http://beta.jang.com.pk Get latest and breaking news about Pakistan and World, Sports, Business, visit http://beta.jang.com.pk Thu, 23 May 2013 00:00:00 +0500 en-us http://beta.jang.com.pk/details.asp?nid=94668 http://beta.jang.com.pk/details.asp?nid=94668 http://images.thenews.com.pk/jang/94668_s.jpg خیرپور+ سانگھڑ+ ڈگری (بیورو رپورٹ+ نامہ نگاران) الیکشن2013ء میں مبینہ دھاندلیوں کے خلاف اندرون سندھ 10 جماعتی اتحاد کی اپیل پر شٹرڈاؤن ہڑتال کی گئی، احتجاجی مظاہرے و ریلیاں نکالی گئیں، کاروباری و تجارتی مراکز بند رہے، تعلیمی اداروں میں ہونے والے پرچے ہڑتال کے باعث ملتوی کر دیئے گئے، ٹرانسپورٹ معطل ہونے کے باعث مسافروں کو آمدورفت میں مشکلات کا سامنا کرنا پڑا۔ تفصیلات کے مطابق خیرپور میں ہڑتال کی گئی۔ شاہی بازار سمیت تمام چھوٹے بڑے کاروباری مراکز اور پیٹرول پمپ بند رہے جب کہ سڑکوں پر ٹریفک بھی کم رہی۔ ہڑتال کے دوران شہر میں امن و امان قائم رکھنے کے لئے پولیس اور رینجرز شہر کی سڑکوں پر گشت کرتے رہے۔ شہر کی صورتحال کو مانیٹر کرنے کے لئے شہر بھر میں کلوز سرکٹ کیمرے نصب کئے گئے تھے جب کہ شاہی بازار، پنج گلہ چوک اور دیگر حساس مقامات پر پولیس کے خصوصی دستے مقرر کئے گئے تھے۔ سانگھڑ دس جماعتی اتحاد کے زیراہتمام انتخابات میں دھاندلی اور عوامی تحریک کی رہنما غزالہ صدیقی سمیت کارکنوں کے قاتلوں کی عدم گرفتاری کے خلاف احتجاجی مظاہرہ کیا گیا اور دھرنا دیا گیا۔ غزالہ بتول کے قاتلوں کو گرفتار کر کے عبرتناک سزا دی جائے۔ ڈگری میں بدھ کے روز 10 جماعتی اتحاد کی اپیل پر عام انتخابات میں مبینہ دھاندلی کے خلاف مکمل ہڑتال رہی۔ شہر کے تمام کاروباری و تجارتی مراکز بند رہے جب کہ ٹریفک بھی معمول سے بہت کم رہا۔ ہنگورجہ میں مکمل شٹربند ہڑتال کی گئی۔ تمام بازار اور مارکیٹ بند تھے۔ پولیس کی جانب سے سیکورٹی کے سخت انتظامات کئے گئے تھے۔ قومی شاہراہ اور لنک روڈ پر ٹریفک معمول سے کم رہی پریس کلب کے سامنے احتجاج کیاگیا۔ سکرنڈ دس جماعتی اتحاد کی اپیل پر انتخابات میں دھاندلی کے خلاف مکمل ہڑتال کی گئی۔ تمام بازار بند رہے تاہم کوئی ناخوشگوار واقعہ پیش نہیں آیا۔ ٹھری میرواہ انتخابات میں مبینہ دھاندلیوں کے خلاف دس جماعتی اتحاد کی اپیل پر تحصیل ٹھری میرواہ کے شہروں بوزدار وڈا، ہنڈیاری، پیر وسن، سوئی گیس، ٹنڈو میر عالی میں شٹربند ہڑتال کی گئی جب کہ ٹرانسپورٹ بھی مکمل بند رہی جس کے باعث لوگوں کو مشکلات کا سامنا کرنا پڑا۔ شدید گرمی اور حبس میں مسافر سڑکوں پر کھڑے رہے۔ خیرپور ناتھن شاہ 10جماعتی اتحاد کی اپیل پر شٹربند ہڑتال کی گئی جب کہ فنکشنل لیگ اور دیگر قوم پرست تنظیموں کے کارکنوں نے اختر حسین شاہ، غلام مصطفی لغاری، محمد چانڈیو اور دیگر رہنماؤں کی قیادت میں احتجاجی جلوس نکالا اور مظاہرہ کرنے کے بعد دھرنا دیا۔ دریں اثناء ضلعی ہیڈکوارٹر میں بھی شٹرڈاؤن ہڑتال کی گئی اور نواز لیگ کے کارکنوں نے احتجاجی مظاہرہ کرنے کے بعد دھرنا دیا جب کہ اس سے قبل دکانیں بند کرانے کے دوران دو گروہوں میں کشیدگی کے بعد ہوائی فائرنگ کی گئی جس سے خوف و ہراس پھیل گیا اور بھگدڑ مچ گئی۔ جامشورو ضلع بھر میں ہڑتال رہی۔ سندھ یونیورسٹی، مہران یونیورسٹی، لمس یونیورسٹی سمیت تمام ادارے بند رہے جب کہ مہران یونیورسٹی اور سندھ یونیورسٹی سے منسلک تمام کالجز میں ہونے والے ایل ایل بی پارٹ ون اور تھری کے پرچے اور سمسٹر کے پرچے ملتوی کر دیئے گئے۔ ایل ایل بی پارٹ ون اور تھری کے پرچے اب26 مئی کو ہوں گے۔ نصرپور اور گردونواح میں10 جماعتی اتحاد کی کال پر انتخابی دھاندلیوں کے خلاف شٹرڈاؤن اور پہیہ جام ہڑتال کی گئی اس موقع پر گاؤں بھاؤ خان پٹھان، پالی جانی، محب پلیجو، اڈیرو لال اسٹیشن سمیت دیگر علاقوں میں دکانیں اور کاروباری مراکز بند رہے جب کہ رابطہ سڑکوں پر پبلک ٹرانسپورٹ سروس نہ ہونے کے باعث لوگوں کو آمدورفت میں تکلیف اٹھانی پڑی۔ پڈعیدن، بھریا روڈ، بھریا سٹی و دیگر علاقوں میں مکمل شٹرڈاؤن ہڑتال کی گئی۔ تمام کاروبار، تجارتی مراکز بند رہے۔ ٹنڈوباگو انتخابات میں مبینہ دھاندلی کے خلاف10 جماعتی اتحاد کی اپیل پر ٹنڈوباگو، پنگریو، ڈیہی، ملکانی شریف میں مکمل ہڑتال کی گئی۔ اس موقع پر تمام کاروباری مراکز بند رہے جب کہ سڑکوں پر جزوی طور پر ٹریفک معطل رہی۔ ٹنڈو الہ یار 10 جماعتوں کے اتحاد کی اپیل پر ٹنڈو الہ یار اور اس کے گردونواح میں مکمل شٹرڈاؤن ہڑتال، ٹریفک معمول سے کم۔ تفصیلات کے مطابق پیپلزپارٹی کی الیکشن میں مبینہ دھاندلیوں کے خلاف دس جماعتی اتحاد کی اپیل پر ٹنڈو الہ یار اور اس کے گردونواح چمبڑ، نصرپور، جھنڈو مری میں مکمل شٹرڈاؤن ہڑتال رہی۔ تمام چھوٹے بڑے کاروباری مراکز اور دکانیں بند رہیں۔کوٹری ہڑتال کی اپیل پر کوٹری میں شٹر ڈاؤن ہڑتال کی گئی اور تمام تر کاروبار بند رہا پولیس اور رینجرز کی جانب سے کسی بھی رونما ہونے والے ناخوشگوار واقعے سے نمٹنے کیلئے خصوصی انتظامات دیکھنے میں آئے۔Thu, 23 May 2013 00:00:00 +0500 http://beta.jang.com.pk/details.asp?nid=94669 http://beta.jang.com.pk/details.asp?nid=94669 http://images.thenews.com.pk/jang/94669_s.jpg گھارو (نامہ نگار) گھارو شہر کو پانی فراہم کرنے والی لائن پھٹ جانے سے شہر کو پانی کی فراہمی معطل ہوگئی۔ مرمت میں 24 سے 36 گھنٹے لگ سکتے ہیں۔ شہری پانی کے حصول کے لئے سخت پریشان۔ تفصیلات کے مطابق گزشتہ رات کراچی واٹر اینڈ سیوریج بورڈ کے گھارو پمپ ہاؤس سے گھارو شہر کو پانی فراہم کرنے والی پائپ لائن پھٹ گئی جس کے باعث شہر کو پانی کی فراہمی معطل ہوگئی۔ یاد رہے کہ گھارو شہر میں گزشتہ کچھ عرصے سے پانی کا بحران شدت اختیار کرچکا ہے۔ اس کی بڑی وجہ خستہ حال واٹر سپلائی لائنیں بڑھتی ہوئی آبادی کے لئے منصوبہ بندی نہ ہونا اور جس مقدار میں پانی فراہم ہو رہا ہے۔ اس کی غیر منصفانہ تقسیم ہے بعض علاقوں میں پانی اس حد تک فراہم ہوتا ہے کہ ٹنکیاں بھر کر پانی باہر گرتا رہتا ہے جبکہ اکثریتی علاقوں کے عوام پانی کی بوند بوند کو ترس رہے ہیں شہری حلقوں نے مطالبہ کیا ہے کہ گھارو شہر میں پانی کی منصفانہ تقسیم کے ساتھ ساتھ فراہمی آب کے نظام کو بہتر بنایا جائے۔Thu, 23 May 2013 00:00:00 +0500 http://beta.jang.com.pk/details.asp?nid=94670 http://beta.jang.com.pk/details.asp?nid=94670 http://images.thenews.com.pk/jang/94670_s.jpg تلہار (نامہ نگار) بدین ضلع کو کاشت کاری اور پینے کیلئے پانی فراہم کرنے کیلئے کوٹری بیراج سے نکلنے والی اکرم واہ نہر‘ پنیاری نہر‘ گونی پھلیلی نہر میں پانی کی شدید قلت کے باعث بدین ضلع میں ہزاروں ایکڑ رقبے پر ربیع کی کاشت کی گئی فصلیں سوکھ کر تباہ ہورہی ہیں۔ مذکورہ نہروں کے اپر کے بااثر زمینداروں نے مشینوں اور پھٹوں کے ذریعہ پانی کو غیر قانونی طریقوں سے روک کر پانی چوری کرکے ٹیل میں پانی کی سپلائی روک کر اپنی زمینیں آباد کررہے ہیں۔ بااثر زمینداروں اور محکمہ انہار کے عملے کی ملی بھگت اور پانی کی چوری کے باعث بدین ضلع کی ٹیل میں 32 لاکھ ایکڑ اراضی پر کھڑی کپاس گنا‘ دھان اور سبزیوں کی فصلیں سوکھ کر تباہ ہورہی ہیں۔ پانی کی شدید قلت کے باعث مذکورہ نہروں کی شاخوں میں مٹی اڑ رہی ہے۔ بدین ضلع کے ساحلی علاقے کو سیراب کرنے والی اکرم واہ ڈویژن کے میرواہ اور قاضیہ نہر کی ٹیل میں گزشتہ ایک ماہ سے پانی کی شدید قلت کے سبب سندھ کے قدیمی تخت گاہ کا علاقہ روپا ماڑی‘ گولا مندروب گڑا میمن‘ گاجی ملاح‘ بڈمی‘ علی بندر‘ حاجی حجام گاؤں سمیت سیکڑوں گاؤں میں پینے کے پانی کی قلت بڑھ رہی ہے۔ ان علاقوں میں ہزاروں ایکڑ زرعی زمینوں پر کھڑی فصلیں جن میں کپاس‘ سورج مکھی‘ جنتر (چارے) مکئی‘ ٹماٹر کی فصلیں شامل ہیں‘ سوکھ کر تباہ ہورہی ہیں۔ ساحلی علاقے میں پانی کی شدید قلت کے باعث گاؤں کے لوگ جن میں خواتین بھی شامل ہیں، کئی کئی میل پیدل چل کر پینے کا پانی بھر کر لانے پر مجبور ہیں۔ زیر زمین پانی کڑوا ہونے کی وجہ سے گاؤں میں لگے ہینڈ پمپوں کا پانی بھی کڑوا ہوگیا ہے۔ پیپلز پارٹی کے سابقہ دور حکومت میں بدین ضلع کی ساحلی پٹی میں اکثر پانی کی شدید قلت کے باعث لاکھوں لوگوں کو پینے کا صاف پانی مہیا کرنے کیلئے زیر زمین کڑوے پانی کو میٹھا بناکر لوگوں کو مہیا کرنے کیلئے بدین ضلع کی ساحلی پٹی میں ڈھائی کروڑ روپے کی لاگت سے 22 فلٹر پلانٹ لگائے گئے جس کا ٹھیکہ ایک بااثر شخصیت کو دیا گیا۔ وہ فلٹر پلانٹ 3 سال تک اس ٹھیکیدار فرم کو چلانے تھے بعد میں وہ پلانٹ ضلعی انتظامیہ کے حوالے کرنے تھے لیکن وہ 22 فلٹر پلانٹ پیپلز پارٹی کے 5 سال کے دور میں ساحلی پٹی کے دیہات کو ایک بوند پانی بھی نہ دے سکیں۔ 5 برسوں میں ایک گھنٹے کیلئے بھی ان فلٹر پلانٹوں کو نہیں چلایا گیا۔Thu, 23 May 2013 00:00:00 +0500 http://beta.jang.com.pk/details.asp?nid=94671 http://beta.jang.com.pk/details.asp?nid=94671 http://images.thenews.com.pk/jang/94671_s.jpg خیرپور (بیورو رپورٹ) الیکشن سے ایک روز قبل کوٹڈیجی کے علاقے سے اغواکئے گئے مسلم لیگ فنکشنل کے رہنما محبوب راجپر اور ان کے دو ساتھیوں اوشاق علی ببراور سومر ببر کا پتہ نہیں چل سکا جس کی وجہ سے مغویوں کے گھروں میں کہرام مچا ہوا ہے اغوا کے واقعے کو 12روز گزر جانے کے باوجود کسی ڈاکو گروہ نے مغویوں کی رہائی کے لیے تاوان کے لیے رابطہ نہیں کیا جس کی وجہ سے مسلم لیگ فنکشنل اور مغویوں کے رشتے داروں میں زیادہ مایوسی پھیل گئی ہے مسلم لیگ فنکشنل کے رہنما اور راجپر برادری کے بااثر زمیندار رئیس محبت خان راجپر نے صحافیوں کو بتایا کہ محبوب راجپر اور ان کے ساتھیوں کو سیاسی مخالفت کی وجہ سے اغوا کیا گیا ہے انہوں نے کہا کہ اغوا کے واقعے کی اعلیٰ سطحی انکوائری کرائی جائے اور مغویوں کی بازیابی کے لیے سرکاری مشینری برائے کار لائی ہے۔Thu, 23 May 2013 00:00:00 +0500 http://beta.jang.com.pk/details.asp?nid=94672 http://beta.jang.com.pk/details.asp?nid=94672 http://images.thenews.com.pk/jang/94672_s.jpg پڈعیدن( نامہ نگار) نوشہرو فیروز بائی پاس کے مقام پر کراچی سے پنجاب جانے والی تیز رفتار مسافر بس نے ڈیوٹی پر تعینات سی آئی اے کے پولیس اہلکار محمد موسیٰ منگھاڑ کو کچل دیا جس سے وہ موقع پر جاں بحق ہو گیا۔ اطلاع پر پولیس نے پہنچ کر لاش تحویل میں لیکر اسپتا ل پہنچائی اور مسافر بس کو تحویل میں لے لیا جبکہ ڈرائیور فرار ہونے میں کامیاب ہو گیا۔ جاں بحق پولیس اہلکار کی میت آبائی گاؤں منگھار روانہ کر دی گئی لاش گھر پہنچنے پر کہرام مچ گیا۔Thu, 23 May 2013 00:00:00 +0500 http://beta.jang.com.pk/details.asp?nid=94673 http://beta.jang.com.pk/details.asp?nid=94673 شہداد کوٹ( نامہ نگار) بہرام تھانہ کا ہیڈ محرر ضمیر گوپانگ ایک پولیس کانسٹیبل قربان کھوکھر کے ہمراہ پولیس کی گاڑی میں گشت کر رہا تھا کہ قمبر شہداد کوٹ مین روڈ کے باسط بروہی علاقے میں پہنچنے پر گھات لگائے بیٹھے ڈاکوؤں نے ان پر اندھا دھند فائرنگ شروع کر دی جس کے نتیجے میں قمبر گوپانگ شدید زخمی ہو گیا جسے انتہائی تشویشناک حالت میں لاڑکانہ لے جایا گیا جبکہ پولیس کانسٹیبل معمولی زخمی ہوا۔ پولیس اہلکاروں کی جوابی فائرنگ سے ڈاکو فائرنگ کرتے ہوئے فرار ہوگئے اطلاع ملنے پر ایس ایس پی کی ہدایت پر پولیس نے ضلع بھر میں ناکہ بندی کی اور ڈاکوؤں کا تعاقب بھی کیا لیکن آخری اطلاعات تک پولیس کو اس سلسلے میں کوئی کامیابی نہیں ہوئی۔Thu, 23 May 2013 00:00:00 +0500 http://beta.jang.com.pk/details.asp?nid=94674 http://beta.jang.com.pk/details.asp?nid=94674 http://images.thenews.com.pk/jang/94674_s.jpg تلہار + بدین + ٹنڈو باگو (نامہ نگاران) طوفان نے مختلف شہروں اور دیہاتوں میں نظام زندگی درہم برہم کردیا۔ درجنوں کچے مکانات کی چھتیں اڑ گئیں اور بجلی کے پول گر گئے۔ تیار فصلوں کو شدید نقصان پہنچا۔ تفصیلات کے مطابق تلہار: گولارچی سیرانی بگھڑا میمن زیرو پوائنٹ ساحلی پٹی کڈھن لواری شریف کھوسکی شادی لارج ٹنڈو باگو تلہار پیرو لاشاری اور ماتلی میں مسلسل 15 دنوں سے چلنے والی تیز ہواؤں کے ساتھ مٹی کے طوفان سے بجلی کے کھمبے گر گئے اور کھڑی فصلوں کو نقصان اور کئی مکانوں کی چھتیں اڑ گئیں۔ آبادگاروں کو کروڑوں روپے کا نقصان کا سامنا کرنا پڑا۔ تیز ہواؤں سے آم کے باغات کو بھی نقصان ہوا جس کی وجہ سے آم 80 روپے کلو فروخت ہونے لگے۔ بجلی کے کھمبے گرنے کی وجہ سے سیکڑوں گاؤں کی بجلی منقطع ہو گئی۔ کاروباری زندگی مفلوج ہو گئی۔ بدینمیں مٹی کے طوفان نے نظام زندگی درہم برہم کردیا۔ تیز طوفانی ہواؤں کے ساتھ اڑنے والی مٹی نے دیہی و ساحلی علاقوں میں درجنوں کچے مکانات کی چھتیں اڑادیں جبکہ شہری علاقوں میں بھی دکانوں کے شیڈز اور چھپرے اڑگئے۔ ضلع بدین میں موسم اچانک تبدیل ہوگیا ہے اور کل تک جو علاقے چلچلاتی گرمی سے تپ رہے تھے وہ آج تیز طوفائی گرد آلود ہواؤں کی زد میں ہیں، بعض علاقوں میں تیز گرد آلود ہواؤں نے مٹی کے طوفان کی شکل اختیار کرلی ہے، جہاں تیز ہواؤں کے ساتھ اڑنے والی مٹی کی شدت اتنی ہے کہ نظر کی حد زیرو ہو گئی ہے۔ ساحلی علاقوں میں تیز طوفانی گرد آلود ہواؤں کے سبب متعدد دکانوں کے چھپرے اور شیڈز بھی اڑ گئے ہیں جبکہ سورج مکھی کی فصل کو بھی نقصان پہنچا ہے۔ تیز طوفانی گرد آلود ہواؤں کے نتیجے میں شہری، دیہی اور ساحلی آبادیوں میں زندگی کے معمولات بری طرح متاثر ہوکر رہ گئے ہیں۔ ٹنڈو باگو اور گرد و نواح کے شہروں میں دیہاتی علاقوں میں مٹی کے تیز طوفان کے باعث روزمرہ کی زندگی اور کاروبار بری طرح متاثر ہوا ہے۔ مٹی کے طوفان کے باعث دکانوں کے چھپڑے اڑ گئے اور سائن بورڈ بھی گر گئے ہیں۔ ہزاروں ایکڑ زرعی رقبے پر کھڑی فصلیں مرچ، کپاس، سورج مکھی اور گنے کی فصلوں کو بھی مٹی کے طوفان سے نقصان ہوا ہے جبکہ آم کے باغات میں درختوں میں لگے آم بھی زمین پرگر گئے ہیں جس کے باعث آم کے باغات کے مالکان کو مالی نقصان ہوا ہے۔ سڑکوں پر چلنے والی ٹریفک کی روانی بھی شدید متاثر ہو رہی ہے۔Thu, 23 May 2013 00:00:00 +0500 http://beta.jang.com.pk/details.asp?nid=94675 http://beta.jang.com.pk/details.asp?nid=94675 سجاول + نصرپور + ہنگورجہ (نامہ نگاران) گرمی کی شدت اور طویل لوڈشیڈنگ کا سلسلہ برقرار ہے۔ غیراعلانیہ لوڈشیڈنگ سے تنگ آئے شہری سڑک پر نکل آئے۔ سجاول میں شہریوں کا دھرنا۔ گرمی اور لوڈشیڈنگ کے ساتھ علاقوں میں پینے کے پانی کی قلت ہوگئی ہے۔ کاروبار ٹھپ ہو گیا ہے۔ طلبہ وطالبات پریشان ہیں۔ ٹھنڈے پانی مشروبات اور برف کی قیمتوں میں اضافہ ہو گیا ہے۔ تفصیلات کے مطابق سجاول میں روزانہ بجلی کی 18 سے 20 گھنٹے لوڈشیڈنگ کے خلاف شہریوں نے دھرنا دیا۔ دھرنے کے باعث سجاول بدین روڈ دو گھنٹے بلاک رہی۔ مسافروں کو تکلیف کا سامنا کرنا پڑا۔ دھرنے سے خطاب کرتے ہوئے شہری اتحاد کے رہنماؤں ڈاکٹر ہوت چند، عطاء اللہ میمن اور یونس بھان نے کہاکہ سجاول میں غیراعلانیہ بجلی کی لوڈشیڈنگ نے عوام کا جینا دوبھر کر دیا ہے۔ ایس ڈی او حیسکو سجاول کی نااہلی کی وجہ سے لوڈشیڈنگ کا شیڈول بھی جاری نہیں کیا جا رہا اور کچھ بااثر افراد کے ہیوی مشینری استعمال کرنے کے باعث شہر کے ٹرانسفارمر ناقص بن گئے ہیں جن کے خلاف کارروائی کی جائے انہوں نے مطالبہ کیا کہ نومنتخب عوامی نمائندوں کو عوام کے احتجاج میں شرکت کرنا چاہئے۔ نصرپور اور قرب وجوار میں شدید گرمی کے سبب لوگ بلبلا اٹھے جبکہ شہر میں بجلی کی لوڈشیڈنگ کے باعث لوگ گھروں سے نکل آئے احتجاج کرتے ہوئے صحافیوں سے کہا کہ بجلی کی لوڈشیڈنگ میں روزبروز اضافہ کے سبب شہر میں پینے کے پانی کا بحران ہو گیا ہے یہاں تک کہ مسجدوں میں نمازیوں کے وضو کیلئے پانی نہیں ہے۔ انہوں نے حکام سے لوڈشیڈنگ ختم کرنے کا مطالبہ کیا ہے۔ سانگھڑ اور ملحقہ علاقوں میں گرمی کی شدت میں اضافہ ہو گیا ہے اس پر مستزاد یہ کہ حیسکو نے دیہاتوں میں 18 گھنٹے جبکہ شہروں میں 12 گھنٹے کی لوڈشیڈنگ کر دی ہے جس سے نہ صرف لوگوں کے معمولات زندگی شدید متاثر ہوئے ہیں بلکہ بے حال لوگوں کیلئے وقت گزارنا مشکل ہو گیا ہے۔ شدید گرمی کے باعث کاروبار ٹھپ ہو کر رہ گئے ہیں۔ ہنگورجہ رسول آباد، بچل بھنبھرو اور گردونواح میں بجلی کی لوڈشیڈنگ روزانہ 18 گھنٹے تک پہنچ گئی ہے صنعتیں اور کاروبار شدید متاثر ہو رہا ہے۔ گیارہویں بارہویں جماعت کے امتحانات میں طلبہ وطالبات کو بھی شدید مشکلات کا سامنا ہے۔ گرمی کی شدت برقرار ہے جس کی وجہ سے لوگ بے حال ہو گئے۔ ٹھنڈے مشروبات کے استعمال میں کئی گنا اضافہ ہو گیا ہے۔ سیاسی سماجی تنظیموں نے مطالبہ کیا ہے کہ غیراعلانیہ لوڈشیڈنگ پر قابو پایا جائے۔ ٹھری میرواہ گردونواح میں شدید گرمی کے ساتھ ساتھ حیسکو نے بھی بجلی کی بدترین لوڈشیڈنگ میں اضافہ کر دیا ہے تحصیل ٹھری میرواہ کے چھوٹے بڑے شہروں اور دیہی علاقوں میں لوڈشیڈنگ کے باعث عوام کو شدید گرمی میں سخت مشکلات کا سامنا کرنا پڑ رہا ہے اور شدید گرمی کی لہر برقرار ہے جبکہ بجلی کی 16 سے 20 گھنٹے کی لوڈشیڈنگ نے عوام کی زندگی اجیرن کر دی ہے۔ مٹھی صحرائے تھرپارکر کے گردونواح اور تحصیل چھاچھرو میں حالیہ شدید گرمی کے سبب بڑوں میں دست الٹی اور اسہال کی بیماری کے سبب مریضوں کو تھر کے مختلف اسپتالوں میں داخل کیا گیا۔ خیرپور ناتھن شاہ پیپکو کی جانب سے 14 سے 16 گھنٹے بجلی کی غیر اعلانیہ لوڈشیڈنگ کا سلسلہ جاری ہے۔ دریں اثناء شدید گرمی کی وجہ سے گیسٹرو، خسرہ اور پیٹ کی بیماریوں میں مبتلا مریضوں کی تعداد بڑھ رہی ہے جبکہ بورڈ کے سالانہ امتحانات کے دوران امتحانی مرکز میں طلبہ وطالبات کو شدید مشکلات کا سامنا کرنا پڑا۔ٹنڈوباگو اور گردوونواح کے علاقے میں بجلی کی 20گھنٹے کی غیراعلانیہ لوڈشیڈنگ کے خلاف انسانی حقوق کمیشن کے مقامی رہنما ڈاکٹر دوست محمد چانڈیو کی قیادت میں شہریوں اور دیگر سماجی و سیاسی تنظیموں کے کارکنوں نے اللہ والا چوک پر احتجاج کرتے ہوئے دھرنا دیا دھرنے کے باعث ٹریفک معطل ہوگئی دھرنے کے شرکاء نے بعدازاں ریلی نکالی۔پڈعیدن میں درجہ حرارت 48ڈگری ریکارڈکیا گیا کاروبارزندگی مفلوج رہا۔Thu, 23 May 2013 00:00:00 +0500 http://beta.jang.com.pk/details.asp?nid=94676 http://beta.jang.com.pk/details.asp?nid=94676 http://images.thenews.com.pk/jang/94676_s.jpg خیرپور (نامہ نگار) مطابق دریائے سندھ میں پانی کی شدید کمی ہوگئی ہے جس کی وجہ سے محکمہ آبپاشی نے خیرپور کی نہروں میں وارہ بندی کر دی ہے محکمہ انہار کے ذرائع کے مطابق نہروں میں وارہ بندی کے تحت خیرپور ایسٹ ڈویژن کی نہریں 29مئی تک بند کر دی گئی ہیں جبکہ 29مئی سے 6جون تک خیرپور ویسٹ ڈویژن کی نہروں میں پانی بند کیا جائے گا دریائے سندھ میں پانی کی کمی اور خیرپور کی نہروں میں وارہ بندی کرنے سے خیرپور ضلع میں کپاس کے فصل کی کاشت سخت متاثر ہونے کا خطرہ ہے سندھ آباد گار بورڈ کے ذرائع کے مطابق خیرپور ضلع میں 15لاکھ ایکڑ سے زائد اراضی پر کپاس کی فصل کاشت کی جاتی ہے دریائے سندھ میں پانی کی کمی ختم نہیں ہوئی تو کپاس کی فصل کی کاشت کا ٹارگٹ پورا نہیں ہوگا جس سے کپاس کا بحران پیدا ہوجائے گا اس لیے سندھ حکومت فوری طور پر پنجاب حکومت سے رابطہ کر کے سندھ کی فصلوں کے لیے پانی حاصل کرے تاکہ زرعی معیشت کو تباہ ہونے سے بچایا جاسکے ۔Thu, 23 May 2013 00:00:00 +0500 http://beta.jang.com.pk/details.asp?nid=94677 http://beta.jang.com.pk/details.asp?nid=94677 ہنگورجہ (نامہ نگار) 22 روز قبل ہنگورجہ سے اغوا دو نوجوانوں کی عدم بازیابی کے خلاف نوجوان میمن جماعت اور جسقم کے کارکنوں نے علی عثمان میمن، کرم سامیٹو، یوسف میمن اور دیگر کی قیادت میں پنجہٹی بازار سے قومی شاہراہ تک احتجاجی ریلی نکالی۔ رہنماؤں نے کہا ہنگورجہ سے اغوا دو نوجوانوں محمد ہاشم میمن اور عدنان میمن کو اغوا ہوئے 22 دن ہوگئے ہیں لیکن پولیس اور انتظامیہ مغویوں کی بازیابی کیلئے کوئی مدد نہیں کر رہی۔ انہوں نے کہا کہ مغویوں کے ماں باپ سخت بیمار ہیں ان کے گھروں میں کہرام بپا ہے۔ انہوں نے کہا پولیس صرف جھوٹے وعدے کر رہی ہے۔ انہوں نے مغویوں کی جلد بازیابی کا مطالبہ کیا۔Thu, 23 May 2013 00:00:00 +0500 http://beta.jang.com.pk/details.asp?nid=94678 http://beta.jang.com.pk/details.asp?nid=94678 لاڑکانہ (بیورو رپورٹ) واپڈا ہائیڈرو الیکٹرک سینٹرل لیبر یونین کے سربراہ عبداللطیف نظامانی نے کہا ہے کہ واپڈا میں کام کرنے والے مزدوروں کی فتح کا دن آپہنچا ہے اور پورے ملک میں واپڈا کی نج کاری کا کوئی منصوبہ زیر غور نہیں ہے۔ وہ پیر کو عبداللطیف نظامانی لیبر ہال میں ہائیڈرو الیکٹرک سینٹرل لیبر یونین کے زیراہتمام ایک بہت بڑے جلسے سے خطاب کر رہے تھے۔ انہوں نے کہا کہ یونین کی جدوجہد کے نتیجے میں واپڈا ملازمین کے بچوں کو ملازمتیں فراہم کی گئیں اور اسی جدوجہد کا ثمر ہے کہ واپڈا ملازمین کے کنوینس الاؤنس میں بھی اضافہ کیا گیا ہے۔ انہوں نے کہا کہ واپڈا ہائیڈرو الیکٹرک سینٹرل لیبر یونین نے ہمیشہ واپڈا ملازمین کی بے لوث خدمت ہے اور آج ایک بار پھر اس کی مقبولیت میں غیر معمولی اضافہ ہوا ہے۔ انہوں نے ملازمین پر زور دیا کہ وہ منفی پروپیگنڈہ کرنے والوں کو بتادیں کہ واپڈا ہائیڈرو الیکٹرک سینٹرل لیبر یونین آج بھی اسی طرح متحد اور منظم ہے جیسی کہ وہ ماضی میں تھی اور 29مئی کو ایک بار پھر اپنے اتحاد اور اتفاق سے مزدور دشمنوں کے دانت کھٹے کر دے گی۔ قبل ازیں جلسے سے قربان علی جتوئی، نثار شیخ ، اقبال احمد قائم خانی، خالد چانڈیو اور دیگر رہنماؤں نے بھی خطاب کیا۔ اس موقع پر واپڈا ملازمین نے یونین کی حمایت میں زبردست نعرے لگائے۔Thu, 23 May 2013 00:00:00 +0500 http://beta.jang.com.pk/details.asp?nid=94679 http://beta.jang.com.pk/details.asp?nid=94679 ٹھری میرواہ (نامہ نگار) شہر سے مبینہ طور پر اغوا ہونے والی شادی شدہ خاتون پرھا کو پولیس ابھی تک بازیاب نہیں کراسکی ہے۔ جوگی اور شر برادری میں کشیدگی، گاؤں علی داد جوگی اور گاؤں ملوک شر پر دونوں گروپوں کی جانب سے ایک دوسرے پر اندھا دھند فائرنگ کی گئی۔ گولیاں لگنے سے جوگی برادری کے دو افراد سہیل جوگی اور نثار جوگی زخمی ہو گئے جن کا کراچی کے اسپتال میں علاج جاری ہے جبکہ گاؤں ملوک شر میں ایک دیہاتی شریف شر کے گھر کو آگ لگا دی گئی۔ جبکہ ٹھری میرواہ شہر گزشتہ پانچ روز سے مکمل طور پر بند اور کاروبار بھی بند رہا۔ علاقے میں خوف وہراس کی صورتحال ہے شہر کے مختلف چوراہوں پر رینجرز اور پولیس کی بھاری نفری مقرر کر دی گئی ہیں۔ شہر میں گزشتہ پانچ روز سے ہڑتال کے باعث اور شہر بند ہونے کے باعث شہریوں کے پاس کھانے پینے کی اشیاء کی قلت ہو گئی ہے اور شہری گھروں تک محدود ہو گئے ہیں۔ جوگی برادری کی جانب سے عبدالوہاب جوگی کی فریاد پر شر برادری کے 22/افراد کے خلاف خاتون اور ان کی 9 سالہ بیٹی کے اغوا اور لوٹ مار کا مقدمہ ٹھری میرواہ تھانے پر درج کیا گیا ہے۔Thu, 23 May 2013 00:00:00 +0500 http://beta.jang.com.pk/details.asp?nid=94680 http://beta.jang.com.pk/details.asp?nid=94680 خیرپور (بیورو رپورٹ) فیض گنج میں بد امنی کے خلاف مختلف تنظیموں کی جانب سے احتجاجی ریلی نکالی گئی اور مہران نیشنل ہائی وے پر دھرنا دیا گیا احتجاجی ریلی اور دھرنے کی قیادت ارشاد علی پاتو، پیرل پاتو، امین راجپر اور نثار راجپر کر رہے تھے فیض گنج ریلی میں گوٹھ حسین پاتو ، گوٹھ بسیرو، کرونڈی اور دیگر علاقوں کے سینکڑوں افراد جلوسوں کی صورت میں شریک ہوئے تھے بعد ازاں انہوں نے مہران نیشنل ہائی وے پر پہنچ کر ہائی وے کو بند کیا جس کی وجہ سے سکھر ، خیرپور، نواب شاہ، نوشہرو فیروز اور دیگر علاقوں کی طرف جانے والا ٹریفک بند ہوگیا ریلی و دھرنے کے قائدین نے اس موقع پر کہا کہ فیض گنج بد امنی کا شکار ہوگیا ہے ڈاکو عوام کو دن دھاڑے لوٹ رہے ہیں اسکول جانے والے طلبہ بھی لوٹے جارہے ہیں فیض گنج تحصیل کے لوگ بد امنی کی وجہ سے مایوسی کا شکار ہوگئے ہیں انہوں نے کہا کہ سڑکوں پر ڈاکو راج ختم کرنے کے لیے علاقے میں ہنگامی بنیادوں پر سرچ آپریشن کیا جائے اور بلاامتیاز ڈاکو گروہوں کے خلاف کاروائی کر کے امن کرایا جائے۔Thu, 23 May 2013 00:00:00 +0500 http://beta.jang.com.pk/details.asp?nid=94681 http://beta.jang.com.pk/details.asp?nid=94681 نوابشاہ (بیورو روپورٹ) جوڈیشل مجسٹریٹ نے تھانے پر چھاپہ مار کر ایک شخص کو بازیاب کرالیا، جوڈیشنل مجسٹریٹ نے بی سیکشن تھانے پر چھاپہ مار کر ایک شخص کو بازیاب کرالیا ۔Thu, 23 May 2013 00:00:00 +0500 http://beta.jang.com.pk/details.asp?nid=94682 http://beta.jang.com.pk/details.asp?nid=94682 محراب پور (نامہ نگار) وارڈ نمبر 15 میں ایک شخص عبدالغفار موجائی نے پستول سے فائرنگ کرکے خودکشی کرلی جس کی وجہ یہ بتائی گئی ہے کہ اس کے سسرال والے اسکی بیوی کو زبردستی اپنے گھر لے گئے تھے۔Thu, 23 May 2013 00:00:00 +0500 http://beta.jang.com.pk/details.asp?nid=94683 http://beta.jang.com.pk/details.asp?nid=94683 پڈعیدن (نامہ نگار) بازید بروھی میں اچانک آگ لگنے سے طالب شر، چھلن شر کا گھر جل کر خاکستر، گھر میں موجود 50 من گندم، فرنیچر، بستر دیگر قیمتی سامان جل گیا علاوہ ازیں ٹھارو شاہ کے قریب گوٹھ علی خان سولنگی میں اچانک آگ بھڑک اٹھی جس کے نتیجے میں شہمیر سولنگی، غلام نبی، فقیر سومرو، نثار احمد، محرم علی سامانو سولنگی، شبیر سولنگی کے گھروں کو آگ نے لپیٹ میں لے لیا جس کے باعث گھروں میں موجود گندم، فرنیچر، گھریلو سامان خاکستر ہوگیا۔ متاثرین نے اپنی مدد آپ کے تحت امدادی کارروائیاں کرکے آگ پر قابو پالیا گیا متاثرین کا ضلع انتظامیہ سے فوری مالی امداد کا مطالبہ۔Thu, 23 May 2013 00:00:00 +0500 http://beta.jang.com.pk/details.asp?nid=94684 http://beta.jang.com.pk/details.asp?nid=94684 تلہار (نامہ نگار) تلہار کے نواحی گاؤں باغ علی ٹالپر میں 3 چور سیشن کورٹ بدین کے ریٹائرڈ آفس سپرنٹنڈنٹ غلام رسول ٹالپر کی کار چوری کرکے لے گئے۔ 3 نامعلوم چور رات کے وقت گھر کے باہر کھڑی کار کا تالا توڑ کر چوری کرکے لے گئے پولیس نے رپورٹ درج کرلی ہے۔Thu, 23 May 2013 00:00:00 +0500 http://beta.jang.com.pk/details.asp?nid=94685 http://beta.jang.com.pk/details.asp?nid=94685 قمبر علی خان (نامہ نگار) قمبر علی خان کے نزدیک ٹریفک حادثے میں 3 افراد شدید زخمی ہوگئے۔ مقامی لوگوں نے زخمیوں کو کار سے باہر نکال کر لاڑکانہ اسپتال کے شعبہ حادثات میں داخل کردیا۔Thu, 23 May 2013 00:00:00 +0500 http://beta.jang.com.pk/details.asp?nid=94686 http://beta.jang.com.pk/details.asp?nid=94686 قمبر علی خان (نامہ نگار) قمبر کے مقامی صحافی خادم حسین عمر کے 16سالہ نوجوان بیٹے خوشی محمد مہر سے نامعلوم ڈاکوؤں نے گاؤں ڈرب جاڑو جاتے ہوئے اسلحے کے زور پر ہزاروں روپے نقد اور موبائل سیٹ چھین لیا اور تشدد کرکے لہولہان کردیا اور جائے واردات سے فرار ہوگئے۔Thu, 23 May 2013 00:00:00 +0500 http://beta.jang.com.pk/details.asp?nid=94687 http://beta.jang.com.pk/details.asp?nid=94687 گھارو(نامہ نگار) ناظم آباد کراچی کا 50 سالہ شخص وسیم احمد اپنے دوستوں کے ہمراہ پکنک منانے ٹھٹھہ آیا تھا واپس جاتے بورڈ کی نہر میں نہانے کے لئے رکے جہاں وہ دوستوں کے ہمراہ نہا رہا تھا کہ ڈوب کر جاں بحق ہوگیا۔ پولیس نے لاش برآمد کرکے ضروری کارروائی کے بعد ورثاء کے حوالے کردی ہے جسے وہ ایدھی ایمبولینس کے ذریعے لیکر کراچی روانہ ہوگئے۔Thu, 23 May 2013 00:00:00 +0500 http://beta.jang.com.pk/details.asp?nid=94688 http://beta.jang.com.pk/details.asp?nid=94688 ٹنڈو غلام علی (نامہ نگار) گاؤں کپری موری سے علاج کیلئے ٹنڈوغلام علی کے نجی کلینک آنے والی 5سالہ بچی بھرمی کولہی کے پراسرار طور پر گم ہوجانے پر والد ارجن کولہی نے اغوا کا خدشہ ظاہر کرتے ہوئے مقامی تھانے پر اطلاع دی جس پر پولیس نے گم ہوجانے والی مذکورہ بچی کی تلاش شروع کردی ہے۔ آخری اطلاعات تک نہ بچی مل سکی تھی اور نہ مقدمہ درج کیا جاسکا تھا۔Thu, 23 May 2013 00:00:00 +0500 http://beta.jang.com.pk/details.asp?nid=94689 http://beta.jang.com.pk/details.asp?nid=94689 تلہار (نامہ نگار) بدین اور اس کے نواحی علاقوں میں ایک ماہ سے کھانے پینے کی اشیاء میں ہوشربا اضافہ جس کے باعث غریب عوام فاقہ کشی پر مجبور ہونے لگے۔ مارکیٹ میں ٹماٹر 80 روپے کلو سے بھی زیادہ قیمت میں فروخت ہونے لگا۔ آلو 30 روپے‘ مرغی کا گوشت 240 روپے‘ آٹا 40 روپے اور آئل 170 روپے فی کلو فروخت ہورہا ہے۔ مہنگائی کے باعث دیہاڑی کمانے والے مزدور بھی سخت اذیت کا شکار ہوگئے ہیں۔Thu, 23 May 2013 00:00:00 +0500 http://beta.jang.com.pk/details.asp?nid=94690 http://beta.jang.com.pk/details.asp?nid=94690 سجاول (نامہ نگار) سجاول میں پانی کی قلت کے خلاف 26 مئی کو جسم کی طرف سے لگائے جانے والے دھرنے کے سلسلے میں جئے سندھ محاذ (جسم) کے مرکزی چیئرمین ریاض چانڈیو نے عوامی رابطہ مہم شروع کردی ہے ۔Thu, 23 May 2013 00:00:00 +0500 http://beta.jang.com.pk/details.asp?nid=94691 http://beta.jang.com.pk/details.asp?nid=94691 پڈعیدن (نامہ نگار) کنڈیارو کے صحافی پنجارام کے بھتیجے وجے کمار کے اغوا کے بعد قتل اور صحافی مسرور ملاح پر حملے کے خلاف احتجاجی مظاہرہ کرکے میڈیا سینٹر کے سامنے دھرنا دیا ۔Thu, 23 May 2013 00:00:00 +0500 http://beta.jang.com.pk/details.asp?nid=94692 http://beta.jang.com.pk/details.asp?nid=94692 کوٹری (نامہ نگار) سابق وائس چیئرمین بلدیہ کوٹری عبید اقبال انتقال کرگئے مرحوم نے پسماندگان میں ایک بیٹا اور بیٹی کو سوگوار چھوڑا ہے۔Thu, 23 May 2013 00:00:00 +0500