کراچی . . . کراچی کے علاقے جمعہ گوٹھ کے قریب علامہ اقبال ایکسپریس اور مال گاڑی میں تصادم ہو گیا۔ ایدھی ذرائع کے مطابق حادثے کے نتیجے میں ہلاکتوں کی تعداد4ہو سکتی ہے جبکہ متعدد افراد شدید زخمی ہیں۔ ابتدائی اطلاعات کے مطابق کراچی واپس آنیوالی علامہ اقبال ایکسپریس اندرون ملک جانے والی مال گاڑی سے ٹکرا گئی جس کے نتیجے میں مسافر گاڑی کے انجن کے ساتھ ملحقہ بوگیاں شدید متاثر ہوئی۔ حادثے کی جگہ پر موجود افراد اور دیگر مسافر اپنی مدد آپ کے تحت متاثرہ بوگیوں سے لوگوں کو نکالنے کی کوشش کر رہے ہیں جبکہ ایدھی اور چھیپا کے رضاکار وں سے ملنے والی اطلاعات ک مطابق25ایمبولینس زخمیوں کو لے کر روانہ ہو چکی ہیں۔
|
