کراچی . . . متحدہ قومی مومنٹ ک راہنما فاروق ستار نے حکومت کی جانب سے این آر او کو پارلیمنٹ میں پیش نہ کرنے کے فیصلے کا خیر مقدم کیا ہے۔ایم کیو ایم کی رابطہ کمیٹی کے راہنما فاروق ستارنے پریس کانفرنس سے خطاب کرتے ہوئے کہا کہ ایم کیو ایم کے قانونی ماہرین کا اجلاس کافی دنوں تک جاری رہا جس میں این آر او کے قانونی پہلووٴں کا جائزہ لیا گیا، قائمہ کمیٹی برائے قانون کو ایم کیو ایم کی جانب سے یہ مشورہ دیا گیا تھا کہ این آر او کو قومی اسمبلی میں لانا ایک فضول عمل ہے، اس میں وقت ضائع نہیں کیا جائے، اگر ایسا کیا گیا تو ہم مخالفت کرنے پر مجبور ہونگے۔ انہوں نے کہا کہ ایم کیو ایم کے سیاسی موٴقف کی روشنی میں ایوان صدر کی جانب سے جاری پریس ریلیز کے مطابق حکومت نے این آر او کو پارلیمنٹ میں نہ لانے کا فیصلہ کیا، ایم کیو ایم اس عمل کا خیر مقدم کرتی ہے اور اسے جمہوریت کیلئےء اچھا عمل تصور کرتی ہے۔
|
