| کراچی (اسٹاف رپورٹر) چیف سیکریٹری سندھ فضل الرحمن نے پیپلزہاؤسنگ سیل سندھ کو ہدایت کی ہے کہ وہ صدر آصف علی زرداری کی ہدایات کے مطابق بے گھر افراد کے لیے مکانوں کی تعمیرکے حو الے سے ایک جامع رپورٹ تیارکرے۔ وہ پیرکو اپنے دفتر میں پیپلزہاؤسنگ سیل کے اجلاس کی صدارت کر رہے تھے۔ اجلاس میں سیل کے چیئرمین، صوبائی محکمہ خزانہ کے نمائندے اور دیگر سینئر افسران موجود تھے۔ سیل کے چیئرمین نے اجلاس کو بتایا کہ سندھ کے تمام اضلاع میں اس کام کو مکمل کرنے کے لیے اقدامات کیے جا رہے ہیں۔ مختلف اضلاع میں منصوبے کے لیے سائٹس کا انتخاب کرلیا گیا ہے جبکہ منصوبوں پرکام میں پیش رفت ہو رہی ہے۔ انہوں نے فنڈزکی بروقت فراہمی کی درخواست کی۔ چیف سیکریٹری نے محکمہٴ خزانہ کو ہدایت کی کہ وہ اس معاملے کو حل کرے۔ چیف سیکریٹری نے اس بات پر زور دیا کہ مکانوں کا طرز تعمیر مقامی موسم کے مطابق ہوناچاہیے۔ اس موقع پر ایڈیشنل چیف سیکریٹری محکمہ منصوبہ بندی و ترقیات منور اوپل بھی موجود تھے۔ |
|
