ریاض(جنگ نیوز) سعودی سیکورٹی حکام نے دارالحکومت کے قریب واقع ایک مقام پر چھاپہ مار کر غیر قانونی اسلحے کی بڑی کھیپ پکڑی ہے جسے القاعدہ کی ملکیت بتایا جاتا ہے ۔ سعودی وزارت داخلہ کے مطابق اگست میں القاعدہ سے تعلق کے الزام میں گرفتار افراد کی نشاندہی پر ریاض کے نواحی علاقے میں واقع ایک گھر کی تلاشی لی گئی تو وہاں سے غیر قانونی اسلحے کی بڑی مقدار برآمد ہوئی۔ حکام کے مطابق پولیس نے 51بڑے ڈبوں میں موجود 281 رائفلز اور 41ہزار سے زائد گولیوں کو قبضہ میں لے لیا جبکہ پولیس مکان کے مالک کی گرفتاری کیلئے چھاپے ماررہی ہے۔
|
|
