http://beta.jang.com.pk Get latest and breaking news about Pakistan and World, Sports, Business, visit http://beta.jang.com.pk Sat, 18 May 2013 00:00:00 +0500 en-us http://beta.jang.com.pk/details.asp?nid=93264 http://beta.jang.com.pk/details.asp?nid=93264 http://images.thenews.com.pk/jang/93264_s.jpg تہران (اے ایف پی)ایران کی شوریٰ نگہبان نے 14 جون کو ہونے والے صدارتی انتخاب میں خواتین کے حصہ لینے پر پابندی عائد کر دی ہے۔شوریٰ کے ایک رکن محمد یزیدی کا کہنا ہے کہ ایران کا آئین خواتین کو یہ اجازت نہیں دیتا کہ وہ صدارتی الیکشن میں حصہ لیں۔شوریٰ نگہبان کی ذمہ داری ہے کہ وہ اسلامی اقدار کے مطابق انتخابی امیدواروں کی چھانٹی کرے۔30 ایرانی خواتین نے ان انتخابات کے لیے خود کو بطور امیدوار رجسٹر کروایا تھا تاہم اس کی امید کم ہی تھی کہ انہیں الیکشن لڑنے کی اجازت ملے گی۔مبصرین کا کہنا ہے کہ ایران کے آئین میں خواتین کے صدارتی امیدوار بننے کے بارے میں واضح طور پر کچھ نہیں کہا گیا۔ایران کی نیم سرکاری خبر رساں ایجنسی مہر کے مطابق محمد یزیدی نے کہا کہ ’قانون خواتین کو اجازت نہیں دیتا‘ اور خواتین کا نام بیلٹ پیپر پر نہیں آ سکتا۔ایران میں خواتین کو پارلیمان کا رکن بننے کی اجازت ہے اور وہ قانون سازی میں بھی شریک ہو سکتی ہیں۔ملک کے موجودہ صدر محمود احمدی نژاد آئینی پابندی کی وجہ سے تیسری مدت کے لیے صدر نہیں بن سکتے اور ان کے جگہ لینے کے لیے 686 امیدواروں نے خود کو رجسٹر کروایا ہے۔صدارتی الیکشن کے لیے امیدواروں کی حتمی فہرست کا اعلان منگل کو کیا جائے گا۔2009 میں ہونے والے صدارتی انتخاب میں کل 475 امیدواروں نے رجسٹریشن کروائی تھی لیکن شوریٰ نگہبان نے صرف 4 کو الیکشن میں حصہ لینے کا اہل قرار دیا تھا۔ایرانی اپوزیشن نے ان انتخابات کے نتائج تسلیم کرنے سے انکار کردیا تھا جس کے بعد ملک میں بڑے پیمانے پر مظاہرے بھی ہوئے تھے۔Sat, 18 May 2013 00:00:00 +0500 http://beta.jang.com.pk/details.asp?nid=93265 http://beta.jang.com.pk/details.asp?nid=93265 http://images.thenews.com.pk/jang/93265_s.jpg کراچی (رپورٹ جاوید رشید) بھارتیہ جنتا پارٹی (پی جے پی) کے سربراہ پروفیسر راج ناتھ سنگھ کی نامزد وزیراعظم پاکستان نواز شریف سے ٹیلی فونک گفتگو اچھی اکثریت سے الیکشن جتنے اور وزیراعظم کے عہدے کے لئے نامزدگی پر مبارک باد دی ہے۔ بی جے پی سربراہ نے گذشتہ روز نئی دہلی بی جے پی ہیڈ کوارٹر سے جنگ کے ساتھ ٹیلی فونک گفتگو میں کہا ہے کہ یہ نیک شگون ہے کہ دوستی بس کے سفر سے بھارت کے ساتھ چلنے والے سابق وزیراعظم نواز شریف اب تیسری بار وزیراعظم کے عہدے کا حلف اٹھائیں گے۔ انہوں نے امید کا اظہار کیا ہے کہ بھارت میں بھی 2014 ء الیکشن کا سال ہے امید ہے کہ بی جے پی بھی بھاری اکثریت کے ساتھ حکومت بنائے گی ہوسکتا ہے کہ وزیراعظم بھی جی جے پی کا ہو۔ اس طرح دونوں ملکوں کے اندر اچھے مراسم رکھنے والی پارٹیاں حکمران ہوں گی۔Sat, 18 May 2013 00:00:00 +0500 http://beta.jang.com.pk/details.asp?nid=93266 http://beta.jang.com.pk/details.asp?nid=93266 http://images.thenews.com.pk/jang/93266_s.jpg ٹوکیو (عرفان صدیقی) جاپان پاکستان میں مسلم لیگ ن کی نئی قائم ہونے والی حکومت کو معاشی بحران سے نکلنے کیلئے بھاری امداد فراہم کرنے پر غور کر رہا ہے ، نئے مالی سال میں جاپان پاکستان کو 50/ کروڑ ڈالر سے ایک ارب ڈالر کی امداد کا اعلان کرسکتا ہے۔ تفصیلات کے مطابق جاپان امریکا کے بعد پاکستان کو سب سے زیادہ امداد فراہم کرنے والا ملک ہے تاہم پیپلز پارٹی کی حکومت کے آخری دو برسوں کے دوران جاپان نے پاکستان کی امداد میں غیر اعلانیہ کمی کردی تھی جس کی وجہ پاکستان میں امدادی رقوم کے استعمال میں شفافیت کی کمی قرار دی جارہی تھی ، تاہم پاکستان میں مسلم لیگ ن کی نئی حکومت کیلئے جاپانی حکومت بھاری معاشی امداد فراہم کرنے پر غور کر رہی ہے جس کیلئے پاکستان میں جاپان کے سفیر مسلم لیگ ن کے اہم قیادت سے ملاقاتوں میں پاکستان کو فوری طور پر درپیش معاشی چیلنجز کا جائزہ لے رہے ہیں جن سے وہ اپنی حکومت کو آگاہ کریں گے جس کے بعد توقع ہے کہ اگلے مالی سال جاپانی حکومت کی جانب سے پاکستان کو 50/ کروڑ ڈالر سے لیکر ارب ڈالر تک امداد کے طور پر دئیے جاسکتے ہیں۔Sat, 18 May 2013 00:00:00 +0500 http://beta.jang.com.pk/details.asp?nid=93267 http://beta.jang.com.pk/details.asp?nid=93267 کینز(اے ایف پی) فرانسیسی پولیس کے مطابق جمعے کو کینز شہر کے مقامی ہوٹل میں جاری فلمی میلے کے دوران سوئزرلینڈ کی گھڑی ساز کمپنی اور چوپارڈ جیولر کے تیار کردہ 10لاکھ ڈالر مالیت کے زیورات چوری ہوگئے ہیں۔ چور چوپارڈ کے ملازم کے کمرے میں داخل ہوکر کینز کے مرکز میں واقع ہوٹل سے زیورات لے اڑے۔ چوپارڈ کا نام کینز فلم فیسٹیول کے باضابطہ اسپانسرز میں شامل ہے۔انہوں نے فیسٹول کے پام ڈور ایوارڈ و دوبارہ ڈیزاین بھی کیا ہے۔Sat, 18 May 2013 00:00:00 +0500 http://beta.jang.com.pk/details.asp?nid=93268 http://beta.jang.com.pk/details.asp?nid=93268 http://images.thenews.com.pk/jang/93268_s.jpg بغداد (اے ایف پی ،رائٹرز ،اے پی)عراق کے دارالحکومت بغداد کے مضافاتی علاقوں بعقوبہ اور مدائن میں دو دھماکوں میں 49 سے زائد افراد جاں بحق اور 57زخمی ہوگئے ہیں۔ایک دھماکا بعد از نمازِ جمعہ بعقوبہ کی ایک مسجد میں ہوا۔پولیس اور امدادی کارکنوں کا کہنا ہے کہ دھماکہ اس وقت ہوا جب مسلمانوں کے سنی مسلک سے تعلق رکھنے والے مسجد سے نمازی باہر آ رہے تھے۔دوسرا دھماکا مدائن قصبے میں اس وقت ہوا جب مقامی میئر کی تدفین کے لیے لوگوں کی بڑی تعداد موجود تھی۔Sat, 18 May 2013 00:00:00 +0500 http://beta.jang.com.pk/details.asp?nid=93269 http://beta.jang.com.pk/details.asp?nid=93269 میڈرڈ(اے ایف پی) اسپین کے بادشاہ یوان کارلوس پر تعیش تفریحی کشتی سے دستبردار ہوگئے۔2کروڑ 70لاکھ ڈالر مالیت کی فورچونا نامی یہ کشتی ایک تاجر نے 2000میں ہسپانوی بادشاہ کو دی گئی تھی اور اس کے ایندھن پر ایک بار میں 20ہزار یورو خرچ ہوتے تھے۔مذکورہ کشتی کو اب حکومتی تحویل میں لے کر قومی ورثے کے طور پر محفوظ رکھا جائے گا۔Sat, 18 May 2013 00:00:00 +0500