|
کراچی . . . کراچی کے علاقے گلستان جوہر میں پولیس نے کارروائی کرتے ہوئے شہریوں سے رقم لوٹتے ہوئے 3جعلی پولیس اہلکاروں کوگرفتار کرکے مقدمہ درج کرلیا ۔پولیس کے مطابق گلستان جوہر میں جوہرچورنگی کے قریب ایک بچے نے مددگار 15 پر اطلاع دی کہ ٹیکسی میں سوار ایک خاتون اور مرد کو تین پولیس اہلکاروں نے روکا ہوا ہے،اور ان سے بھتہ مانگ رہے ہیں۔جس پرمددگار 15کنٹرول روم نے تھانہ شارع فیصل کو فوری اطلاع دے کر اپنی ٹیم روانہ کی،جب پولیس اہلکار وہاں پہنچے تو معلوم ہوا کہ اپنے آپ کو پولیس اہلکار ظاہر کرک لوٹ مار کرنے والے افرادکا پولیس سے کوئی تعلق نہیں ہے،جس کے بعد ملزمان محمد امین،حضور بخش،اور خالد کو گرفتار کرلیا گیا،اور ان کے خلاف مدعی فوزیہ اور محمد نواز کی مدعیت میں مقدمہ درج کرکے تفتیش شروع کردی گئی ہے۔
|
