|
کراچی…اسلامی جمعیت طلبہ کراچی کے ناظم سمیع اللہ حسینی نے کہا ہے کہ 4نومبر سے کراچی میں گھر گھر اوربازاروں میں جاکرہفتہ کتب کے سلسلے میں جھولی فنڈز اکھٹا کیا جائے گا، جمعیت کے البدر اسٹڈی سینٹر میں پریس کانفرنس کے دوران ان کے ہمراہ اسلامی جمعیت طلبہ وسطی اور جنوبی زون کے ناظمین بھی موجود تھے۔سمیع اللہ حسینی کا کہنا تھا کہ حکمرانوں نے تعلیم کو تجارت بناکر غریبوں کیلئے تعلیم کا حصول مشکل بنادیا ہے اسی وجہ سے اسلامی جمعیت طلبہ گزشتہ 59سال سے ہرسال ہفتہ کتب کا اہتمام کرتی ہے۔جسمیں پرانی کتابیں اور رقومات جمع کی جاتی ہیں پھر انہیں امداد اور بہبود طلبہ کیلئے استعمال کیا جاتا ہے ۔انہوں نے اعلان کیا کہ اس سال ہفتہ کتب دو مرحلوں میں منایا جائے گا جو4نومبر سے 10نومبر تک جاری رہے گا۔
|
