کراچی (اسٹاف رپورٹر) پاکستان کرکٹ بورڈ نے ورلڈ کپ 2011ء کی میزبانی سے دستبردار ہونے کے لئے آئی سی سی سے سات سے 8 ملین ڈالرز معاوضہ وصول کیا ہے۔ یہ رقم 10.5 ملین ڈالرز کے علاوہ ہو گی۔ واضح رہے کہ آئی سی سی نے سیکیورٹی خدشات کے باعث پاکستان کو ورلڈ کپ کی میزبانی سے محروم کردیا تھا۔ اب یہ میگا ایونٹ بھارت، سری لنکا اور بنگلہ دیش مشترکہ طور پر کرائیں گے۔ آئی سی سی کی سرکاری دستاویز کے مطابق معاوضہ ملنے کے بعد پی سی بی کے چیئرمین 14 میچوں کی میزبانی سے دستبردار ہوگئے۔ اس حوالے سے پی سی بی اور آئی سی سی کی کمرشل ڈی آئی ڈی آئی کے درمیان معاہدہ ہوا ہے۔
|
|
