| تلہار (نامہ نگار) تلہار میں سوئی گیس کی فراہمی کے لئے گزشتہ 4 روز سے خواتین اتحاد کی جانب سے احتجاج جاری ہے۔ پیر کو شہر میں شٹرڈاؤن ہڑتال کی گئی اور تمام کاروباری اور تجارتی مراکز بند رہے اور خواتین اتحاد کی جانب سے لیڈی کونسلر ہدایت قمبرانی کی قیادت میں سیکڑوں خواتین اور نوجوانوں نے احتجاجی ریلی نکالی جو بدین، حیدرآباد مین روڈ پر پہنچی جہاں سیکڑوں خواتین اور نوجوانوں نے دھرنا دے کر مین سڑک بلاک کردی جس کے باعث حیدرآباد، بدین، حیدرآباد پنگریو اور حیدرآباد، تھرپارکر جانے والی ٹریفک معطل ہو گئی۔ احتجاجی دھرنے سے ہدایت قمبرانی، فرزانہ جتوئی، گلشن بھنبھرو، مریم کچھی و دیگر نے خطاب کرتے ہوئے کہاکہ 8 ماہ قبل تلہار کے پی پی کے رکن قومی اسمبلی رئیس غلام علی خان نظامانی نے سوئی گیس کی فراہمی کا افتتاح کیا تھا لیکن تاحال تلہار کو گیس کی فراہمی شروع نہیں ہو سکی۔ |
|
