لندن…سینٹرل مانیٹرنگ…ماہرین نے انکشاف کیا ہے کہ کام یا پڑھائی کے دوران میوزک سننے سے قوت ارتکاز یا توجہ متاثر ہوتی ہے۔ برطانوی یونیورسٹی آف ویلز انسٹی ٹیوٹ کی تحقیق کے مطابق کام یا پڑھائی کے دوران میوزک سننے سے حافظے کی صلاحیت مستقل طور پر متاثر ہو سکتی ہے۔ انسٹی ٹیوٹ کے ماہرین نے18سے30سال کی عمر کے 25افراد سے میوزک سننے کے دوران مختلف نوعیت کے سوالات کیے جس میں ان کی یادداشت کا امتحان لیا گیا۔ تحقیق سے معلوم ہوا کہ شرکاء جب کوئی آواز یا میوزک سنے بغیر سوالوں کے جوابات دیتے تو انتہائی یکسو ہوتے اور صحیح جواب دیتے لیکن جن شرکاء نے میوزک سننے کے دوران سوالات سنے ان کی کارکردگی انتہائی مایوس کن تھی۔