?nid=93895 http://images.thenews.com.pk/jang/93895_s.jpg کراچی(اسٹاف رپورٹر) منگھو پیر سلطان آباد میں واٹر ٹینکر الٹنے سے ٹینکر ڈرائیور ہلاک ہوگیا۔ پولیس کے مطابق پیر کی شب تھانہ منگھو پیر حدود منگھو پیر ، سلطان آباد میں پہاڑی سے ریورس ہونے والا واٹر ٹینکر حادثاتی طور پر الٹ گیا جس کے نتیجے میں ٹینکر ڈرائیور 50 سالہ شبیر حسین ولد عامر حسین ہلاک ہوگیا۔ متوفی نارتھ کراچی کا رہائشی تھا۔ اس کی لاش عباسی اسپتال پہنچائی گئی۔Tue, 21 May 2013 00:00:00 +0500 http://beta.jang.com.pk/details.asp?nid=93896 http://beta.jang.com.pk/details.asp?nid=93896 کراچی(رپورٹ: اطہر جاوید صوفی)حکومت سندھ نے معروف تقسیم کار اور سابق اسٹار سینما کے اونر ذوالفقار رمزی کو چیئرمین سنسر بورڈ نامزد کیا ہے بورڈ میں اداکار ندیم بیگ، اداکارہ زیبا بختیار ،پروڈیوسر منظور قریشی، فلمساز و ہدایت کار سعیدرضوی، ڈاکٹر محمد علی مانجی ، دانیال علی خان، اداکارہ ثانیہ سعید، رمیش مانا، سعید شیراز، حسن زیدی، شامل ہیں جبکہ سرکاری ارکان میں سیکرٹری کلچر سیکرٹری انفارمیشن ISPRکا نمائندہ اور امجد معصومی شامل ہیں۔ دریں اثنا پاکستان فلم ٹی وی جرنلٹس ایسوسی ایشن نے ذوالفقار رمزی کو چیئرمین جبکہ دیگر کو ممبر سنسر بورڈ نامزد ہونے پر مبارکباد دی ہے۔Tue, 21 May 2013 00:00:00 +0500 http://beta.jang.com.pk/details.asp?nid=93897 http://beta.jang.com.pk/details.asp?nid=93897 پشاور (آئی این پی ) پشاور صدر میں ایک تجارتی پلازے میں جنریٹر پھٹنے سے ہونے والے دھماکے میں 11افراد زخمی ہو گئے۔پیر کو پولیس کے مطابق دھما کا فلک سیر نامی پلازہ میں ہوا جس میں زیادہ تر دکانیں الیکٹرانک سامان اور موبائل فون کی ہیں۔جروں کا کہنا ہے کہ انہیں دو ماہ سے دھمکیاں مل رہی تھیں۔ دھماکے کے وقت موبائل مارکیٹ میں خریداروں کا کافی رش تھا۔ دھماکے کی آواز دور دور تک سنی گئی۔ دھماکے سے کئی دکانوں اور قریبی عمارتوں کے شیشے ٹوٹ گئے جبکہ کئی دکانوں کے بیرونی دروازوں کو بھی نقصان پہنچا۔امدادی ٹیموں نے زخمیوں کو اسپتال منتقل کیا۔ انتظامیہ کے مطابق زخمیوں کی حالت خطرے سے باہرہے۔پولیس اور سکیورٹی فورسز نے علاقے کوگھیرے میں لے لیا۔Tue, 21 May 2013 00:00:00 +0500 http://beta.jang.com.pk/details.asp?nid=93898 http://beta.jang.com.pk/details.asp?nid=93898 http://images.thenews.com.pk/jang/93898_s.jpg خار(اے ایف پی/جنگ نیوز )پاکستان کے قبائلی علاقے باجوڑ ایجنسی میں انسداد پولیو کے قطرے پلانے والی ٹیم پر حملے میں ایک لیویز اہلکار شہید ہو گیا ہے جبکہ حملہ آورفرارہوگئے۔ پولیو ٹیم کا عملہ محفوظ رہا ۔دوسری جانب اس واقعے کے باوجودعلاقے میں پولیو کے خلاف قطرے پلانے کی مہم جاری رہی۔باجوڑ سے مقامیانتظامیہ کے اہلکار نے برطانوی نشریاتی ادارے کو بتایا کہ تحصیل ماموند کے علاقہ کلام میں انسداد پولیو کے قطرے پلانے والی ٹیم کی حفاظت کے لیے تعینات لیویز اہلکار کا نام شاد گل تھا جسے نامعلوم مسلح افرادنے فائرنگ کرکے شہید کردیا۔سرکاری عہدیدار نے بتایا کہ اس علاقے میں کچّی آبادیاں ہیں اور مکان دور دور واقع ہیں جب کہ کوئی پختہ سڑک بھی نہیں ہے۔حملہ آوروں نے لیویز اہلکار شاد گل پر فارنگ کی اور موقع سے فرار ہو گئے۔ بہر حال انسدادِ پولیو کے قطرے پلانے والی ٹیم اس حملے میں محفوظ رہی ہے۔حکام کے مطابق باجوڑ ایجنسی میں حالیہ مہم ایک بڑے وقفے کے بعد شروع کی گئی ہے اور اس کے لیے 624 ٹیمیں تشکیل دی گئی ہیں۔ اس مہم کے دوران دو لاکھ 20 ہزار بچوں کو انسداد پولیو کے قطرے پلائے جانا ہے۔اب تک یہ معلوم نہیں ہو سکا کہ یہ مہم جاری رہے گی یا اس معطل کردیا جائیگا۔ اس بارے میں یہاں کے حکام سے رابطہ نہیں ہو سکا۔Tue, 21 May 2013 00:00:00 +0500 http://beta.jang.com.pk/details.asp?nid=93899 http://beta.jang.com.pk/details.asp?nid=93899 کراچی(پ ر)مہاجر قومی موومنٹ (پاکستان) کے وائس چیئرمین شمشاد خان غوری نے کہا کہ مخالفین کی صحافیوں کے ساتھ بدسلوکی سیاسی قتل پر پردہ ڈالنے کی کوشش تھی ۔چیئرمین آفاق احمد کی رہائش گاہ پر آنے والی صحافتی شخصیات سے گفتگو کرتے ہوئے انہوں نے کہا کہ مہاجر قومی موومنٹ مخالفین کے کرتوتوں کو عرصہ دراز سے بے نقاب کرتی چلی آرہی ہے۔ عام انتخابات میں ہونے والی بدترین دھاندلی عوام کے سامنے آچکی ہے جس پر سے توجہ ہٹانے کیلئے ملک توڑنے کی دھمکیاں،صحافیوں اور اپنے ہی لوگوں پر تشدد کیا گیا۔یہ سب کچھ کراچی کی علیحدگی سازش کا حصہ ہے تاکہ عوام و میڈیا میں اتنا خوف پیدا کردیا جائے کہ کوئی آواز بلند کرنے کی ہمت نہ کرسکے ۔انہوں نے مزید کہا کہ ان سنگین حالات میں مہاجر قومی موومنٹ مسلسل مصروف عمل ہے لیکن اب دیگر سیاسی و سماجی قوتوں اور میڈیا کو بھی آگے آنا ہوگا ۔Tue, 21 May 2013 00:00:00 +0500 http://beta.jang.com.pk/details.asp?nid=93900 http://beta.jang.com.pk/details.asp?nid=93900 http://images.thenews.com.pk/jang/93900_s.jpg کراچی (جمشید بخاری/ اسٹاف رپورٹر) جمعیت علمائے اسلام نے مرکز میں مسلم لیگ (ن) کی غیر مشروط حمایت کا فیصلہ کیا ہے۔انتہائی باخبر ذ رائع کے مطابق مجلس عاملہ جے یو آئی بلوچستان کا دباؤ تھا کہ اپوزیشن میں بیٹھا جائے تاہم حزب اختلاف کی جماعتوں کے ساتھ شدید اختلافات کے سبب جے یو آئی کی قیادت نے مسلم لیگ (ن) کی مرکز میں غیرمشروط حمایت کا فیصلہ کیا ہے، ذرائع کے مطابق جے یو آئی حکومت کا حصہ نہیں بنے گی تاہم وہ سرکاری بنچوں پر بیٹھے گی۔ ذرائع کا دعویٰ ہے کہ جے یو آئی حزب اختلاف میں شامل جماعتوں پی پی پی، ایم کیو ایم اور تحریک انصاف کے ساتھ ہم آواز نہیں بننا چاہتی ۔دوسری جانب پختونخوا ملی عوامی پارٹی سمیت دیگر قوم پرست جماعتیں بلوچستان میں جے یو آئی کے ساتھ حکومت میں بیٹھنا نہیں چاہتیں، بلوچ اور پختون قوم پرست جماعتیں جے یو آئی کی حریف ہیں۔جے یو آئی کی مجلس عاملہ کی اکثریت نے مسلم لیگ (ن) کی غیر مشروط حمایت کا فیصلہ کیا ہے اعلان ایک دو روز میں کردیا جائے گا۔ جے یو آئی کی مذاکراتی ٹیم مسلم لیگ (ن) سے نفاذ اسلام کے لیے اقدامات، جمعہ کی چھٹی، سودی نظام کا خاتمہ، امن جرگے کے اعلامیے پر عملدرآمد جیسے مسائل پر مذاکرات کرے گی مذاکرات میں وزارتوں میں حصے سے متعلق کوئی بات نہیں کی جائے گی۔Tue, 21 May 2013 00:00:00 +0500 http://beta.jang.com.pk/details.asp?nid=93901 http://beta.jang.com.pk/details.asp?nid=93901 http://images.thenews.com.pk/jang/93901_s.jpg لاہور (خالد محمود خالد) بھارتی سپریم کورٹ نے فیصلہ دیا ہے کہ اگر کوئی لڑکااور لڑکی شادی کا وعدہ کرنے کے بعد تعلقات قائم کرلیں تو اسے جبری زیادتی قرار نہیں دیا جا سکتا، خواہ ان تعلقات کے قائم ہونے کے بعد حالات کی وجہ سے ان کی شادی نہ ہو سکے، جسٹس بی ایس چوان اور جسٹس دیپک مشرا پر مشتمل دو رکنی بنچ نے یہ فیصلہ سناتے ہوئے کہا کہ عدالت اس بات کا جائزہ لے سکتی ہے کہ کیا شادی کا وعدہ حقیقی ہے یا اس وعدہ کے پیچھے جسمانی تعلقات قائم کرنا اصل مقصد ہے، عدالت نے کہا کہ لڑکے اور لڑکی کی مرضی سے جسمانی تعلقات کو ریپ نہیں قرار دیا جا سکتا اور نہ ہی عدالت ایسے واقعات میں سزا دے سکتی ہے۔Tue, 21 May 2013 00:00:00 +0500