| خیرپورناتھن شاہ (نامہ نگار) خیرپور ناتھن شاہ کے قریب رائس کینال میں 20 فٹ شگاف پڑنے سے فصلیں زیر آب آگئیں جس سے لاکھوں روپے کا نقصان ہوا۔ تفصیلات کے مطابق خیرپور ناتھن شاہ کے قریب گوٹھ آدھو خان گاڈھی کے مقام پر رائس کینال میں اچانک 20 فٹ چوڑا شگاف پڑ گیا جس کے نتیجے میں سیکڑوں ایکڑ اراضی پر کھڑی دھان، مرچوں اور مٹر کی فصلیں زیر آب آگئیں جبکہ متعدد گھر پانی کے گھیرے میں آگئے۔ علاقہ کے آبادگاروں اور دیہاتیوں نے شگاف کو اپنی مدد آپ کے تحت بند کردیا۔ اس موقع پر متاثرین نے صحافیوں کو بتایا کہ انہوں نے شگاف کے بارے میں بروقت محکمہ آبپاشی کے اہلکاروں کو اطلاع دی تاہم 10 گھنٹہ گزرنے کے باوجود عملہ نہیں پہنچا۔ انہوں نے بتایا کہ آبپاشی اہلکاروں کی نااہلی کی وجہ سے ہمیں لاکھوں روپے کا نقصان ہوا ہے جس کا فوری معاوضہ دیا جائے۔ |
|
