|
اسلام آباد…وفاقی کابینہ کا خصوصی اجلاس کل ہورہا ہے جس میں صوبائی وزرائے اعلیٰ بھی شریک ہوں گے ، کابینہ میں حکومت کی نئی کفا ئیت شعاری مہم اور موسم سرما میں گیس کی لوڈمینجمنٹ سفارشات پر فیصلہ متوقع ہے ،وفاقی کابینہ کا اجلاس وزیر اعظم یوسف رضا گیلانی کی زیر صدارت اسلام آباد میں ہوگا ، اجلاس کیلئے چار نکاتی ایجنڈا تیار کیا گیا ہے جس میں سردیوں کیلئے گیس لوڈ مینجمنٹ خصوصا صنعتی شعبہ کو گیس کی فراہم کا جائزہ لیا جائے گا ، ای سی سی کی خصوصی کمیٹی کی گیس لوڈ مینجمنٹ پر رپورٹ کابینہ میں پیش کی جائے گی ، وفاقی کابینہ چینی اور چاول کے بحران کا جائزہ لیتے ہوئے نئی شوگر پالیسی پر فیصلہ بھی کرے گی ، وفاقی وزارت خزانہ کی طرف سے حکومت کیلئے مرتب کی گئی کفایت شعاری پالیسی کی سفارشات وفاقی کابینہ میں کل پیش ہوں گی جن میں غیر ترقیاتی اخراجات کی کمی بھی شامل ہے۔
|
