http://beta.jang.com.pk Get latest and breaking news about Pakistan and World, Sports, Business, visit http://beta.jang.com.pk Sat, 25 May 2013 00:00:00 +0500 en-us http://beta.jang.com.pk/details.asp?nid=95281 http://beta.jang.com.pk/details.asp?nid=95281 http://images.thenews.com.pk/jang/95281_s.jpg ڈبلن (اے ایف پی) پاکستانی کرکٹ ٹیم کے کپتان مصباح الحق نے کہا ہے کہ آئرلینڈ کے خلاف سیریز میں کامیابی کیلئے ہمیں کھیل کے تینوں شعبوں میں اپنی کارکردگی میں بہتری لانا ہوگی۔ انہوں نے کہا کہ کیون اوبرائن کے پہلے ون ڈے کی آخری گیند پر لگائے گئے چوکے نے میچ کو ٹائی کردیا۔ انہوں نے کہا میں اس کارکردگی کا پورا کریڈٹ آئرلینڈ کے کھلاڑیوں کو دیتا ہوں، انہیں آخری 12 اوورز میں 10رنز فی اوور کا ہدف درکار تھا ان کے بیٹسمینوں نے دباؤ میں آئے بغیر عمدہ کارکردگی کا مظاہرہ کیا اور بہترین بیٹنگ کے ذریعے میچ پر گرفت مضبوط کی۔ مصباح الحق نے کہا کہ اس میچ کو دیکھتے ہوئے میں سمجھتا ہوں کہ ہمیں اپنی صلاحیتوں اور پرفارمنس میں مزید بہتری لانا ہوگی ، مصباح الحق نے کہا کہ آئر لینڈ کی ون ڈے میں پرفارمنس کو مدنظر رکھتے ہوئے ہمیں بیٹنگ، بولنگ اور فیلڈنگ کے شعبوں میں نہ صرف پرفارمنس کو بہتر بنانا ہوگا بلکہ حالات کے مطابق کارکردگی کا مظاہرہ کرنا ہوگا، آئرلینڈ کے کپتان، کیون اوبرائن نے کہا کہ ہمارے لئے یہ ہدف آسان نہیں تھا، مگر ہم نے مشکل حالات میں سنبھل کر بیٹنگ کرتے ہوئے میچ پر اپنی گرفت مضبوط بنائی۔ انہوں نے کہا کہ وہ پاکستان کی ٹیم کو مشکل حریف تصور کرتے ہیں یہ ایک بڑی ٹیم ہے، اتوار کے میچ میں ہماری کوشش ہوگی کہ عمدہ کھیل کے ذریعے فتح حاصل کریں اور سیریز جیتیں۔ انہوں نے کہا کہ ہماری کارکردگی میں آہستہ آہستہ بہتری آرہی ہے تاہم اس کے لئے ضروری ہے کہ ہمارے کھلاڑی اپنی کارکردگی میں مستقل مزاجی کا مظاہرہ کریں، ہر ایک جانتا ہے کہ آئر لینڈ خطرناک اور بہترین ٹیم ہے ہمیں صرف 5 سال بہترین پرفارمنس اور کامیابی کی ضرورت ہے۔ دریں اثناء پاکستان اور آئرلینڈ کے درمیان کھیلا گیا پہلا ون ڈے ٹائی ہوگیا جو کرکٹ کی تاریخ کا 28واں ون ڈے ٹائی میچ ہے پاکستان نے 5وکٹ پر 266 رنز بنائے تھے۔ محمد حفیظ کے 122رنز نمایاں تھے جواب میں آئرلینڈ نے 47 اوورز میں 5وکٹ پر 275 رنز بنائے۔ اسٹرالنگ نے سنچری 103 رنز بنائے، کیون اوبرائن 84 رنز پر ناٹ آؤٹ رہے۔ پاکستان کی جانب سے حنیف خان نے 54 رنز کے عوض 2، محمد عرفان نے 57 رنز دے کر ایک اور محمد حفیظ نے 34رنز کے عوض 2وکٹ لئے، سعید اجمل71، شعیب ملک 34، احسان علی 17رنز دے کر کوئی وکٹ نہ لے سکے۔Sat, 25 May 2013 00:00:00 +0500 http://beta.jang.com.pk/details.asp?nid=95282 http://beta.jang.com.pk/details.asp?nid=95282 http://images.thenews.com.pk/jang/95282_s.jpg نئی دہلی (جنگ نیوز) دنیا کے مفرور اور مالدار ترین بھارتی کرکٹ بورڈ کوآئی پی ایل نے پوری دنیا میں رسوا کردیا ہے۔ عالمی سطح پرکرکٹ کو کنٹرول کرنے والے بورڈ کے اب خود بے سہارا ہونے کا قوی امکان پیدا ہو گیا۔ بی سی سی آئی کے مرکزی اسپانسر ادارے ”صحارا گروپ“ نے دھمکی دی ہے کہ اگر بورڈ کے صدر سری نواسن نے استعفیٰ نہ دیا تو وہ اپنا معاہدہ ختم کردیں گے۔ دوسری جانب اسکینڈل میں داماد کا نام منظر عام پر آنے کے بعد سری نواسن پر عہدہ چھوڑنے کے لیے دباؤ بڑھ رہا ہے۔ آئی پی ایل ٹیم کے پونے واریئر کے مالک اور صحارا گروپ کے سربراہ سبھراتا روئے نے دھمکی دی ہے کہ اگر سری نواسن بھارتی کرکٹ کے صدر رہے تو اسپانسر شپ ختم کردیں گے۔ انہوں نے کہا کہ سری نواسن اس قابل نہیں کہ وہ کرکٹ بورڈ کی ذمہ داریاں احسن طریقے سے نبھا سکے۔ بی سی سی آئی نے پونے واریئر کے فیس کے معاملے میں کوئی لحاظ نہیں کیا یہاں تک کہ ان کو بھیجے گئے خط کا کوئی جواب بھی نہیں دیا۔ انہوں نے مزید کہا کہ جب بھارتی بورڈ اختلافات کو ختم کرنے پر دلچسپی نہیں رکھتی تو ہم کیوں ان کا ساتھ دیں۔ ہم بھارتی ٹیم کو اس وقت تک اسپانسر نہیں کریں گے جب تک سری نواسن اپنے عہدے پر مستعفی نہیں ہوتے۔ دوسری جانب بھارتی میڈیا کے مطابق اگر بی سی سی آئی کے صدر سری نواسن کے داماد اور چنئی سپر کنگزکے سی ای اوگرو نانتھ کے خلاف اسپاٹ فکسنگ کے ثبوت مل گئے تو سری نواسن کو اپنے عہدے سے دستبردار ہونا پڑے گا۔ بھارتی کرکٹ بورڈ کے ذرائع کا بھی کہنا ہے کہ بورڈ کی نظر میں سری نواسن سے کرکٹ کی ساکھ بڑی اہمیت کا حامل ہے۔ اگرگروناتھ کے خلاف آئی بی ایل اسپاٹ کیس ثابت ہوگیا تو ان کے سسر یعنی سری نواسن کو بورڈکی صدارت سے ہاتھ دھونا پڑے گا۔ واضح رہے کہ بالی ووڈ کے اداکار وندو دارا سنگھ نے اسپاٹ فکسنگ کیس میں گرفتاری کے بعد نواسن کے دامادگروناتھ کے ملوث ہونے کا انکشاف کیا تھا جس کے بعد ممبئی پولیس نے گروناتھ کوگرفتارکرنے کے لیے گھر پر چھاپہ مارا تاہم وہ مفرور تھے۔ پولیس نے سمن جاری کیا کہ وہ خودکو جمعہ تک پولیس کے حوالے کردیں۔Sat, 25 May 2013 00:00:00 +0500 http://beta.jang.com.pk/details.asp?nid=95283 http://beta.jang.com.pk/details.asp?nid=95283 http://images.thenews.com.pk/jang/95283_s.jpg کراچی (اسٹاف رپورٹر) قومی ہاکی ٹیم کے چیف کوچ اور منیجر اختر رسول نے کہا ہے کہ ورلڈ چیلنج ہاکی ٹورنامنٹ کے لئے مضبوط ٹیم کا انتخاب کیا جائے گا۔ ٹورنامنٹ میں شریک ہر ٹیم ایک کڑا چیلنج ہوگی، کوئی ٹیم آسان نہیں، کھلاڑی کامیابی کے لئے پر عزم ہیں۔ جنگ سے بات چیت کرتے ہوئے انہوں نے کہا کہ کراچی اور ایبٹ آباد میں کیمپ لگانے کا فیصلہ درست تھا۔ جوبر بارو میں نیلی آسٹرو ٹرف نہیں ہے اس لئے ہم نے گرین آسٹرو ٹرف پر پریکٹس کا فیصلہ کیاہے۔ انہوں نے کہا کہ کراچی کا موسم ملائشیا کے موسم سے ملتا جلتا ہے جس کی وجہ سے ہمیں جوبر بارو کے گرم موسم میں ایڈجسٹ ہونے میں دشواری نہیں ہوگی۔ انہوں نے کہا کہ سینئر کھلاڑیوں کو اذلان شاہ ہاکی ٹورنامنٹ کیلئے آرام دیا گیا تھا ان کی واپسی کا مطلب یہ ہرگز نہیں ہے کہ نئے کھلاڑی باصلاحیت نہیں یا ان میں ٹیلنٹ کی کمی ہے۔انہوں نے کہا کہ ورلڈ کپ تک جو تجربہ کار اور سینئر کھلاڑی فٹ ہوں گے انہیں ٹیم کے ساتھ رکھا جائے گا۔ اختر رسول نے کہا کہ بیرون ملک ہاکی لیگ کھیلنے کی وجہ سے کئی کھلاڑی فارم میں نہیں۔ کیمپ میں ہم پچھلی خامیوں کو دور کرنے کی ہر ممکن کوشش کریں گے۔ اختررسول نے کہا کہ ورلڈ چیلنج کپ کے لئے پاکستان کا پول ہرگز آسان نہیں، جنوبی افریقا کی ٹیم ماضی میں ہمارے لئے مشکلات کا سبب بن چکی ہے۔ لندن اولمپک میں بھی اس ٹیم نے ہمیں پریشانی سے دوچار کیا۔ انہوں نے کہا کہ ملائیشیا کو ہوم ایڈوانٹیج ہوگا جبکہ انگلینڈ کی ٹیم بھی خطرناک حریف ہے۔ ہم پول میچوں کو فائنل سمجھ کر کھیلیں گے۔ ورلڈ کپ چیلنج ہاکی ٹورنامنٹ میں ہمارا پہلا اور آخری ہدف اگلے ورلڈ کپ کیلئے کوالیفائی کرنا ہے۔ انہوں نے کہا کہ ایونٹ کی تین ٹاپ ٹیمیں ورلڈ کپ میں حصہ لیں گی۔ اختر رسول نے کہا کہ ٹورنامنٹ میں ابھی وقت ہے ہماری کوشش ہوگی کہ ایک ڈیڑھ ماہ کے تربیتی کیمپ کے دوران ہم اپنی خامیوں پر قابو پالیں گے اور جوبربارو کے ایونٹ کے لئے بہترین انداز میں میدان میں اترسکیں۔ اختر رسول نے کہا کہ عدنان ذاکر اچھے ٹرینر ہیں ان کے لئے ٹیم آفیشلز نے سفارش کی تھی ان کے آنے سے ٹیم کو فائدہ پہنچے گا وہ 29جون کو کیمپ جوائن کرلیں گے۔ ارشد حسین کی گول کیپنگ کوچ کی حیثیت سے تقرری درست فیصلہ ہے۔ احمد عالم نے ذاتی مصروفیات کی بنیاد پر ذمہ داری چھوڑی ہے۔ میں سمجھتا ہوں کہ پاکستان کی ٹیم ورلڈ چیلنج کپ میں بہتر کارکردگی کا مظاہرہ کرکے اگلے ورلڈ کپ میں رسائی حاصل کرنے میں کامیاب ہوجائے گی۔Sat, 25 May 2013 00:00:00 +0500 http://beta.jang.com.pk/details.asp?nid=95284 http://beta.jang.com.pk/details.asp?nid=95284 http://images.thenews.com.pk/jang/95284_s.jpg کراچی (اسٹاف رپورٹر) سینیٹ کی قائمہ کمیٹی برائے کھیل نے جنر ل (ر) عارف حسن کی قیادت میں کام کر نے والی پاکستان اولمپک ایسوسی ایشن کو مسترد کردیا ہے اور کہا کہ اگلے دو ماہ میں پی او اے کے صدر کے عہدے کے انتخابات کرا ئے جائیں۔ اس بات کا فیصلہ جمعہ کو اسلام آباد میں کمیٹی کے اجلاس میں کیا گیا، جس میں عارف حسن کے تیسری بار ایسوسی ایشن کے صدر منتخب ہونے کے تنازع پر غور کیا گیا۔ اجلاس میں کہا گیا ہے کہ سپریم کورٹ کے احکامات کی روشنی میں پاکستان میں اولمپک ایسوسی ایشن کا وجود نہیں ہے۔ کمیٹی نے پاکستان اولمپک ایسوسی ایشن کے صدر کے انتخاب کو مسترد کردیا اور سفارش کی کہ ایسوسی ایشن کے صدر کی نشست خالی ہے، 60 دن میں انتخاب کرایا جائے۔ سینیٹ کی قائمہ کمیٹی بین الصوبائی رابطہ کا اجلاس کمیٹی کی چیئرپرسن فرح عاقل کی زیر صدارت اسلام آباد میں ہوا۔ اجلاس کو بریفنگ دیتے ہوئے سیکریٹری بین الصوبائی رابطہ فریداللہ خان نے بتایا کہ 2005 کی اسپورٹس پالیسی کے تحت کوئی شخص تیسری بار ایسوسی ایشن کا صدر نہیں بن سکتا۔ سپریم کورٹ نے اپنے فیصلے میں 2005 کی اسپورٹس پالیسی کی توثیق کی ہے۔ اس موقع پر عارف حسن نے کہا کہ پاکستان اولمپک ایسوسی ایشن انٹرنیشنل اولمپک ایسوسی ایشن کے ماتحت ادارہ ہے۔ کمیٹی کے فیصلے کے بین الاقوامی سطح پر اثرات ہوں گے، انٹرنیشنل اولمپک ایسوسی ایشن اسی تنازع پر ہماری رکنیت ختم کر سکتی ہے، انہوں نے کہا کہ ان کی صدارت میں کام کر نے والی پی او اے کو عالمی سطح پر تسلیم کیا جاتا ہے، انہوں نے کہا کہ پی او اے کے انتخابات انٹرنیشنل اولمپک کمیٹی اور اولمپک کو نسل کی نگرانی میں ہوئے تھے۔Sat, 25 May 2013 00:00:00 +0500 http://beta.jang.com.pk/details.asp?nid=95285 http://beta.jang.com.pk/details.asp?nid=95285 http://images.thenews.com.pk/jang/95285_s.jpg چنئی ( جنگ نیوز)چنئی سپر کنگز کی انتظامیہ نے بھارتی کر کٹ بورڈ کے سر برارہ سر ی نواسن نے داماد گرو ناتھ کی آئی پی ایل اسکینڈل میں ملوث ہو نے کے بعد خود کو اس کیس سے الگ کرلیا اور اسپاٹ فکسنگ میں ملوث افراد کے خلاف سخت کارروائی کر نے کا عزم کیا ہے۔ان کاکہنا ہے کہ گروناتھ نہ ہی چنئی سپر کنگز کے سی ای او ہیں اور نہ ہی اس کے مالک ہیں ۔ وہ صرف چنئی سپر کنگز انتظامیہ کے اعزازی کارکن ہیں ۔ انتظامیہ نے بی سی سی آئی اور قانون نافذ کرنے والے ادارے کے ساتھ اسپاٹ اسکینڈل کہ تحقیقات میں مکمل تعاون کی یقین دہائی کرائی ہے۔ انتظامیہ کا کہنا ہے کہ کمپنی زیرو ٹولرنس پر یقین رکھتی ہے اور اسپاٹ فکسنگ میں ملوث افراد کے جرم ثابت ہونے کے بعد سخت ایکشن لیا جائیگا۔Sat, 25 May 2013 00:00:00 +0500 http://beta.jang.com.pk/details.asp?nid=95286 http://beta.jang.com.pk/details.asp?nid=95286 http://images.thenews.com.pk/jang/95286_s.jpg ممبئی(اے این این ) آئی پی ایل اسپاٹ فکسنگ کیس بھارتی کرکٹ بورڈ کے صدر کے دامادکے گرد پولیس کا گھیرا تنگ ہوگیا ہے۔بھارتی میڈیا کے مطابق پولیس کو میاپن اور وندو کی ٹیلی فونک بات چیت کا ریکارڈ مل گیا، میاپن، وندو کے ذریعے آئی پی ایل میچز میں جوا کھیلتا تھا، بھارتی میڈیا کے مطابق دونوں کے درمیان ٹیلی فون پر30 مرتبہ رابطہ ہوا،میاپن کو جوا کھیلنے سے ایک کروڑ روپے کا نقصان ہوا،میاپن کے چنئی اوردبئی میں بکیز سے رابطے تھے، میاپن کو ممبئی پولیس کے سامنے پیش ہونا پڑے گا۔Sat, 25 May 2013 00:00:00 +0500 http://beta.jang.com.pk/details.asp?nid=95287 http://beta.jang.com.pk/details.asp?nid=95287 http://images.thenews.com.pk/jang/95287_s.jpg کراچی (اسٹاف رپورٹر) ورلڈ ہاکی لیگ کی تیاری کیلئے قومی ہاکی ٹیم کے ممکنہ کھلاڑیوں کا کنڈیشننگ کیمپ شدید گرمی میں نیشنل ہاکی اسٹیڈیم لاہور میں شروع ہوگیا جس میں کھلاڑیوں کو جسمانی طور پر مضبوط بنایا جارہا ہے۔ قومی ہاکی ٹیم کی مینجمنٹ کی ہدایت پر پی ایچ ایف کے مشیر برائے کوچنگ امور طاہر زمان کی نگرانی میں لگائے جانیوالے کیمپ میں دو گول کیپرز سمیت گیارہ کھلاڑی شریک ہیں۔ طاہر زمان کے مطابق زیادہ تر ہاکی پلئیرز ملائیشین لیگ کھیلنے میں مصروف ہیں جبکہ ملک میں دستیاب کھلاڑیوں کو فٹنس مسائل سے بچانے کیلئے کیمپ لگایا ہے تاکہ ان کو ایبٹ آباد کیمپ میں بھرپور ردہم کے ساتھ شریک کیا جاسکے ۔ کھلاڑیوں نے شدید گرمی کے موسم میں کیمپ لگانے کے فیڈریشن کے فیصلے کو سراہا اور کہا کہ اس سے ان کا فٹنس لیول بڑھے گا جو آئندہ ایونٹس میں پاکستان کیلئے اہم ثابت ہوگا۔Sat, 25 May 2013 00:00:00 +0500 http://beta.jang.com.pk/details.asp?nid=95288 http://beta.jang.com.pk/details.asp?nid=95288 http://images.thenews.com.pk/jang/95288_s.jpg کراچی (رپورٹ: جاوید رشید) بھارتی آئی پی ایل کے مشہور زمانہ اسپاٹ فکسنگ سکینڈل کے دائر کار کو دہلی پولیس نے وسیع کردیا ہے۔ یہ بھی بتایا گیا ہے- سی بی آئی دہلی کی تفتیش کے مطابق بالی ووڈ اداکار وندودا-را سنگھ نے مزید گیارہ کھلاڑیوں کے نام بتائے ہیں۔ دہلی پولیس کے مطابق اسپاٹ فکسنگ کے معاملہ میں ملوث افراد کے خلاف وندو دارا سنگھ گواہ بننا قبول کرلیا ہے۔ دہلی پولیس کے سات ٹیمیں ممبئی، احمد آباد کولکتہ، لکھنئو چنائے، حیدر آباد دکن اور بنگلور پہنچ گئی ہیں جن گیارہ کھلاڑیوں کے نام سپاٹ فکسنگ میں ملوث گرفتار افراد کو گرفتار کرنے کے بعد دہلی لایا جائے گا کہا جارہا ہے کہ انڈر ورلڈ کے مشہور شخصیت چھوٹا شکیل نے گزشتہ دنوں نامعلوم مقام سے ممبئی اور دہلی پولیس کے تفتیشی افسران کو دھمکیاں دی ہیں کہ وہ معاملے کو زیادہ نہ اچھالے اور ہیرو بننے کی کوشش نہ کریں ورنہ ٹھوک دیا جائے گا۔ جنگ نے دہلی پولیس کے ایک اعلیٰ افسر ونود رائے سے شکیل کی دھمکی کے حوالے سے معلوم کیا تو اس نے کہا انکی دھمکیاں تو پہلے دن سے ہی مل رہی ہیں انہوں نے تو وندو سنگھ نہ پکڑے کا کہا تھا لیکن اسے گرفتار کیا گیا ہے اس کے انکشافات میڈیا پر آرہے ہیں۔ جنگ کو انڈر ورلڈ کے ایک رابطہ نے بتایا ہے کہ دہلی پولیس اور ممبئی پولیس ا سپاٹ فکسنگ کے معاملہ میں ہمیں ملوث کر رہے ہیں ہمارے لوگ اس طرح کی حرام کمائی پر یقین نہیں رکھتے ہیں ادھر کھیل کے منتری کے صلاح کار راجیو شکلا نے کہا ہے کہ کھیل میں سٹہ بازی کے رحجان کو روکنے کے لئے سخت قانون سامنے لائے جائیں۔ تاکہ دیش کے کھلاڑی کو استعمال کرنیو الے جرات نہ کر سکیں انہوں نے جنگ سے گفتگو میں کہا کہ اس میں کوئی شک نہیں ہے کہ اسپاٹ فکسنگ کے معاملہ میں دیش کی بدنامی ہوئی ہے۔ اس عمل میں استعمال ہونے والے کھلاڑیوں کی زندگی پر بدنما داغ لگ گیا ہے۔ جسے دھویا نہیں جاسکتا۔Sat, 25 May 2013 00:00:00 +0500 http://beta.jang.com.pk/details.asp?nid=95289 http://beta.jang.com.pk/details.asp?nid=95289 http://images.thenews.com.pk/jang/95289_s.jpg ممبئی (آئی این پی)بھارتی اسپاٹ فکسنگ میں گرفتاریوں اور تفتیش کا سلسلہ جاری ہے۔ بھارتی میڈیا کے مطابق ممبئی پولیس پاکستانی امپائر اسد روٴف سے تفتیش کرے گی۔ جب کہ دوسری جانب چنئی سپر کنگز کے سی ای او میاپن پولیس کے سامنے پیش نہ ہوئے تو انہیں مفرور تصور کیا جائے گا۔دوران تفتیش وندودار نے اعتراف کیا تھا کہ گروناتھ میاپن میرے ذریعے جوا کھیلا کرتے تھے۔ چنئی سپر کنگز کے مالک گرو ناتھ میاپن نے ایک کروڑ کا جوا کھیلا۔ پولیس کے مطابق ضرورت ہوئی تو سپر کنگز کے کھلاڑیوں کو طلب کریں گے۔ میاپن پر2011 سے آئی پی ایل میں سٹے بازی کا الزام ہے۔ چنئی سپر کنگز کے چیف ایگزیکٹیو میاپن نے اس سیزن اپنی ٹیم کے 3 میچز پر کروڑوں روپے کا سٹہ کھیلا۔ دوسری جانب وندو کا کہنا ہے کہ گروناتھ کو آئی پی ایل سکس کے دوران ایک کروڑ روپے کا نقصان ہوا۔ انٹرنیشنل بکیز کو بھی حراست میں لے کر ان سے تفتیش کا سلسلہ جاری ہے۔ بھارتی میڈیا کی رپورٹس کے مطابق راجستھان رائلز کے بعد چنئی سپر کنگز کے کھلاڑیوں کی باری آنے والی ہے۔ ملوث اداکار ویندودار کے اعتراف کے بعد دھونی کی ٹیم بھی نرغے میں ہے۔Sat, 25 May 2013 00:00:00 +0500 http://beta.jang.com.pk/details.asp?nid=95290 http://beta.jang.com.pk/details.asp?nid=95290 کراچی(اسٹاف رپورٹر) 45 ویں قومی ا یتھلیٹکس چیمپین شپ جمعے سے اسلام آ باد میں شروع ہوگئی۔ پاکستان آرمی کے لیاقت علی اور واپڈا کی نجمہ پروین 100 میٹرز کیدوڑ میں کام یابی کے ساتھ ملک کے تیز ترین مرد اور خاتون ایتھلیٹبن گئے۔ 400 میٹر ہرڈلز میں واپڈا کی ماریا مراتب نے پہلی، مردوں کے شارٹ پٹ میں واپڈا کے حافظ امتیاز نے پہلی، ٹرپل جمپ میں واپڈا کی مریم بابر نے پہلی، خواتین کے جیولین تھرو میں سائرہ سعید نے پہلی،دس ہزار میٹرز کی دوڑ میں میں شبانہ کوثر نے پہلی، پول والٹ میں سدرہ بشیر نے پہلی، شارٹ پٹ میں زینت پروین نے پہلی، مردوں کے جیولین تھرو میں آرمی محمد عمران نے پہلی، خواتین کے ہائی جمپ میں صائمہ سحر نے پہلی، پانچ ہزار میٹرز میں عبدالصمد نے پہلی اور100 میٹرز ہرڈلز میں ماریا مراتب نے پہلی پوزیشن حاصلی کی۔Sat, 25 May 2013 00:00:00 +0500 http://beta.jang.com.pk/details.asp?nid=95291 http://beta.jang.com.pk/details.asp?nid=95291 http://images.thenews.com.pk/jang/95291_s.jpg ڈھاکا (جنگ نیوز) بھارت میں کرکٹ کرپشن کا طوفان ابھی تھما نہیں کہ میچ فکسنگ کے بادل بنگلا دیش بھی پہنچ گئے ہیں۔ آئی سی سی اینٹی کرپشن یونٹ کو بنگلا دیش کرکٹ ٹیم کے سابق کپتان محمد اشرفل پر شبہ ہے بنگلا دیشی میڈیا کے مطابق انٹرنیشنل کرکٹ کونسل کے اینٹی کرپشن یونٹ نے بنگلا دیش پریمئیر لیگ کے دو میچز کی تحقیقات شروع کر دی ہیں ، اس سلسلے میں اینٹی کرپشن یونٹ نے بنگلا دیش کا دورہ بھی کیا ہے۔ بی پی ایل کے جن میچز کی تحقیقات کی جا رہی ہیں ان میں ڈھاکا گلیڈی ائیٹرز اور چٹاگانگ کنگز کے میچ کے ساتھ ساتھ ڈھاکا گلیڈی ائیٹرز اور بریسال برنرز کا میچ شامل ہے۔ میڈیا رپورٹس کے مطابق ڈھاکا کی نمائندگی کرنے والے سابق کپتان محمد اشرفل کو شک کی نگاہ سے دیکھا جا رہا ہے۔ محمد اشرفل سے اینٹی کرپشن یونٹ نے سوالات کئے ہیں جبکہ اس معاملے کو راز میں رکھنے کی تلقین کی ہے۔Sat, 25 May 2013 00:00:00 +0500 http://beta.jang.com.pk/details.asp?nid=95292 http://beta.jang.com.pk/details.asp?nid=95292 پیرس(جنگ نیوز) ٹینس کی دنیا کے بہترین کھلاڑیوں نے فرنچ اوپن ٹینس ٹورنامنٹ سے قبل پریکٹس بارش اور ژالہ باری سے متاثر ہوئی ۔ ایونٹ 26 مئی سے پیرس میں شروع ہوگااتوار سے شروع ہونے والے ٹورنامنٹ سے قبل سابق چمپئن راجر فیڈرر اور سرینا ولیمز نے دفاعی چیمپینز ماریہ شراپوا اور نڈال نے پریکٹس کی غرض سے کورٹس کا رخ کیا لیکن ان کا استقبال بارش اور ژالہ باری نے کیا۔ فیڈرر کو موسم نے ریکٹ پکڑنے کی اجازت ہی نہیں دی۔ رافیل نڈال اس سال بہترین فارم میں ہونے کی وجہ سے ایونٹ جیتنے کے لئے فیورٹ کھلاڑی ہیں، امریکا کی سرینا ولیمز پر امید ہیں کہ 2002 کے بعد پہلی بار فرنچ اوپن ٹائٹل حاصل کرنے میں کامیاب ہوجائیں گی۔ راجر فیڈرر ایونٹ میں اچھی کارکردگی کے لئے پرعزم ہیں، جبکہ ماریا شراپوا کا کہنا ہے کہ اس سال وہ اعزاز کا بھرپور انداز میں دفاع کریں گی۔سال کے دوسرے گرینڈ سلم میں فرنچ اوپن ٹورنامنٹ کے ڈرازکا اعلان ہوگیاجس کے مطابق عالمی نمبر دو رافیل نڈال اور عالمی نمبر ایک ٹینس اسٹار نوواک جو کو وچ ایک پول میں جبکہ راجر فیڈر اور ڈیوڈ فیرر دوسرے پول میں ہوں گے۔ ساتویں بارچیمئپن جتنے والے نڈال سیمی فائنل میں نوواک جوکووچ سے مقابلہ کریں گے۔ اسپین سے تعلق رکھنے والے رافیل نڈال انجرڈ ہونے کی بناء کئی ٹورنامنٹ سے باہر تھے۔ ان کا کہنا کہ انجری سے چھٹکارا پانے کے بعد وہ بہتر محسوس کر رہے ہیں اور ٹائٹل کا دفاع کر نے کے لیے پر عزم ہیں ۔ نڈال گیارہ میں سے آٹھ میچز میں جوکووچ کے ہاتھوں شکست کھا چکے ہیں ۔ اینڈی مرے کی ٹورنامنٹ سے دستبرداری کے بعد رافیل اس وقت سیڈ کے دوسرے نمبر پر ہیں ۔ دوسری جانب عالمی نمبر ایک سرینا ولیمز گزشتہ برس انجری کے باعث ٹورنامنٹ میں شرکت کر نے سے قاصر تھیں تاہم انجری کے بعد فارم میں ایسی آئیں کہ کوئی بھی پلئیر ان کے سامنے ڈٹ کر مقابلہ نہ کرسکا۔ اس سال انہوں نے مسلسل 24میچوں میں کامیابی حاصل کی۔Sat, 25 May 2013 00:00:00 +0500 http://beta.jang.com.pk/details.asp?nid=95293 http://beta.jang.com.pk/details.asp?nid=95293 http://images.thenews.com.pk/jang/95293_s.jpg نئی دہلی (اے این این ) آئی پی ایل میں اسپاٹ فکسنگ کا اسکینڈل منظر عام پر آنے کے بعد بھارتی کرکٹ بورڈ کے صدراین سری نواسن نے کہا ہے کہ کھلاڑیوں پر ہر وقت نظر نہیں رکھی جاسکتی ، آئی پی ایل میں اسپاٹ فکسنگ اور میچ فکسنگ کو روکنے کے لئے تمام ضروری اقدامات اٹھائے گئے، اس طرح کے واقعہ کی توقع ہر گز نہیں تھی ۔ ایک بھارتی اخبار کو دےئے گئے خصوصی انٹرویومیں انہوں نے کہاکہ بھارتی کرکٹ بورڈ نے اینٹی کرپشن کی وہی باڈی آئی پی ایل میں مقرر کی جس نے 2011 میں کھیلے جانے والے کرکٹ کے عالمی کپ میں فرائض سرانجام دےئے تھے۔ اس کے ساتھ ساتھ تمام ٹیموں کے کھلاڑیوں کو بتایا گیا تھا اس طرح لوگوں کے ساتھ کس طرح برتاؤ کرنا ہے اور یہ بھی بتایا گیا تھا کہ یہ لوگ کس طرح کھلاڑیوں سے رابطے کرتے ہیں ۔ اگر پھر بھی کھلاڑی غلطی کرتے ہیں تو بھارتی کرکٹ بورڈ کس طرح ان کو کنٹرول کرے ۔ انہوں نے کہا کہ آئی پی ایل میں اسپاٹ فکسنگ کا اسکینڈل منظر عام پر آنے کے بعد بھارتی کرکٹ بورڈ اپنے قوانین پر عمل کرے گا ۔ بھارتی سپریم کورٹ نے بھی ہمیں کہہ دیا ہے کہ ہم بورڈ کے قوانین پر عمل درآمد کریں ۔ ہم نے اسپاٹ فکسنگ کو روکنے کے لئے وہ سب کچھ کیا جو ہم کرسکتے تھے ۔ انہوں نے کہاکہ ہم نے اس حوالے سے تحقیقات کا آغاز کردیا ہے جیسے ہی ڈسپلنری کمیٹی کی رپورٹ آئے گی ہم ذمہ داران کے خلاف کارروائی کریں گے ۔ آئی پی ایل کی وجہ سے کرکٹ میں کرپشن کا فروغ اور فرنچائز کا کھلاڑیوں کو غلام بنانے کے حوالے سے کئے گئے سوال کے جواب میں بھارتی کرکٹ بورڈ کے صدر نے کہاکہ کسی حد تک یہ بات ٹھیک ہے۔ آئی پی ایل کی وجہ سے کرکٹ میں کرپشن کوفروغ ملا ہے تاہم اس کو روکنے کے لئے ہر ممکن اقدامات اٹھائے جارہے ہیں۔ انہوں نے کہاکہ کھلاڑی فرنچائز کی جانب سے کھیلتے ہیں اور انہوں نے کہا کہ ایک ٹیم کی طرح برتاؤ کرنے کے ساتھ ساتھ ایک شیڈول پر عمل کرنا پڑ تا ہے ۔Sat, 25 May 2013 00:00:00 +0500 http://beta.jang.com.pk/details.asp?nid=95294 http://beta.jang.com.pk/details.asp?nid=95294 لندن (ایجنسیز) یوئیفا چیمپئنز فٹ بال لیگ کا فائنل ہفتہ کو کھیلا جائے گا جس میں بائرن میونخ اور بورشیا ڈورٹمنڈ کی ٹیمیں پنجہ آزما ہونگی۔یہ تاریخ میں پہلا موقع ہے کہ میگا ایونٹ کے فائنل میں پہنچنے والی دونوں ٹیموں کا تعلق جرمنی سے ہے۔ جبکہ 14 برس میں چوتھا موقع ہے کہ فیصلہ کن معرکے کیلیے ایک ہی ملک کے دو کلب ٹکرائیں گے۔ لندن میں جاری ایونٹ اختتامی مراحل میں داخل ہو چکا ہے اور بائرن میونخ اور بورشیا ڈورٹمونڈ نے عمدہ کارکردگی کی بدولت فائنل تک رسائی حاصل کی ہے۔ ایونٹ میں کھیلے گئے پہلے سیمی فائنل میچ میں بورشیا ڈورٹمنڈ نے ریال میڈرڈ کو زیر کر کے فائنل میں جگہ بنائی تھی جبکہ دوسرے سیمی فائنل میں بائرن میونخ کی ٹیم نے بارسلونا کو ہرا کر فائنل تک رسائی حاصل کی۔ ماہرین کا کہنا ہے کہ دونوں ٹیمیں بھرپور فارم میں ہیں اور ان کی حالیہ کارکردگی کو مدنظر رکھتے ہوئے فائنل میں کانٹے کے مقابلے کی توقع ہے۔ البتہ فٹ بال ماہرین کے مطابق بائرن کو مقابلے میں ایڈوانٹیج حاصل ہوگا اس کے چیمپئنز لیگ ٹائٹل جیتنے کے امکانات زیادہ روشن ہیں۔ دلچسپ بات ہے کہ بائرن میونخ کو گذشتہ برس فائنل میں انگلش کلب چیلیسی کے ہاتھوں شکست ہوئی تھی۔Sat, 25 May 2013 00:00:00 +0500 http://beta.jang.com.pk/details.asp?nid=95295 http://beta.jang.com.pk/details.asp?nid=95295 نیس (اے پی پی) فرانس کے گیل مونفلس اور اسپین کے البرٹ مونٹانس نیس اوپن ٹینس ٹورنامنٹ کے سیمی فائنل میں پہنچ گئے۔ فرانس کے شہر نیس میں جاری ایونٹ میں کھیلے گئے کوارٹر فائنل راؤنڈ میں فرانس کے گیل مونفلس نے عمدہ کھیل پیش کرتے ہوئے ہالینڈ کے روبن ہاس کو اسٹریٹ سیٹس میں 6-2 اور 6-3 سے ہرا کر ٹورنامنٹ کے سیمی فائنل کیلئے کوالیفائی کرلیا۔ اسپین کے البرٹ مونٹانس نے میزبان پال ہینری میتھیو کو اسٹریٹ سیٹس میں 6-4 اور 6-1 سے ہرا کر ٹورنامنٹ کے سیمی فائنل کے لیے کوالیفائی کرلیا۔ اسپین کے پابلو اینڈیوجار نے فرانس کے سیکنڈ سیڈ جائلز سیمن کو اور فرانس کے ایڈورڈ راجر نے امریکا کے تھرڈسیڈ ثام قیوری اپ سیٹ شکست دیکر ایونٹ سے باہر کردیا۔ ٹورنامنٹ کے سیمی فائنل راؤنڈ میں فرانس کے ایڈورڈ راجر کا مقابلہ اسپین کے البرٹ مونٹانس سے ہوگا جبکہ فرانس کے گیل مونفلس کا مقابلہ اسپین کے پابلو اینڈیوجار سے ہوگا۔Sat, 25 May 2013 00:00:00 +0500 http://beta.jang.com.pk/details.asp?nid=95296 http://beta.jang.com.pk/details.asp?nid=95296 کراچی (اسٹاف رپورٹر) ایڈیشنل ڈپٹی کمشنر سینٹرل مشتاق احمد نے کہا ہے کہ کھیلوں سے نوجوان نسل میں مثبت سوچ پیدا ہوتی ہے، یہ ایک ایسی سرگرمی ہے جو محبت، روا داری اور یگانگت کو فروغ دینے میں اہم کردار ادا کرتی ہے اس سے ملک کے لئے محبت کا جذبہ پیدا ہوتا ہ اس بات کا اظہار انہوں نے سندھ باکسنگ ایسو سی اشن کے زیراہتمام نیشنل بینک یآف پاکستان کے تعاون سے استاد محمد سٹو باکسنگ اسٹیڈیم لیاری میں تین روزہ این بی پی کپ کراچی باکسنگ چیمپئن شپ کے افتتاح کے موقع پر مہمان خصوصی کی حیثیت سے خطاب کرتے ہوئے کیا۔ انہوں نے کہا کہ کھیلوں سے ذہنی اور جسمانی ورزش ہوتی ہے بچوں اور نوجوان نسل کو کھیلوں کی جانب راغب کرنا انتہائی ضروری ہے۔ سندھ باکسنگ ایسو سی ایشن کے سیکرٹری اصغر بلوچ نے ٹورنامنٹ کے انعقاد پر نیشنل بینک کے شعبہ اسپورٹس سربراہ اقبال قاسم کا شکریہ ادا کیا اس موقع پر اولمپئن ملنگ بلوچ، سیکرٹری ساؤتھ نور محمد قنبرانی، عبدالستار، مراد بخش، جمیل، فدا حسین، شیر محمد، نواب علی کے علاوہ نیشنل بینک کے اسپورٹس کنسلٹنٹ غلام محمد خان بھی موجود تھے۔ پہلے دن 14 مقابلے ہوئے۔ 30 کے جی میں جاوید نے شعیت کو، بلال احمد نے عرفان کو، نصیر احمد نے یاسین ٹائیگر کو، محمد امین قنبرانی نے رحمت اللہ کو، 32 کے جی میں محمد اسماعیل نے اسرار کو، 36 کے جی میں اکبر علی نے کبیر علی کو، اکبر نے جلیل کو، 40 کے جی میں امیر علی نے جنید کو، زمان نے سعیدکو، محمد سلیم نے جہانزیب کو ہرا دیا۔Sat, 25 May 2013 00:00:00 +0500 http://beta.jang.com.pk/details.asp?nid=95297 http://beta.jang.com.pk/details.asp?nid=95297 کراچی (پ ر) ملت کرکٹ کلب زون چار نے ینگ پاک فلیگ سلور جوبلی 20/20 فیسٹیول جیت لیا، فائنل میں ماڈرن جیمخانہ کو سات وکٹوں سے شکست دیدی۔ میچ سے قبل دونوں ٹیموں کا تعارف مہمان خصوصی اور چیئرمین ینگ پاک فلیگ کلب آغا محمد درویش سے کرایا گیا۔ ماڈرن جیمخانہ نے 165 رنز اسکورز کئے۔ سادات شاہ 50، اختیار شاہ 30، نور الوہاب، یونس خان نے 25/25 رنز بنائے۔ ملت سی سی نے مطلوبہ 167 رنز تین وکٹوں پر 18 اوورز میں بنا لئے وسیم احمد نے ناقابل شکست 73 رنز، سفیان سلیم نے 60 رنز اسکورز کئے۔Sat, 25 May 2013 00:00:00 +0500 http://beta.jang.com.pk/details.asp?nid=95298 http://beta.jang.com.pk/details.asp?nid=95298 http://images.thenews.com.pk/jang/95298_s.jpg پشاور (آئی این پی ) انٹر ریجنل ویمن گیمز کے سلسلے میں منعقدہ بیس بال چیمپئن شپ مردان ریجن نے سنسنی خیز مقابلے کے بعد جیت لی فائنل میں پشاور ریجن کو 10-9 سکور سے شکست ، اس موقع پر ڈائریکٹر سپورٹس ویمن خیبرپختونخوا رشیدہ غزنوی مہمان خصوصی تھی ان کے ہمراہ خیبرپختونخوا بیس بال ایسوسی ایشن کے سیکرٹری جنرل وصال محمد خان ، مس گلنار بیگم ، مس رحم بی بی ، مس نجمہ قاضی سمیت دیگر اہم شخصیات موجود تھیں ۔ ویمن ڈائریکٹر یٹ آف سپورٹس خیبرپختونخوا کے تعاون سے قیوم سپورٹس کمپلیکس پشاور میں منعقدہ انٹر ریجنل ویمن بیس بال کا فائنل پشاور اور مردان ریجن کے مابین کھیلا گیا جس میں دونوں ٹیموں نے شاندار کھیل کامظاہرہ پیش کیا لیکن تیسری اننگز میں مردان نے پشاور کو ایک سکور سے شکست دے کر میچ 10-9 سے جیت لی ، مردان کی طرف سے حسینہ ، سدرہ ، عائشہ ، رینون ،عاصمہ اور مرینہ سکور کئے جبکہ پشاور کی طرف سے ثناء ، یسراہ ، کومل نے سکور کئے میچ میں انٹر نیشنل کھلاڑی وکوچ خالد اورثمرین نے ریفریز کے فرائض انجام دیئے ۔ چیمپئن شپ میں صوبے کے سات ریجن سے ٹیموں نے حصہ لیا جن میں ، ڈی آئی خان ، بنوں ، کوہاٹ ، پشاور ، مردان ، ملاکنڈ اور ایبٹ آباد شامل ہیں ۔ انٹر ریجنل گیمز کے سلسلے میں ووشو کے مقابلے کل سے شروع ہونگے ۔Sat, 25 May 2013 00:00:00 +0500 http://beta.jang.com.pk/details.asp?nid=95299 http://beta.jang.com.pk/details.asp?nid=95299 کراچی (اسٹاف رپورٹر) لاہور ڈسٹرکٹ فٹبال ریفری یسوسی ایشن کے سینئر نائب صدر اخونزاہ عیسٰی خان اورنائب صدر طارق مسعود کو قانون کی خلاف ورزی کرنے پر معطل کردیا گیا ہے۔ لاہور ڈسٹرکٹ فٹ بال ریفریز ایسو سی ایشن کے صدر انیس جاوید نے اخونزادہ عیسی خان اور طارق مسعود کو فٹ بال کے قوانین کی خلاف ورزی پر فوری طور پر تین تین ماہ کے لئے ان کے عہدوں سے معطل کر دیا گیا ہے۔Sat, 25 May 2013 00:00:00 +0500 http://beta.jang.com.pk/details.asp?nid=95300 http://beta.jang.com.pk/details.asp?nid=95300 کراچی (اسٹاف رپورٹر) دوسری کراچی پبلک اسکول انٹر برانچ باسکٹ بال چیمپئن شپ 28 سے 30 مئی تک ہوگی۔ چیمپئن شپ کے مقابلے کراچی پبلک اسکول سفاوی کیمپس کورنگی کراسنگ پر شروع ہوگی جس میں کراچی پبلک اسکول کی مختلف برانچوں کی آٹھ ٹیمیں حصہ لیں گی۔ ناک آؤٹ کی بنیاد پر ہونے والی چیمپئن شپ میں کے پی ایس اسٹار گیٹ، کے پی ایس گلشن اقبال، کے پی ایس شاہراہ فیصل، کے پی ایس سفاوی (میٹرک سیکشن) اور کے پی ایس فاوی (کیمرج سیکشن) شامل ہیں۔ افتتاحی میچ کے پی ایس سفاوی (میٹرک سیکشن) اور کے پی ایس شاہراہ فیصل کی ٹیموں کے درمیان کھیلا جائے گا۔Sat, 25 May 2013 00:00:00 +0500 http://beta.jang.com.pk/details.asp?nid=95301 http://beta.jang.com.pk/details.asp?nid=95301 http://images.thenews.com.pk/jang/95301_s.jpg کراچی( اسٹاف رپورٹر) پاکستان کرکٹ بورڈ کے چیئرمین ذکا اشرف نے کہا ہے کہ ہمارے پاس اس بارے میں کوئی اطلاعات نہیں اور نہ اس بات کے ثبوت ہیں کہ اسد رؤف کے خلاف اسپاٹ فکسنگ کیس میں ملوث ہونے پر تحقیقات ہورہی ہیں۔ ایک بھارتی اخبار کے مطابق ذکا اشرف نے کہا ہم اسد رؤف کے چیمپئنز ٹرافی امپائرنگ پینل سے ڈراپ ہونے پر تشویش کا شکار اور اس حوالے سے تفصیلات کا انتظار کررہے ہیں۔ آئی سی سی کی اس بارے میں بھیجی گئی ای میل میں کسی وجوہات کا ذکر نہیں ہے۔ تاہم آئی سی سی نے کسی ایکشن کی سفارش کی تو اس پر عمل کیا جائے گا۔Sat, 25 May 2013 00:00:00 +0500 http://beta.jang.com.pk/details.asp?nid=95302 http://beta.jang.com.pk/details.asp?nid=95302 لندن( جنگ نیوز) یوئیفا چیمپئنز لیگ کے فائنل سے قبل یورپین فٹ بال ایسوسی ایشن کا سالانہ اجلاس ہوا۔ انگلش فٹ بال ایسوسی ایشن کے سربراہ شہزادہ ولیم نے مندوبین کو خوش آمدید کہا اور چیمپئنز لیگ کے فائنل کی میزبانی کو لندن کیلیے قابل فخر قرار دیا۔ شہزاہ ولیم نے فائنل میں بائرن میونخ کے جیتنے کی پیش گوئی کی۔ اس دوران یوئیفا کے صدر مائیکل پلاٹینی نے شہزادہ کے ولیم کو ان کے متوقع بچے کیلیے چھوٹی فٹبال کا تحفہ بھی دیا۔Sat, 25 May 2013 00:00:00 +0500 http://beta.jang.com.pk/details.asp?nid=95303 http://beta.jang.com.pk/details.asp?nid=95303 نیودہلی ( جنگ نیوز) پولیس نے سری سانتھ کے گھر سے ایک جعل ساز کو گرفتار کیا ہے۔ بھارتی میڈیا کے مطابق 32سالہ جعل ساز نے خود کو ایک پولیس افسر متعارف کرایا تھا، پولیس نے اسکی شناخت کے بعد نیلاش رام چندر عر ف سچن بتایا ہے اوراس کا تعلق پونے سے ہے۔ پولیس نے بتا یا کہ نیلاش جمعرات کی صبح کوچی پہنچا اور سر ی سانتھ کے گارڈکو اس نے خودکو پولیس افسر ظاہر کیا ۔نیلاش نے سری سانت کے والدین سے ملاقات کی ۔اس نے ان سے کہا کہ وہ بی سی سی آئی کی طرف سے آیا ہے اور سر ی سانتھ کو اسپاٹ فکسنگ کیس سے اس کو بچانے میں اہم کردار ادا کر سکتا ہے۔نیلاش کی مشکوک ارادوں کو دیکھتے ہوئے ان کے والدین نے پولیس کو مطلع کیا۔ پولیس نے اس کو گرفتار کیا اور تفتیشں کر نے پر اس نے بتایا کہ وہ نیشنل کانگریس پارٹی کا لیڈر ہے اور اس کے یونین منسٹر اور آئی سی سی کے سابق صدر شراد پوار سے قریبی مراسم ہیں تاہم پولیس کو نیلاش کے اس بیان پر بالکل یقین نہیں۔Sat, 25 May 2013 00:00:00 +0500 http://beta.jang.com.pk/details.asp?nid=95304 http://beta.jang.com.pk/details.asp?nid=95304 نیودہلی (جنگ نیوز) سابق بھارتی ایتھلیٹ ملکھا سنگھ کی زندگی پر مبنی ”بھاگ ملکھا بھاگ“ کے نام سے فلم بنائی جائے گی۔ وہ چاہتے ہیں کہ اس فلم میں ان کی حقیقی زندگی کے اس حصے کو بھی شامل کیا جائے۔ بہت کم لوگ جانتے ہیں کہ لیجنڈ ملکھا سنگھ بچپن میں کوئلہ چوری کیا کرتے تھے۔ ان کا کہنا ہے کہ ساری دنیا مجھے ایتھلیٹ کے طور پر جانتی ہے لیکن کوئی میرا ماضی نہیں جانتا لیکن میں چاہتا ہوں کہ لوگوں کو پتہ چلے کہ میں ایک چور سے ایتھلیٹ کیسے بنا تاکہ لوگ میری فلم دیکھ کرکچھ سیکھیں۔ فلم میں فرحان اختر ان کا کردار ادا کریں گے۔Sat, 25 May 2013 00:00:00 +0500 http://beta.jang.com.pk/details.asp?nid=95305 http://beta.jang.com.pk/details.asp?nid=95305 http://images.thenews.com.pk/jang/95305_s.jpg ڈبلن (آئی این پی) پاکستان کرکٹ ٹیم کے آف اسپنر سعید اجمل نے کہا ہے کہ آئی سی سی چیمپئنز ٹرافی میں بھارت کے خلاف پول میچ منی فائنل ہو گا، دونوں ٹیمیں خطرناک اور متوازن ہیں، اعصاب کو قابو میں رکھنے والی ٹیم فتح یاب ہو گی، انہوں نے کہا کہ انڈین پریمیئر لیگ میں عدم شرکت پر کوئی مایوسی نہیں کیونکہ آج کل وہاں جو کچھ ہورہا ہے شکر ہے کہ پاکستانی وہاں نہیں ورنہ سارا قصور ہمارے کھلاڑیوں کا نکالا جانا تھا۔Sat, 25 May 2013 00:00:00 +0500 http://beta.jang.com.pk/details.asp?nid=95306 http://beta.jang.com.pk/details.asp?nid=95306 کراچی (اسٹاف رپورٹر) عتیق اللہ کے فیصلہ کن گول کی بدولت نیشنل بینک نے پاکستان واپڈا کو شکست دیکر قومی فٹ بال چیلنج کپ کے فائنل میں کھیلنے کا اعزاز حاصل کرلیا۔ نیشنل بینک نے دفاعی چیمپئن کے آر ایل کو کوارٹر فائنل شکست دیکر بڑا اپ سیٹ کیا تھا۔ بھاولپور میں سیمی فائنل میں کھیل کا تیز آغاز ہوا 23ویں منٹ میں مڈ فیلڈر عتیق اللہ نے ہیڈر کے ذریعے گول اسکور کرکے نیشنل بینک کو برتری دلا دی۔جوآخرتک قائم رہی۔ میچ میں فتح حاصل کرنے کے بعد ٹیم کے ہیڈ کوچ ناصر اسماعیل کا کہنا تھا کہ پورے ٹورنامنٹ میں ہمارے کھلاڑیوں نے شاندار کارکردگی کا مظاہرہ کیا ہے ۔ اب کوشش ہوگی کہ فائنل میں بھی اپنی کامیابی کے سلسلے کو برقرار رکھا جائے۔ ٹورنامنٹ کا دوسرا سیمی فائنل کراچی الیکٹرک سپلائی کارپوریشن اور پاکستان ایئرفورس کے درمیان کھیلا گیا۔Sat, 25 May 2013 00:00:00 +0500 http://beta.jang.com.pk/details.asp?nid=95307 http://beta.jang.com.pk/details.asp?nid=95307 کراچی (اسٹاف رپورٹر) ایشین سکس بال اسنوکر چیمپئن شپ اور ایشین ٹیم ایونٹ میں حصہ لینے کیلئے پاکستانی قطر پہنچ چکے ہیں۔ سکس ریڈ بال ٹورنامنٹ میں پاکستان کی نمائندگی محمد سجاد اور محمد آصف کررہے ہیں ایونٹ کے مقابلوں کا آغاز جمعے سے ہوگیا۔ماجد علی اور حمزہ اکبر ایشین ٹیم چیمپئن شپ میں پاکستان کی نمائندگی کریں گے۔ سکس ریڈ بال چیمپئن شپ 27 مئی تک کھیلی جائے گی جس کے بعد ٹیم ایونٹ کے مقابلے 28 سے 30 مئی تک ہوں گے۔Sat, 25 May 2013 00:00:00 +0500 http://beta.jang.com.pk/details.asp?nid=95308 http://beta.jang.com.pk/details.asp?nid=95308 http://images.thenews.com.pk/jang/95308_s.jpg کراچی (اسٹاف رپورٹر) پنجاب نے لاہور میں کھیلی جانے والی قومی خواتین جمناسٹک چیمپئین شپ جیت لی، جبکہ پاکستان ریلوے نے دوسری اور سندھ نے تیسری پوزیشن حاصل کی۔ پنجاب کی کومل گل کو بہترین جمناسٹ کا ایوارڈ دیا گیا۔ مقابلوں کے اختتام پر پاکستان جمناسٹک فیڈریشن کی صدر روبینہ فاروق نے انعامات تقسیم کئے۔ قومی مینز جمناسٹک چیمپین شپ ہفتے سے شروع ہوگی جو دو روز جاری رہے گی۔Sat, 25 May 2013 00:00:00 +0500 http://beta.jang.com.pk/details.asp?nid=95309 http://beta.jang.com.pk/details.asp?nid=95309 ماسکو (پی پی آئی) سوچی اولمپکس 2014 میں حصہ لینے والے 2500 کھلاڑیوں کے ڈوپ ٹیسٹ لیے جائیں گے ۔ سوچی اولمپک کے ڈوپنگ کنٹرول کے سربراہ الیکس سلاؤٹ نے کہا ہے کہ گیمز کے دوران ڈوپنگ کنٹرول کے لیے 13سائیٹس قائم کی جائیں گی اور مختلف وینیوز پر 10 اسٹیشن قائم کیے جائیں گے جن میں سے تین اسٹیشن اولمپک ولیج میں ہو ں گے۔ سوچی اولمپک 2014ء سات سے 23 فروری تک ماسکو میں ہو ں گے۔Sat, 25 May 2013 00:00:00 +0500 http://beta.jang.com.pk/details.asp?nid=95310 http://beta.jang.com.pk/details.asp?nid=95310 روم(پی پی آئی)شدید برف باری کے با عث اٹالیا سائیکل ریس کا انیسواں مر حلہ منسو خ کر دیا گیا۔سطح سمندر سے دو ہزار سات سو تیراسی میٹر اونچے اٹلی کے پہاڑی علاقے پونٹے ڈی لیگنو سے وال مارٹیلو کے درمیان ہونے والی 139کلو میٹر ریس کا انیسواں مرحلہ شدید برف کے باعث منسوخ کر دیا گیا۔ محکمہ موسمیات نے درجہ حرارت منفی بیس ڈگری تک چلے جانے کی پیشن گوئی کی ہے۔Sat, 25 May 2013 00:00:00 +0500 http://beta.jang.com.pk/details.asp?nid=95311 http://beta.jang.com.pk/details.asp?nid=95311 کراچی (پ ر) کراچی سٹی کرکٹ ایسوسی ایشن کے زیراہتمام مہدی حسن میموریل کے سی سی اے انٹر کلب کرکٹ ٹورنامنٹ کے کوارٹر فائنل میں ملیر جیمخانہ نے ناظم آباد جیمخانہ کو 8 وکٹوں سے ہرا دیا۔ ناظم آباد جیم خانہ نے 150 رنز اسکورز کئے۔ منصور احمد 37، شہزر ثناء الحق 27 رنز اسکورز کئے۔ ملیر جیمخانہ نے مطلوبہ ہدف 151 رنز دو وکٹوں کے نقصان پر پورا کر لیا۔ اوپنر خرم منظور نے جارحانہ سنچری اسکور کی۔Sat, 25 May 2013 00:00:00 +0500 http://beta.jang.com.pk/details.asp?nid=95312 http://beta.jang.com.pk/details.asp?nid=95312 http://images.thenews.com.pk/jang/95312_s.jpg کراچی (پ ر) دہلی بوائز کلب نے ملت کرکٹ کلب کو ایک رن سے شکست دیکر پہلا ارسلان اقبال میموریل ٹی ٹوئنٹی کرکٹ ٹورنامنٹ جیت لیا فاتح ٹیم نے 179 رنز اسکورز کئے محمد باسط 64، فرمان یوسف 40، محسن طلعت 35، مبین طلعت نے 30 اسکورز کئے۔ ملت سی سی 178 رنز بنا کر آخری اوور میں آؤٹ ہو گئی۔ وسیم احمد 80، جنید خان، محمد رضوان نے 30 اسکورز کئے مبین طلعت، محمد باسط نے 3/3 وکٹیں حاصل کیں فائنل کے اختتام پر مہمان خصوصی شمیم انور صدیقی اور صدر تقریب معراج الحق نے انعامات تقسیم کئے۔Sat, 25 May 2013 00:00:00 +0500 http://beta.jang.com.pk/details.asp?nid=95313 http://beta.jang.com.pk/details.asp?nid=95313 کراچی (پ ر) 19 ویں ہینو پاک ٹرافی کے سی سی اے انٹر ڈپارٹمنٹل لیگ میں ہاشم انڈسٹریز نے فیصل بلڈ بینک کو چھ وکٹوں سے شکست دیدی۔ فیصل بلڈ بینک صرف 80 رنز بنا کر آل آؤٹ ہو گئی عامر رضا نے 25 رنز اسکورز کئے۔ ایثار حیدر نے پانچ، فراز خان، مرتضیٰ حسین نے 2/2 وکٹیں حاصل کیں جواب میں ہاشم انڈسٹریز نے مطلوبہ ہدف چار وکٹوں کے نقصان پر پورا کر لیا۔ مرتضیٰ حسین 29، نوید بلوچ نے 27 رنز اسکورز کئے۔Sat, 25 May 2013 00:00:00 +0500 http://beta.jang.com.pk/details.asp?nid=95314 http://beta.jang.com.pk/details.asp?nid=95314 کراچی (اسٹاف رپورٹر) سفیان مرچنٹ اور شہریار گذدر کی جوڑی نے محمد ذیشان اور عمیر ادریس کو شکست دیکر کراچی کلب ڈبلز ہینڈی کیپ اسنوکر ٹورنامنٹ کے پری کوارٹر فائنل میں کھیلنے کا اعزاز حاصل کرلیا۔ کراچی کلب میں کھیلی جانے والے چیمپئن شپ کے دوسرے راؤنڈ کے میچوں میں عبداللہ طارق اور مصطفی طارق کی جوڑی نے نوید یعقوب اور عبدالرحمان کو، اسماعیل عارف اور ذانش راجہ نے سروش شمسی اور سجاد الیاس کو، شاہد گوڈل اور اظہر داؤرا نے تراب غنی اور واجد غنی کو، حسین منڈوی اور فرقان قاسمانی نے فیضان قاسمانی اور برہان الدین کو، دلیپ پروانی اور ناصر انتاریہ نے دانش بھایانی اور یاسر تھارا کو ہر کر پری کوارٹر فائنل میں جگہ حاصل کرلی۔Sat, 25 May 2013 00:00:00 +0500 http://beta.jang.com.pk/details.asp?nid=95315 http://beta.jang.com.pk/details.asp?nid=95315 http://images.thenews.com.pk/jang/95315_s.jpg کراچی (اسٹاف رپورٹر) نیشنل انڈر 16 فٹ بال چیمپئن شپ 7 جون سے عارف والا ڈسٹرکٹ پاک پتن میں ہوگی۔ پاکستان فٹ بال فیڈریشن کی جانب سے جاری کئے جانے والے بیان میں کہا گیا ہے کہ اس سے قبل قومی انڈر 16 فٹ بال چیمپئن شپ کا آغاز 31 مئی سے اوکاڑہ میں ہونا تھا لیکن ٹورنامنٹ کے آغاز کی تاریخ اور وینیو تبدیل کردیا گیا ہے۔ ایونٹ میں 12 ٹیمیں حصہ لے رہی ہیں جس میں آٹھ ٹیمیں پروانشیل/ ریجنل (پنجاب، کے پی کے، بلوچستان، سندھ، اسلام آباد، اے جے کے، فاٹا اور گلگت بلتستان فٹ بال ایسو سی ایشن) شامل ہیں جبکہ تین کوچز کی چارٹیمیں، کراچی لاہور پشاور کوئٹہ شامل ہیں۔ دریں اثناء ڈسٹرکٹ فٹ بال ایسوسی ایشن کے پاک پتن کے صدر انڈر 16 قومی فٹ بال چیمپئن شپ کے آرگنائزنگ سیکرٹری چوہدری محمد امجد جمعے کو انتقال کرگئے جن کی تدفین مقامی قبرستان میں ہوئی۔ پاکستان فٹ بال فیڈریشن کے صدر فیصل صالح حیات اور سیکرٹری جنرل کرنل (ر) احمد یار خان لودھی نے ان کے انتقال پر تعزیت کا اظہار کیا ہے۔Sat, 25 May 2013 00:00:00 +0500 http://beta.jang.com.pk/details.asp?nid=95316 http://beta.jang.com.pk/details.asp?nid=95316 http://images.thenews.com.pk/jang/95316_s.jpg کراچی (پ ر) کے سی سی اے زون چار کے زیراہتمام پروفیسر اعجاز احمد فاروقی انوی ٹیشن چار کرکٹ ٹورنامنٹ میں قائدآباد جیمخانہ نے ملت سی سی کو 106 رنز سے ہرا دیا۔ فاتح ٹیم نے 245 رنز اسکورز کئے شفیع اللہ 75، عمران 50، محمد نعیم نے 49 رنز اسکورز کئے۔ احمد عالم، شاہد حسین نے 3/3 وکٹیں حاصل کیں ملت سی سی 139 رنز بنا کر آل آؤٹ ہو گئی۔ شاہان نعیم نے 41 رنز اسکور کئے۔ شفیع اللہ نے چار وکٹیں لعل زادہ نے دو وکٹیں حاصل کیں۔Sat, 25 May 2013 00:00:00 +0500 http://beta.jang.com.pk/details.asp?nid=95317 http://beta.jang.com.pk/details.asp?nid=95317 گزشتہ ہفتے کالم میں کرکٹرز اور سیاست کے عنوان پر بات مکمل نہیں ہو پائی تھی، آج اس بارے میں کچھ اور باتیں قارئین کے گوش گذار کر نا چاہوں گا۔ لکھنے کو تو بہت کچھ ہے، دل بھی چاہتا ہے، وہ سب آپ کے سامنے بیان کردوں جو دیکھا اور سنا لیکن شائد ابھی وقت نہیں آیا یہ باتیں کہنے کا۔ ایسا نہیں کہ کسی کی ناراضی مدنظر ہے۔ میں ہمیشہ کرکٹرز کے لئے آواز اٹھاتا رہا ہوں اور یہ سلسلہ آئندہ بھی جاری رہے گا۔ میں کچھ ایسی باتوں کا تذکرہ کر رہا ہوں، ان کے بارے میں سمجھتا ہوں کسی کی دل آزاری نہ ہوجائے، خیر ویسے میں کیوں اتنا سوچتا ہوں، کیا سب ہی اتنا لحاظ کرتے ہیں ، سب چھوڑیں یہ کرکٹرز اپنے ساتھیوں کا خیال نہیں رکھتے، ان کے لئے جذبات سے عاری ہو جاتے ہیں ۔ ارے میں سچ کہہ رہا ہوں ۔ اب سنےئے قومی ٹیم کے سابق کپتان اور اس سال 28 دسمبرکو اپنی 72 ویں سالگرہ منانے والے انتخاب عالم صاحب کی۔ پاکستان کے لئے 47 ٹیسٹ اور4 ون ڈے کھیلنے والے موجودہ ڈائریکٹر انٹرنیشنل کی آج بھی کیا بات ہے، اگر دیکھا جا ئے تو پاکستان سروسز رولز کے مطابق 60 سال کی عمر کے بعد ان کی پی سی بی سے چھٹی ہو جانی چاہیے تھی، لیکن کیا کہئے انتخاب صاحب کے دیرینہ دوست سابق چیئر مین اعجاز بٹ کا جنھوں نے انتخاب عالم کی5 لاکھ روپے کی نوکری کو کنٹریکٹ کا تڑکہ لگا کر بچا لیا، ویسے ان دنوں انتخاب صاحب پاکستان کرکٹ بورڈ میں ہر اعتبار سے فعال ہیں،کھلاڑیوں کے چناؤ کا معاملہ ہو تو وہ سلیکشن کمیٹی کے اجلاس میں پہنچ جا تے ہیں ، سینٹرل کنٹریکٹ کی بات ہو تو وہ توفیق عمر کو سی کیٹگری میں ڈلوا دیتے ہیں ، ویسے مجھے یاد آیا، پاکستان کرکٹ ٹیم کے کئی کھلاڑیوں کے کیریئر ختم کروانے میں سابق مینجر نے کئی بار کردار ادا کیا۔ ایک مرتبہ میں شعیب اختر کے کمرے میں بیٹھا تھا، وہاں فون پر شعیب اختر نے کسی سے کہا کہ یار وہ تم نے سب لڑکوں سے پیسے جمع کر نے تھے، یہ تو صرف پندرہ ہزار روپے ہیں جلدی کرو، انتخاب بھائی کا فون آیا تھا۔ جب شعیب اختر نے فون رکھ دیا تو میں نے پوچھا ، شعیب کس چیز کے پیسے جمع کر رہے ہو، وہ بولے یار انتخاب بھائی نے کہا ہے کہ کسی کے لئے پیسے جمع کرنے ہیں ، میں نے اس بات کا تذکرہ موجودہ ٹیم کے ایک کرکٹر سے کیا تو وہ ہنس کر بولا ، ارے دوست یہ تو کچھ نہیں ، جب ہم غیر ملکی دوروں پر ہو تے ہیں تو وہاں یہ کہا نی بتا کر ڈالر جمع ہو تے ہیں، اور وہ پھر زور سے ہنس دیا۔اکثر لوگ مجھ سے پوچھتے ہیں، یحییٰ بھائی محمد عامر کا کیا ہوگا؟ وہ کب واپس آئے گا، میں کہتا ہوں ، تھوڑا انتظار۔ لیکن اس سوال کے بعد عموماً میں سوچتا ہوں کہ جن لوگ نے ماضی میں میچ فکسنگ جیسے گھناؤنے جرم میں ملوث ہوکر پاکستان کرکٹ کا دامن داغ دار کیا، وہ تو سستے میں چھوٹ گئے،کوئی تجزیہ کار بن کر پیسے بنا رہا ہے، کوئی کوچنگ کے نام پر بینک بیلنس بڑھا رہا ہے، حد تو یہ ہے کہ جسٹس (ر) قیوم رپورٹ میں جن کا ذکر ہے کہ ان کوکوئی ذمہ داری نہ دی جائے، ان میں سے کوئی پی سی بی میں ہے تو کوئی کرکٹ سے وابستہ ہے۔ متنازع انڈین کرکٹ لیگ ہی کو لے لیجئے، جہاں جانے والے کو پی سی بی نے پابندی کی زنجیر میں جکڑا ستم ظریفی دیکھئے کہ آئی سی سی خاموش بت بنا بیٹھا ہے، عمران فرحت ہوں یا پھر توفیق عمر پاکستان کر کٹ کے ساتھ سینٹرل کنٹریکٹ میں شامل ہیں ۔ اور وہ جنھوں نے ماضی میں آئی سی ایل کی جگہ پاکستان کرکٹ کو ترجیح دی ، زندگی کی گاڑی کو چلانے کے لئے مشکل صورت حال سے دوچار ہیں۔ افسوس اور ملامت کی یہ باتیں یہیں ختم نہیں ہوئیں ، انڈین پریمیئر لیگ کے چھٹے ایڈیشن میں راجستھان رائلز کے تین کرکٹرز کا پولیس کے ہاتھوں گرفتار ہونا، اعتراف جرم کرنا ، بھارتی میڈیا کا واویلا کرنا ابھی یہ سب چل رہا تھا کہ پاکستانی امپائر اسد رؤف کا بُرا وقت شروع ہو گیا، خیر اسد رؤف صاحب کے لئے یہ کہا جا ئے کہ آبیل مجھے مار تو غلط نہ ہوگا، زیادہ پرانی بات نہیں ، ایک بھارتی ماڈل کی زلفوں کے اسیر ہونے کے جرم میں ان کی اچھی خاصی شہرت کا باجا بجے زیادہ دیر نہ گذری تھی کہ ان کو ایک اور چار سو چالیس واٹ کا جھٹکا آئی سی سی چیمپئنز ٹرافی سے باہر ہو نے پر ملا ہے۔ مجھے اچھی طرح یاد ہے دنیا کے بہترین امپائر علیم ڈار نے مجھ سے کہا تھا ، یحییٰ بھائی میں نے اسد سے کہا ہے کہ آئی پی ایل میں مت جانا، ماڈل کے ساتھ تمھارا اسکینڈل مشکلات کھڑی کرسکتا ہے۔ لیکن اب ایسا لگتا ہے کہ اسپاٹ فکسنگ کا سارا ملبہ بھارتی میڈیا پاکستان امپائر کے سر ڈال کر خود کو دھو لے گا، لیکن اس سارے معاملے میں آفریں ہے کرکٹ کی گورننگ باڈی آئی سی سی پر کہ ان کے کان پر اسپاٹ فکسنگ اسکینڈل میں بھارتی کرکٹ بورڈ کے سربراہ سری نواسن کے داماد سے پولیس کی تفتیش تک جوں تک نہ رینگی، لیکن اسد رؤف کو انھوں نے محض اس لئے آئی سی سی چیمپئنز ٹرافی سے دودھ میں سے مکھی کی مانند الگ کردیا کہ ان کا نام اسکینڈ ل میں آگیا ہے۔ ویسے آئی سی سی کو تو شائد بھارتی پٹی اپنی آنکھوں پر بندھی ہونے کے سبب یہ بھی نظر نہ آیا کہ بھارتی کرکٹ ٹیم کے کپتان مہندر سنگھ دھونی کی بیوی آئی پی ایل میں جس اداکار کے برابر میں بیٹھ کر میچ سے لطف اندوز ہو رہی تھیں اسے پولیس نے دھر لیا ہے، اسی لئے تو کہتے ہیں ، بھارت کے آگے تو آئی سی سی کی بھی بولتی بند ہے۔پاکستان کرکٹ میں ایک سے بڑھ کر ایک کردار پڑا ہے، ان ہی میں سے ایک ایرک جانسن بھی ہے جو کرکٹر نہیں لیکن مساجر کے روپ میں ایک فزیو تھراپسٹ ضرورہے، جس نے ماضی میں کبھی جہانگیر خان تو کبھی قومی ٹیم کیساتھ کئی غیر ملکی دورے کئے ہیں ، کھلاڑیوں کی قربت نے ایرک جانسن کو بھی بڑا بنا دیا ہے۔ اس کے واقعات کی ایک داستان ہے جو اگر یہاں لکھنے بیٹھ جاؤں تو آپ لوگ بہت زیادہ لطف اندوز ہوں گے، لیکن پھر سہی۔ 2005 میں مجھے نہیں پتا کہ ایرک جانسن ٹیم کے ساتھ کس کی سفارش پر شامل ہوا تھا،لیکن ہاں یہ مجھے ضرور یاد ہے کہ وہ اسسٹنٹ منیجر اسد مصطفی کے کمرے میں ٹھہرا کرتا تھا،اسد مصطفی وہی جنھیں 2009میں یو اے ای میں عبدالرقیب کے اسسٹنٹ کی حیثیت سے بھیجا گیا تھا،لیکن پھر یہ خبر آئی کہ آئی سی سی نے قومی ٹیم کے ایک آفیشل پر سوال اٹھایا ہے،پی سی بی نے کھل کر اس بارے میں تو کچھ کہا نہیں البتہ اسد مصطفی کو نیوزی لینڈ اور آسٹریلیا جا نے کے بجائے پاکستان کا ٹکٹ دے کر واپس بلا لیا گیا،خیر ایرک جانسن کی میں بات کر رہا تھا ،جس نے 2005کے دورہ بھارت میں کرکٹرز کی طرح مزے کئے،مجھے یاد ہے،کر کٹر ناراض تھے،کہ جہاں وہ جاتے ہیں ،تحائف جو انھیں ملتے ہیں ،وہاں ایرک جانسن بھی جھولی بھرنے میں پیچھے نہیں رہتا ،اب اسے ایرک کی چالاکی بولیں ،یاپھر کر کٹرز کی حسد۔yahya.hussaini@geo.tvSat, 25 May 2013 00:00:00 +0500